ကထိန်ခင်းပွဲ

ကထိန်ခင်းပွဲကို ပအိုဝ်း တိုင်းရင်းသားတို့က “ ပွယ်ကထင် ” ဟုခေါ်၏။ ရှမ်းပြည်နယ်တွင် နေထိုင်ကြသည့် ပအိုဝ်း တိုင်းရင်းသားတို့သည် ကထိန်ခင်းပွဲ၊ တန်ဆောင်တိုင်ပွဲကို အထူးအထွေ မဆင်နွှဲကြသော်လည်း အောက်မြန်မာပြည် တောင်ငူခရိုင် ဇရပ်ကြီးကျေးရွာတွင် နေထိုင်ကြသော ပအိုဝ်း တိုင်းရင်းသားတို့မူကား ပျော်ပျော်ပါးပါး၊ ခမ်းခမ်းနားနား ဆင်နွှဲကြသည်။ မြင့်မားပြီးလှပသော တန်ဆောင်းပြာသာဒ် သဏ္ဌာန် တည်ဆောက်ကာ၊ တန်ဆောင်တိုင် ပွဲတော်ကို ဆင်နွှဲကြသည်။ နတ်ရွာကျေးရွာသည် တန်ဆောင်မုန်းလဆန်း ၈ ရက်နေ့တွင် ကျင်းပ၏။ ဇရပ်ကြီးကျေးရွာမူ၊ တန်ဆောင်မုန်း လပြည့်နေ့ရောက်မှသာ ကျင်းပလေသည်။

ဇရပ်ကြီး ကျေးရွာတွင် နေထိုင်ကြသော ပအိုဝ်း တိုင်းရင်းသားတို့သည် မိမိတို့သည် သထုံမှ ပြောင်းရွှေ့လာကြသူများဟု ယူဆထားသည်။ ထို့ကြောင့် မိမိတို့ရှိ အပိုင်းလေးပိုင်းကိုလည်း၊ သထုံတွင်ရှိသော ရွာအမည်များဖြင့် ကျုံပါပိုင်း၊ တံတားဦးပိုင်း၊ နောင်ကုလားပိုင်းနှင့် အောက်ကျင်းပိုင်း ဟူ၍ ခွဲခြား ထားသည်။ တန်ဆောင်တိုင်ပွဲ ကျင်းပရန် အချိန်နီးကပ်လာသည်နှင့် ကိုယ့်အပိုင်းနှင့်ကိုယ် ၀ါး၊ နှီးစသည့် တန်ဆောင်တိုင်လုပ်ရန် ပစ္စည်းကရိယာများကို စုဆောင်းထားရသည်။

အပိုင်းတစ်ပိုင်းတွင် “ ခိုဗန်တန် ” ခေါ် လူပျိုခေါင်းတစ်ဦးစီ ရှိ၏။ လူပျိုခေါင်းက ဦးစီး၍ သူ၏အိမ်တွင် တန်ဆောင်တိုက်ကို လုပ်ကိုင်ကြရသည်။ တန်ဆောင်တိုင်မှာ မီးပဒေသာပင် ဖြစ်၏။ ဇရပ်ကြီးကျေးရွာနေ ပအိုဝ်း တို့က “ တလှူမွူး ” ဟုခေါ်သည်။ တန်ဆောင်တိုင်ကို လုပ်ရန်အတွက် ၀ါးပိုးခပ်ကြီးကြီးကို ရှာရသည်။ သို့မှလည်း ဘုရားကို သယ်ဆောင်သွားကြရာ၌၊ တင်မရာ ကစားရာ၌ ကျိုးရန်မစိုးရိမ်ရတော့ပေ။

တန်ဆောင်တိုင်မလုပ်ခင် ပထမဦးစွာ မိမိတို့ လိုချင်သည့်ပုံကို အကြမ်းဖျင်း အရင်ရေးဆွဲရသည်။ ပုံကြမ်းရလျှင် လိုအပ်သော ၀ါးများကို ခွဲစိပ်ရ၏။ ဖြာရ၏၊ ပအိုဝ်းလူငယ် လူရွယ်များသည် အင်ဂျင်နီယာပညာ မတတ်မြောက်ကြသော်လည်း ဆန်းသစ်တီထွင်မှုကို ပြုကြသည်။

တန်ဆောင်တိုင်မှာ တစ်ပိုင်းနှင့်တစ်ပိုင်း ပုံသဏ္ဌာန်ချင်း မတူညီရပေ။ ဥပမာ - ကျုံပါပိုင်းက ခါးသေး၍ ရင်ချီသောပုံကို ပြုလုပ်လျှင် တံတားဦးပိုင်းက အထက်မှနေ၍ အောက်သို့အဆင့်ဆင့် ကြီးသွားသည့် ပုံမျိုးကို ပြုလုပ်ရသည်။ ပန်းချီမျက်စိဖြင့် ကြည့်လှစေရန်နှင့် သာမန်မျက်စေ့ဖြင့် ကြည့်လျှင်လည်း မရိုင်းစေရန်အတွက် စက္ကူကို ဆေးရောင်စုံခြယ်သကြ၏။

