ဆင်းသက်လာပုံ

ပြည်ထောင်စုမြန်မာနိုင်ငံသည်တိုင်းရင်းသားလူမျိုးပေါင်းစုံဖြင့်ဖွဲ့စည်းတည်ထောင် ထားသော နိုင်ငံ တစ်နိုင်ငံဖြစ်၏ ပြည်ထောင်စု မြန်မာနိုင်ငံအတွင်း နေထိုင်ကြသော တိုင်းရင်းသား၏ မူလဒေသရင်းကား တရုတ်အနောက်ပိုင်းမွန်ဂိုကုန်းမြင့်ဒေသဖြစ်လေသည်။   မွန်ဂိုကုန်းမြင့်ဒေသတွင်အနောကာလာသောအခါ လူဦးရေတဖြည်းဖြည်းတိုးလာပြီး ရေကြည်ရာမြက်နုရာဒေသများ ကိုရှာဖွေ၍ ပြောင်းရွှေ့ကြပြန်၏ ထိုသို့ပြောင်းရွှေ့နေထိုင်ကြရာ    သံလွင်မြစ်ကြောင်း၊ မဲခေါင်မြစ်ကြောင်း၊ ဗြဟ္မပုတ္တရာမြစ်ကြောင်း များ မှ တစ်ဆင့် မြန်မာနိုင်ငံအတွင်းသို့ရောက်ရှိလာခဲ့ပါသည်။ မြန်မာပြည်တွင်းသို့အုပ်စုသုံးစုကွဲ၍ ၀င်ရောက်လာကြ၏
              
              ယင်း အုပ်စု သုံးစုမှာ _______________

                                        (၁) မွန်ခမာအုပ်စု၊
                                        (၂) တိဗက်မြန်မာအုပ်စု၊
                                        (၃) ထိုင်းတရုတ်အုပ်စု
                          တို့ဖြစ်သည်။

ယင်းအုပ်စုကြီး သုံးစု အနက် တိဗက်မြန်မာအုပ်စုတွင် ကချင်အုပ်စု၊မြန်မာနှင့် ရှေးမြန်မာအနွယ်အုပ်စု ၊ လိုလို မုဆိုးအုပ်စုဟူ၍အုပ်စုသုံးစုခွဲကာဝင်ရောက်လာကြသည်။သို့ရာတွင်တစ်စုနှင့်တစ်စုဝင်ရောက်လာ ကြသည့် အချိန်ကားမတူညီကြပေ။
       မြန်မာမင်းအုပ်ချုပ်ပုံစာတမ်း၊ မျက်နှာစာ ၃၀ ၌ မြန်မာ ၇ မျိုးထဲတွင် မန်မာ၊ယော(ပရဲ)၊ရခိုင်၊ထားဝယ်၊ပျူ၊ကမ်းယံ၊တောင်သူဟုရေတွက်ထားသည်ကိုထောက်လျှင်   တောင်သူ အမည်ခံခဲ့သောပအိုဝ်းသည်တိဗက်မြန်မာအုပ်စုတွင်ပါဝင်လိမ့်မည်ဟုယူဆရပါသည်။တိဗက်မြန်မာအုပ်စုတွင်
မြန်မာ၊သက်လိုလို၊ကချင်၊ချင်း၊နာဂနှင့်ကရင်ဟု သတ်မှတ်ထား၏ ပအိုဝ်းကိုကရင်အုပ်စုတွင်ထည့် သွင်းထားသောကြောင့် တိဗက်မြန်မာအစုပင်ဖြစ်သည်ဟု ယူဆဖွယ်ရာရှိသည်။
     
   ဦးဖေမောင်တင် ပြုစုရေးသားပြုစုသည့် ဘာသာလောက ကျမ်းတွင် တောင်သူ ကား၊လယ်ပြင်အစပ်တောင်တန်းတွင်တောင်ယာလုပ်သူဟူ၍ဖော်ပြထားသည်ကိုတွေ့ရပေသည်။ စာရေးဆရာမောင်သော်ကလည်းပြည်သူ့ကြယ်ဂျာနယ်စာ-26တွင်မြန်မာနိုင်ငံမှတိုင်းရင်းသား များဆောင်း ပါးတွင်တိဗက်မြန်မာအစုတွင်ပါဝင်သူများမှာဂဒူး၊ထမန်၊သက်၊နာဂ၊ချင်း၊ကချင်၊ဂျင်းဖော၊မြန်မာ၊လရှီ၊မိုင်းသာ၊
မွန်၊ဓရု၊အဇီ၊အင်းသား၊တောင်ရိုး၊ဓနု၊ယောချောင်းသား၊ရခိုင်၊ဗမာ(မြိတ်)၊ဗမာ(ထားဝယ်)၊ပဒေါင်၊ပအိုး၊ကယား ၊ဗရဲ၊ကရင်၊လီသူး၊ ယောယင်၊လားဟူ၊ကော်၊စသည့်လူမျိုးများပါဝင်ကြောင်း  ဖော်ပြထား၏ ။