ထိုနောက် အတောင့်ဆုံး ၀ါးလုံးကိုစု၍ အလယ်အူတိုင်ကို ပြုလုပ်ရသည်။ အလယ်အူတိုင်ကို အပြင်မှနေ ကြည့်လျှင် မမြင်ရအောင် ရောင်စုံခြယ်ထားသော စက္ကူကတ်များကို လိုအပ်သည့်နေရာတွင် ချည်ရ၏။ ဆံဖွားများ၊ ကြာဖူးများ၊ ပန်းပွင့်များကို သူ့နေရာနှင့်သူ လိုအပ်သလို ထည့်ပေးရ၏။

တန်ဆောင်တိုင်ကို ဆင်သောအခါ ၀ါးလုံးရှည်အူတိုင်ကြီးကို လှဲ့ထားရသည်။ ဆင်ပြီးသောအခါ တန်ဆောင်တိုင်ကို ထူရန်အတွက် ကာလသား လူပျိုလူရွယ် ၂၀ မှ ၂၅ ယောက်အထိ အောက်ခြေတိုင်ပေါ်သို့ တက်ပေးရ၏။ ထိပ်ဖျားကိုလည်း ကြိုးနှင့်သိုင်းထားရသည်။ ထူရာတွင်လည်း လျင်မြန်စွာ ထူရသည်။ လျင်မြန်စွာ မထူနိုင်ပါက အောက်ခြေ ၀ါးစများသည် လူကိုပြန်ပိတတ်၏။ သို့သော်လည်း ဇရပ်ကြီးကျေးရွာတွင် တန်ဆောင်တိုင်ထူ၍ လူပိသည်ဟူ၍ မရှိသေးပေ။ တန်ဆောင်တိုင်ကို ထူပြီးသောအခါ မလဲအောင် အောက်ခြေကို ကြိုးများဖြင့် သိုင်းချီရ၏။ တန်ဆောင်တိုင်ကိုထူလျှင် ပအိုဝ်း အိုးစည်ဗုံမောင်းများဖြင့် တီး၍ ထူကြသည်။ အမျိုးသမီးများသည် အမျိုးသားများကို အားပေးသည့်အနေဖြင့် ကခုန်ကြသည်မှာ ပျော်စရာပင် ဖြစ်ပါသည်။

တန်ဆောင်တိုင်ကို ထူပြီးလျှင် ညသို့ရောက်သောအခါ တန်ဆောင်တိုင် ထိပ်ဖျားကို ကြိုးနှင့်ဆက်သွယ်ပြီး မီးပုံးများကို သွယ်တန်း ထွန်းညှိကြသည်။ အဝေးမှ လှမ်းမျှော်ကြည့်ပါက စေတီကို မီးပူဇော်ထားသည်ဟု ထင်မှတ်ရပါသည်။ တန်ဆောင်တိုင် မီးကို တန်ဆောင်မုန်းလဆန်း ၁၄ ရက်ညတွင် ဘုရားကို ပူဇော်ကြသည်။

တန်ဆောင်မုန်းလဆန်း ၁၄ ရက်နေ့ (အဖိတ်နေ့) တွင်ပင် ကိုယ့်အပိုင်းနှင့်ကိုယ် သံဃာတော်များကို လှူဒါန်းရန်အတွက် ပဒေသာပင်ကို သီးကြသည်။ ပဒေသာပင်တွင် သီးကြသည့် လှူဖွယ်ဝတ္ထုများမှာ အများအားဖြင့် ထီး၊ ဖိနပ်၊ အိုး၊ ခွက် ရေပုံး စသည်တို့ဖြစ်ကြပါသည်။ ပဒေသာသီးများကို တန်ဆောင်တိုင်ပေါ်တွင် တက်ချိတ်ရ၏။ ချိတ်သည့်အခါတွင်လည်း လှုပ်သည့်အခါ မကျစေရန် မြဲမြဲချိတ်ထားရသည်။ တန်ဆောင်တိုင်သည် အမြင့်ပေ ၁၅၀ လောက်ရှိသဖြင့် မရန်လူ ၄၀ မှ ၅၀ ထိ လိုလေသည်။

ရွာနှင့်ဘုရားသည် သုံးဖာလုံ၊ လေးဖာလုံလောက်ဝေး၏။ တန်ဆောင်မုန်းလပြည့် ညနေပိုင်း ၂ နာရီ ထိုးသည်နှင့် ရွာမှဘုရားသို့သွား၇န် အဆင်သင့် ဖြစ်နေကြသည်။ အမျိုးသမီးများသည် ကိုယ့်အပိုင်းနှင့်ကိုယ် ဘုရားကိုပူဇော်ရန် ကြာသင်္ကန်း ပူဇော်ကြ၏။ အမျိုးသမီးများကလည်း ကိုယ့်အပိုင်းနှင့်ကိုယ် ဘုရားပူဇော်ရန်အတွက် ကြာသင်္ကန်းကို ရှေ့မှကိုင်ဆောင်သွားရ၏။ လူငယ်ပိုင်းတို့သည် တန်ဆောင်တိုင်ကို နောက်မှနေ၍ မချီကြရ၏။

လေးပိုင်းတွင်ရှိသော ကြာသင်္ကန်းအားလုံးကို ကန်တော့ပွဲနောက်မှ လိုက်သွားကြရ၏။ တန်ဆောင်တိုင်ကို လှည့်ရာတွင် ကြာသင်္ကန်းအားလုံးကို ကန်တော့ပွဲနောက်မှ လိုက်သွားကြရ၏။ တန်ဆောင်တိုင်ကို လှည့်ရာတွင် စည်ကားလှ၏။ အမြို့မြို့အနယ်နယ်မှ လာရောက်ကြည့်ရှု ကြသည်။ လူတွေများလွန်း၍ လမ်းပိတ်သွားတတ်၏။ လမ်းပိတ်သွားသောအခါ သွားလာရေးခက်ခဲသွား၏။ ထို့ကြောင့် လူအုပ်ကိုခွဲရန်အတွက် ကိုယ့်နည်း ကိုယ့်ဟန်ဖြင့် ကျွဲရိုင်းဟု ဆိုကာ ကျွဲနှင့်တူအောင် နှစ်ကောင်သုံးကောင်ခန့် လုပ်ရ၏။ ကျွဲရိုင်းလူအုပ်ထဲ တိုးဝင်သောအခါမှသာ လူများလမ်းဖယ် ပေးကြ၏။ ထိုအခါမှ တန်ဆောင်တိုင်ကို သယ်ရန်လွယ်ကူလေသည်။ ကိုယ့်အပိုင်းနှင့်ကိုယ် အပြိုင်အဆိုင် ပြုလုပ်ကြ၏။

တန်ဆောင်တိုင်၏ နောက်တွင် အတီးအမှုတ်များပါသည်။ အများအားဖြင့် အိုးစည်ပင်ဖြစ်၏။ နောင်ကုလားပိုင်းမူကား ဗြောကိုတီးလေသည်။ တန်ဆောင်တိုင်ကို မ ရာတွင် လေးဘက်လေးတန် ညီညီ မ ရ၏။ ဤသို့မဟုတ်ပါက တန်ဆောင်တိုင်သည် တဖက်စောင်းနင်း ဖြစ်သွားတတ်၏။ ထို့ပြင် တန်ဆောင်တိုင်လုပ်စဉ်က အကယ်၍ အူတိုင်မခိုင်ပါက ကျိုးတတ်သည်။ ထို့ကြောင့် ညီညီညာညာ မ ကြစေရန် လူပျိုခေါင်းက ကြီးကြပ်ပေးရသည်။

တန်ဆောင်တိုင်ကို မ ကြရာတွင် တစ်ခါတည်း ဘုရားအရောက် မသယ်ကြပေ။ တန်ဆောင်တိုင်မှာ ကြီးလည်းကြီး လေးလည်းလေးသဖြင့် တစ်ရှိန်တည်း ဘုရားအရောက် မသယ်နိုင်ကြပေ။ တန်ဆောင်တိုင်ကို မ ရာတွင်လည်း ရိုးရိုး မ ကြသည်ထက် ပျော်ရွှင်စေရန်အတွက် လှည့်ပတ်ပြီး ဆောင့်၍ မ ကြသည်။ ဤသို့လှည့်ပတ်၍ ဆောင့်၍ မ ကြခြင်းမှာ မည်သည့် တန်ဆောင်တိုင်သည် ကစားခံသည်။ မည်သို့လှည့်လှည့် မည်သို့ ဆောင့်ဆောင့်၊ မကျိုးကြောင်း ပြလိုသည့်သဘောပင် ဖြစ်၏။ တန်ဆောင်တိုင်သည် အကယ်၍ အလယ်အူတိုင်က ၀ါးပျော့ဖြစ်ပါက ထိုတန်ဆောင်သည် ကျိုးကျတတ်၏။ ကိုင်းညွတ်သွားတတ်၏။ တစ်ပိုင်းနှင့်တစ်ပိုင်း သူသာသည့် အကြောင်း၊ ငါသာသည့်အကြောင်းကို ပအိုဝ်း ဘာသာဖြင့် စာချိုးကြ၏ မခံချင်အောင် စကြ၏။ ဤသို့ မခံချင်အောင် စကြသော်လည်း တစ်ဦးနှင့်တစ်ဦး ဟော့ဟော့ရမ်းရမ်း၊ ရန်ဖြစ်သည်ဟူ၍ မရှိကြပေ။ ကစားရာတွင်လည်း အလွန်အကျွံ မဖြစ်အောင် ရပ်ကွက်လူကြီးများက ကြပ်မတ်ပေးရသည်။ ထိန်းပေးရသည်။