         ဗန်းမော်တင်အောင်၏  ကိုလိုနီခေတ်မြန်မာနိုင်ငံသမိုင်း  စာမျက်နှာ ၂၀ တွင် ____________
                         ထိုင်း တရုတ်အနွယ်ဝင်များအနက် မြန်မာနိုင်ငံတွင်းသို့ရှေးအကျဆုံးဝင်ရောက်နေထိုင်သူများကား ကရင်လူမျိုး များနှင့်အနွယ်သူဖြစ်သော ပအိုဝ်းတောင်သူလူမျိုးများပင် ဖြစ်ကြဖွယ်ရှိသည်ဟုယုံကြည်စရာရှိလေသည်။ ယင်းတောင်သူလူမျိုးများ သည် ရှမ်းပြည်တောင်ပိုင်းဒေသတစ်ဝိုင်နှင့် သထုံခရိုင်တွေအခြေချနေထိုင်ခြင်းပြုကြလေသည် ။ ပအိုဝ်းတောင်သူများနောက် ကရင် နီတောင်တန်းဒေသတစ်ဝိုက် ၊ သန်လျင်ခရိုင် ပဲခူး ရိုးမနှင့် ဧရာဝတီမြစ်ဝကျွန်းပေါ်ဒေသများ တစ်ဝိုက်တွင် အစုစုကွဲကာ အခြေချ နေထိုင်ကြလေသည် ဟုဖေါ်ပြထားသည် ။

     အချို့သမိုင်းပညာရှင်များကလည်း ကိုလိုနီခေတ် မြန်မာနိုင်ငံသမိုင်း၏ အယူအဆနည်းတူ တောင်သူခေါ်ပအိုဝ်းတိုင်းရင်းသားတို့ သည်ထိုင်းတရုတ်အုပ်စုမှဆင်းသက်လာ သည်ဟုယူဆကြသည်။ ယိုးဒယားနွယ်ဝင်သောတရုတ်အုပ်စု (ထိုင်းတရုတ်) (၀ါ) (တရုတ်ထိုင်း) တွင်း ကရင်အုပ်စု ၊ရှမ်းအုပ်စုနှင့် အခြားအုပ်စုငယ်လေးများ ပါဝင်သည် ။ကရင်အစုတွင်ပါဝင် သောတိုင်းရင်းသားများ မှာ စကော၊ပကူး၊ဘွဲ့၊တောင်သူ၊ကရင်ဖြူ၊ပိုး၊ကယား(ကရင်နီ) ပဒေါင်၊ယင်းသော်၊ဇယိန၊ယင်းတလဲနှင့် ကဲခိုတို့ဖြစ်ကြသည်။ ထို့ကြောင့်တောင်သူခေါ်  ပအိုဝ်းတိုင်းရင်းသားတို့သည် ထိုင်းတရုတ်အုပ်စုတွင်ပါဝင်နေပေသည်။ 

         ဆာဂျေဂျော့စကော (Sir J George Scott) မှတ်တမ်းအရလည်း ပအိုဝ်းတိုင်းရင်းသားတို့သည် မြန်မာနိုင်ငံနယ်နမိတ်တွင်း ဘက်မှ သာလျှင်မကပဲ ယိုးဒယား ကမ္ဘောဒီးယား မဲခေါင်မြစ်ဝမ်းတောင်ပိုင်း ဒေသတွင်လည်း ပြန့်ကျဲနေထိုင်လျက်ရှိကြောင်း ဖောပြ ထားသည်။
          (Major Enrequeeze) မေဂျာ အင် ကွိဇ် ပြုစုသည့် မြန်မာနိုင်ငံလူမျိုးများအကြောင်း စာအုပ်တွင်လည်း ကရင်သည်ထိုင်းတရုတ်အနွယ်မှဆင်းသက်လာသည်ဟု ရေးသားထားလေသည်။ ကရင်ဘ၀ဓလေ့  စာအုပ်တွင်ပအိုဝ်းသည် ကရင်အနွယ်အစုဖြစ်ပြီး ကရင်သည်ထိုင်း တရုတ်အုပ်စုမှ ဆင်းသက်လာသည် ဟု ရေးသားဖေါ်ပြထားသည်ကို တွေ့ရှိရပေသည်။ထို့ကြောင့်အထက်ပါ ပညာရှင်များ၏ယူဆချက်များ ကိုကြည့်လျှင် တာင်သူခေါ်ပအိုဝ်းတိုင်းရင်းသားတို့သည်တိဗက်မြန်မာအုပ်စုတွင် ပါဝင်သည်ဟုလည်းကောင်း ၊  ထိုင်းတရုတ်အုပ်စုတွင်ပါဝင်သည်ဟု လည်းကောင်း အယူအဆ ကွဲပြားနေ ပေသည်။

0 comments:

Post a Comment