တန်ဆောင်တိုင်ကို ဆောင့်၍ မကြသဖြင့် မတော်၍ ကျိုးသွားလျှင်သော် လည်းကောင်း၊ လူနည်း၍ မ မ နိုင်လျှင်သော် လည်းကောင်း တစ်ပိုင်းကို တစ်ပိုင်းက ကူညီ၍ မပေးကြသည်။ ကိုယ့်အပိုင်းနှင့်ကိုယ် လုပ်ကြသည်ဟု ဆိုသော်လည်း၊ ဒုက္ခရောက်သောအခါ စည်းစည်းလုံးလုံးဖြင့် ကူညီကြသည်မှာ၊ ပအိုဝ်း တိုင်းရင်းသားတို့၏ ချစ်စရာ ဓလေ့တစ်ခုပင် ဖြစ်ပါသည်။

တန်ဆောင်တိုင်ကို ညနေ ၂ နာရီမှစ၍ ဘုရားသို့ မ ၍ သယ်ကြသည်မှာ ညနေ ၃ နာရီခွဲမှ ဘုရားသို့ ရောက်လေသည်။ အမြန်သွားပါက ၁၀ မိနစ်ပင် မကြာချေ။ တန်ဆောင်တိုင်ကို မ ၍ သွားရင်း၊ တန်ဆောင်တိုင်ကို ချ၍ က ကြရင်းဖြင့်၊ တဖြည်းဖြည်းနှင့် သွားကြသည်။ တန်ဆောင်တိုင်ရှေ့တွင် သွားသော အမျိုးသမီး ကြာသင်္ကန်းအဖွဲ့သည် ဘုရားသို့သွားစဉ်က အတူတူပင် ဖြစ်သော်လည်း၊ အမျိုးသမီး ကြာသင်္ကန်း အဖွဲ့သည် စေတီတော်နှစ်ဆူကို လက်ယာရစ်၍၊ ဘုရားကို ကြာသင်္ကန်း ကပ်လှူကြ၏။ ထိုနောက် ထိုအမျိုးသမီး အဖွဲ့သည် ကြာသင်္ကန်း ကပ်ပြီး၍ ကိုးခန်းဇရပ်တွင် ထိုင်နေကြပြီ ဖြစ်သော်လည်း တန်ဆောင်တိုင်ကို သယ်လာကြသည့် အမျိုးသားအဖွဲ့သည် ရွာထိပ်မှာပင် ရှိနေသေးသည်။

တန်ဆောင်တိုင်ကို သယ်ရာတွင် ကြည့်ရှုကြသည့် ပရိတ်သတ် များလွန်းသဖြင့် ကျွဲရုပ်ထဲတွင် လူဝင်၍ကပြီး၊ လမ်းရှင်းပေးရသည်။ ကျွဲနှစ်ကောင်ကို အောင်ဘာလေကျွဲနှင့် ၀ိုက်ကြီးကျွဲဟု နာမည်ပေးထား၏။ ကျွဲနှစ်ကောင် ဝှေ့ကြသည့်အခါ အိုးစည်ကို အမြန်ဆုံး တီးပေးကြသည်။ ကြည့်ရှုကြသည့် ပရိတ်သတ်များမှာ အပြုံးကိုယ်စီဖြင့် ပီတိဖြစ်ကြရသည်။ လူငယ်ကာလသားများကလည်း အောင်မြင်မှု အထိမ်းအမှတ် အဖြစ် ကကြ ခုန်ကြ သူများမှာလည်း ရေလောင်းထားသည့်အလား တစ်ကိုယ်လုံး ချွေးစို့နေတော့၏။ ရပ်ကွက်လူကြီးများသည် တန်ဆောင်တိုင် လေးပင်စလုံး ဘုရားသို့ ရောက်မှသာ စိတ်ချမ်းသာကြရသည်။ ၀မ်းသာကြရသည်။ မိမိတို့တွင် တာဝန်ရှိသူများပီပီ၊ တန်ဆောင်တိုင်ဘုရားသို့ မရောက်ခင် တာဝန်ရှိသူများ ပီပီ၊ တန်ဆောင်တိုင်ဘုရားသို့ မရောက်ခင် ဘာများဖြစ်လေမည်နည်းဟူ၍၊ စိုးရိမ်စိတ်များ အောင်မြင်ပါမလား ဟူသော သံသယစိတ်များဖြင့် စိုးရိမ်ခဲ့ကြရသည်။ ဘုရားသို့ ရောက်သောအခါ ကိုးခန်းဇရပ်တွင် တန်ဆောင်တိုင်လေးပင်ကို စီတန်း၍ ထားရ၏။

နောက်တစ်နေ့ တန်ဆောင်မုန်းလပြည့်ကျော် ၁ ရက်နေ့ညနေတွင် ပဒေသာ အသီးများ ဖြစ်သည့် လှူဖွယ်ဝတ္ထုများကို သံဃာတော်များအား မဲစနစ်ဖြင့် ကပ်လှူပူဇော်ကြပြီး တရားနာကြ၏။ ဤသို့ တန်ဆောင်တိုင်ပွဲတော်ကြီး ကျင်းပပြီးစီး ပွဲပြီးသောအခါ လူငယ်ကာလသားများက လူကြီးများအား ပအိုဝ်း ဘာသာဖြင့် ---

“ နိန်လေမှ၊ ထွားစိုင်းစိုင်း၊ မိုးဖြားသီးဖာဖြားသီး၊ ဖာနာင်သီး မိုးနာင်သီးနော၊ ဖေးနေးက ဟောင်တိုင်းဟန်နိန်ယို၊ နိသွန်းသီးအီကျိ စာလွေ၊ ဖေထိုင်းယန်းနော ”
(နောင်နှစ်မှ နောက်ထပ် သေသေချာချာ ထပ်ကြည့်ကြအုံးပေါ့ အဘိုး၊ အဘွား၊ ဦးလေး၊ ဒေါ်လေးတို့ ဒီနှစ်ထက် ပိုကောင်းအောင် ကျွန်တော်တို့ လူငယ်တွေ ဆက်ပြီးကြိုးစားပါ့မယ် ထပ်ပြီးအားပေးပါဦး)

ဤကား အောက်မြန်မာနိုင်ငံ တောင်ငူခရိုင်၊ ဇရပ်ကြီး ကျေးရွာရှိ ပအိုဝ်း တိုင်းရင်းသားတို့၏ တန်ဆောင်တိုင်ပွဲ ကျင်းပပုံပင်ဖြစ်၏။ အလှူဒါနပြုပွဲ သာမက ပျော်ပွဲရွှင်ပွဲဟုလည်း ခေါ်နိုင်ပါသည်။ နှစ်စဉ်ပင် တန်ဆောင်မုန်းလ ရောက်တိုင်း တန်ဆောင်တိုင်ပွဲကို ဆင်နွှဲကြသည်။

နတ်တော်လတွင်း “ ခေါပုတ် ” ခေါ် ကောက်ညှင်းထောင်းပွဲကို ကျင်းပကြသည်။ ဤကောက်ညှင်းထောင်းပွဲကို ည ၇ နာရီ၊ ၈ နာရီခန့်တွင် ပြုလုပ်လေ့ ရှိသည်။ ဤတွင် ပအိုဝ်း တိုင်းရင်းသားတို့သည် မိမိတို့ လယ်မှထွက်သော ကောက်ညှင်းဆန်သစ်များကို ချက်ပြီး၊ ထောင်းကြ၏။ ထိုနောက် အပြင်အလိုက် အပြားဝိုင်းများကို ပြုလုပ်၏။ စားစရာတွင် လက်နှင့် မကပ်စေ၇န် နှမ်းမှုန့်ကို ဖြူးပေးရသည်။ ကောက်ညှင်းထမင်းဖြင့် ထောင်းထားသည့် “ ခေါပုတ် ” ကို ကြံသကာရည်ဖြင့် တို့၍ စားရ၏။ ငါးခြောက်ကလေးများကိုလည်း ကြော်၍ ငါးခြောက်ကြော်ဖြင့် စားလေ့ရှိသည်။ နံနက်တွင် ညက ပြုလုပ်ထားသော “ ခေါပုတ် ” ကို ဘုန်းကြီးကျောင်းသို့ အရင်ပို့ပြီး သက်ကြီးရွယ်ကြီးနှင့် အိမ်နီးနားချင်း အိမ်များသို့ လိုက်လံပို့၍ ကုသိုလ် ပြုကြသည်။

ပြာသိုလတွင် “ စော်ယာကု ” ခေါ် ယာဂုပွဲတော်ကို နွှဲပျော်ကြ၏။ အိမ်တိုင်းလိုလို ကောက်ညှင်းဆန်ကို ချက်ပြီး ကြံသကာရည်နှင့် ရောရ၏။ ထိုနောက် ဗန်းများဖြင့် အပြင် ပြုလုပ်ကြသည်။ ပြုလုပ်ထားသည့် အပြင်များ ပေါ်တွင် လှော်ပြီးသော မြေပဲကို အခြမ်းလိုက် နှစ်ထား၏။ အချို့လည်း လှော်ပြီးသား မြေပဲကို ထောင်း၍ အပြင်ပေါ်တွင်ဖြူးကြ၏။ ထိုနောက် ကောက်ညှင်းပြင် ကိုလှီးဖြတ်၍ ဘုရားကို ဆွမ်းတော်တင်ခြင်း၊ ဘုန်းကြီးကျောင်းသို့ သွားရောက်လှူဒါန်းခြင်း၊ ရွာတွင်းရှိ အိမ်နီးနားခြင်းများ၊ သက်ကြီးရွယ်အိုများသို့ လှူဒါန်းခြင်းများ ပြုလုပ်ကြလေသည်။

တပို့တွဲလတွင် ပအိုဝ်း တိုင်းရင်းသားတို့သည် တောတွင်းသို့ လှည့်လည်ကာ စုပေါင်းပြီး ထင်းရှာပွဲ ပြုလုပ်ကြ၏။ တောတွင်းသို့ သွား၍ ထင်းများ၊ သစ်ခေါက်များ ရှာဖွေစုဆောင်း၍ ဘုန်းတော်ကြီးကျောင်းသို့ လှူဒါန်းကြ၏။ ဤလသည် အလွန် အေးသဖြင့်၊ သံဃာတော်များ အအေးဒဏ်မှ ကာကွယ်နိုင်စေရန်၊ မီးလှုံနိုင်ရန် အတွက် ထင်းများကို လှူလေ့ရှိ၏။ တပို့တွဲလတွင် “ ခရဲ ” ခေါ် မီးပူဇော်ပွဲကို ကျင်းပကြ၏။

“ ခရဲ ” ဆိုသည်မှာ မီးပူဇော်သည့် မီးတိုင်ကြီးတစ်မျိုး ဖြစ်၏။ “ ခရဲ ” ခေါ် မီးပူဇော်ပွဲကို တပို့တွဲလပြည့်ညတွင် ပြုလုပ်ကြသည်။ ခရဲမီး ပြုလုပ်ပုံမှာ “ ကလော ” ခေါ် ကျူပင်ငယ် တစ်မျိုး၏ ရိုးတံများကို ၀ါးနက်ဝါး အူတိုင်တွင်၊ ကန်တော့ ထုချွန်သဖွယ် အထပ်ထပ် စည်းကြပ်ချည်နှောင်ထား၏။ ဤထုချွန်ကြီးပေါ်တွင် ၀ါးစိမ်းလေးလုံးဖြင့် ထပ်မံ၍ လေးဘက်လေးတန် ထိန်းချုပ်တွယ် နှောင်ထား၏။ ကန်တော့အခြေမျက်နှပြင်တွင်လည်း တစ်တောင်ခန့်အရှည်ကို ထုတ်ထား၏။

ဤခရဲခေါ် မီးတိုင်ကြီး တစ်ခုလုံးသည် အရှည် ၁၀ တောင်မှ ၁၅ တောင်အထိ ရှိတတ်ပြီး၊ အခြေဖက် မျက်နှာပြင်အ၀ိုင်းသည် အချင်းတစ်ပေမှ တစ်ပေခွဲ အထိ ရှည်လေသည်။ ကန်တော့ချွန်ရိုး တံစည်းကြိုးတွင် ကြိုးကွင်းများကို သီးသန့် ချည်နှောင်ထား၏။ ကြိုးကွင်းများတွင် ထမ်းပိုးများလျှိုကာ တစ်ဖက် တစ်ချက်စီ ထမ်းပိုးသယ်ဆောင်ကြလေသည်။

အမျိုးသားများသည် “ ခရဲ ” များကို မိမိတို့ အဖွဲ့အလိုက် သယ်ဆောင်ကြ၏။ စေတီရင်ပြင်တော်ပေါ်သို့ ရောက်သောအခါ၊ တစ်ဖက်နှင့်တစ်ဖက် မခံချင်အောင် ပြောင်လှောင်ကြ၏။ တစ်ဖွဲ့နှင့်တစ်ဖွဲ့လည်း မီးတိုင်းချင်င်းကို အပြန်အလှန်ပြေး၍ ထိပ်ချင်းတိုက်ကြသည်။ ပရိတ်သတ်များသည် မီးတိုင်ရော လူများပါလဲအောင် တိုက်နိုင်သည့်အဖွဲ့ကို သြဘာပေးကြသည်။

ဤသို့ မီးတိုင်ချင်း တိုက်ကြသော်လည်း အခိုင်အခံ့ ပြုလုပ်ထားသဖြင့် ပျက်စီးခြင်း မရှိနိုင်ပေ။ သို့သော် အချို့ကမူ မိမိတို့၏ မီးတိုင်အစွန်းရှိ ၀ါးစိမ်းလေးချောင်းကို အတွင်းသို့ ကုပ်ထားသဖြင့် တစ်ဖက်မီးတိုင်၏ အခြေကို ထိခိုက်ပျက်စီးစေနိုင်ပေသည်။

မီးတိုင်ချင်း ထိပ်တိုက်ရာတွင် လူကိုထိခိုက်မှု မရှိနိုင်စေရန်၊ ထမ်းပိုးဝါးလုံးများ ရှည်မှသာ၊ လူကြီးများက ခွင့်ပြုလေသည်။ ဤသို့ မီးတိုင်ချင်း ထိပ်တိုက်ခြင်းသည် အပျော်အပါးနှင့် စွမ်းအင်ပြိုင်မှု သက်သက်သာ ဖြစ်၏။ မီးတိုင်ချင်း ထိပ်တိုက်ပွဲများကို ည ၉ နာရီလောက်တွင် ရပ်စဲကြ၏။

ထိုနောက် မီးတိုင်များကို စေတီတော် ပတ်လည်တွင် အသင့်တူးထားသော တွင်းများတွင်၊ အခြေ၀ါးများအတိုင်း စိုက်ပြီး မီးရှို့ ပူဇော်ကြသည်။ “ ကလော ” ခေါ် ကျူပင်တစ်မျိုး၏ ရိုးတံသည် ကောက်ရိုး၏ သဘောအတိုင်းပင် ဖြစ်၏။ မီးရှို့စတင်သည်မှာ ၂၄ နာရီမျှ ကြာမြင့်စွာ မီးတငွေ့ငွေ့ လောင်ကျွမ်းလေသည်။ မီးလောင်ကျွမ်းနေစဉ် ပေါက်ကွဲသံများ ထွက်ပေါ်စေရန်လည်း၊ ၀ါးလုံးစိန်းများကို ထည့်သွင်းထားတတ်ကြသည်။

ပအိုဝ်း တိုင်းရင်းသားတို့သည် ဗုဒ္ဓဘာသာကို သက်ဝင်ယုံကြည်ကြသူများပီပီ၊ တပေါင်းလတွင် သဲပုံစေတီပွဲနှင့် စေတီပုထိုးများတွင် တပေါင်း ဘုရား ပွဲတော်ကို ကျင်းပကြသည်။ တပေါင်းဘုရားပွဲတော်ကို ကုသိုလ်ပြုရင်း၊ ဖူးမြော်ကန်တော့ရင်း ပျော်ရွှင်စွာ ဆင်နွှဲကြသည်။ ထို့ပြင် တပေါင်းလတွင် ပဉ္ဇင်းတက်ပွဲ၊ ရဟန်းခံပွဲ တို့ကိုလည်း ကျင်းပလေ့ရှိ၏။ ကျင်းပပုံမှာလည်း မြန်မာများ ကျင်းပပုံနှင့် ဆင်လေသည်။ ရှင်ပြုပွဲ၊ ပဉ္ဇင်းတက်ပွဲများကို ကျင်းပခြင်းဖြင့် မိဘတို့ဝတ္တရား ကျေပွန်သည်။ ပဉ္ဇင်းတက် - ရဟန်းခံသူ ယောက်ျားလေး များကလည်း ဘုန်းကံရှင်များ ဖြစ်လာသည်ဟု ယုံကြည်ကြလေသည်။

အချုပ်အားဖြင့်ဆိုလျှင် ပအိုဝ်း တိုင်းရင်းသားတို့ ကျင်းပသော ရာသီပွဲတော်များသည် ဗုဒ္ဓဘာသာဝင်တို့၏ အယူအဆအရ ကုသိုလ်ဒါန ပြုခြင်းဖြင့် နိဗ္ဗာန်ရောက်နိုင်သည်ဟူသော ယူဆချက်များကို လိုက်နာပြီး ဆောင်ရွက်ကြသည့် ဘာသာရေး ပွဲတော်များပင် ဖြစ်ပေသည်။ ထို့ကြောင့် ပအိုဝ်း တိုင်းရင်းသားတို့၏ ရာသီပွဲတော်များသည် ပျော်ရွှင်မှုကိုသာ ဦးမတည်ဘဲ ကုသိုလ်ဒါန ပြုရေးကိုသာ ဦးတည်ကြောင်း တွေ့ရပေသည်။ ကုသိုလ်ဒါန ပြုရေးကိုသာ ဦးတည်ကြောင်း တွေ့ရပေသည်။ ကုသိုလ်ဒါန ပြုရာတွင် လူငယ်ပိုင်းက ၀ိုင်းဝန်းကူညီ လုပ်ဆောင်ကြရာ၌၊ မငြီးငွေစေရန် ပျော်ပွဲရွှင်ပွဲ များကို ထည့်သွင်းတတ်ကြလေသည်။

ပွယ်လော

ပအိုဝ်း တိုင်းရင်းသားတို့သည် မိမိတို့ရွာမှ ကျောင်းထိုင်ဘုန်းတော်ကြီး ဘ၀နတ်ထံ ပျံလွန်တော်မူပါက မြန်မာမားနည်းတူ ဘုန်းကြီးပျံပွဲကို စည်စည် ကားကား ခမ်းခမ်းနားနား ကျင်းပကြ၏။ ဘ၀နတ်ထံ ပျံလွန်တော်မူလေပြီးသော ဆရာတော် ဘုန်းတော်ကြီးအား မီးသင်္ဂြိုဟ်ပူဇော်သည့် ဘုန်းကြီးပျံ ပွဲတော်ကို ပအိုဝ်း တိုင်းရင်းသားတို့က “ ပွယ်လော ” ဟုခေါ်၏။ “ ပွယ်လော ” မှာ “ လှည့်းပွဲ ” ဟု အဓိပ္ပါယ် ရလေသည်။ ဘ၀နတ်ထံ ပျံလွန်တော် မူသော ဆရာတော် ဘုန်းကြီးသည် သက်တော်ဝါတော်ကြီး ဆရာတော်၊ တကားများက ရိုသေကြည်ညိုသည့် ဆရာတော် ဖြစ်ပါက တကာများ၏ ဆန္ဒအပေါ် မူတည်၍  ခမ်းခမ်းနားနား ကျင်းပကြသည်။ သက်တော်ဝါတော်ကြီး ဘုန်းကြီးသာမက သက်တော်ဝါတော်ကြီး ဦးပဉ္ဇင်း ပျံလွန်တော် မူပါကလည်း၊ ဘုန်းကြီးပျံပွဲကို ကျင်းပလေ့ရှိကြသည်။ ပအိုဝ်း တိုင်းရင်းသားတို့သည် “ ပွယ်လော ” ခေါ် ဘုန်းကြီးပျံပွဲကို တောင်ယာလုပ်ငန်း ခြံလုပ်ငန်း အားလပ်ချိန်များ ဖြစ်သည့် ပြာသို၊ တပို့တွဲ လများတွင် ကျင်းပကြလေသည်။ အလုပ်အားချိန်တွင်သာ ကျင်းပကြသဖြင့် ပွဲတော်ရက် ကြာတတ်လေသည်။ အချို့ကလည်း ပွဲတော်ခမ်းနားရေးအတွက် ပစ္စည်းစုဆောင်း ပြင်ဆင်ရ၍ အချိန်ကြာလေသည်။

ဘုန်းတော်ကြီး ဘ၀နတ်ထံပျံလွန်တော်မူသည်နှင့် ကျောင်းရှေ့တွင် ပြာသာဒ်ကို ဆောက်ကာ ရိုးရာစပ်ပန်းချီဖြင့် လှပစွာ မွမ်းမံအလှဆင်ကြ၏။ ထိုပြာသာဒ်ကို ပအိုဝ်း တိုင်းရင်းသားတို့က “ ကျောင်နိဗ္ဗာန် ” ဟုခေါ်၏။ ထိုနောက် ရုပ်ကလာပ်တော်ကို “ ကွမ် ” ခေါ် လောင်တိုက်ထဲသို့ထည့်ကာ လုံအောင်ပိတ်ပြီး ပြာသာဒ်ကို ပြောင်းရွှေ့လေသည်။ အချို့ဘုန်းတော်ကြီးတို့သည် “ ကွမ် ” ခေါ် လောင်တိုက်ကို ဘ၀နတ်ထံ မပျံလွန်တော်မူမီ ကြိုတင်ပြုလုပ်ထားတတ် ကြ၏။

ရုပ်ကလာပ်တော် ပြဿဒ်တွင် စံနေတော်မူစဉ် ရွာသားများ အလှည့်ကျစောင့်ကြရ၏။ အခြားရွာမှလည်း လာ၍ အလှူငွေ ထည့်ဝင် လှူဒါန်းကြ၏။ ရိုးရာ စပ်ပန်းချီဆရာက ကုဝေရ၊ ၀ိရူပက္ခ၊ ဓတရဋ္ဌ၊ ၀ိရုဠက စသော နတ်မင်းကြီးလေးပါး အရုပ်ပန်းချီကားကို ရေးဆွဲ၏။ နတ်မင်းကြီးလေးပါး အရုပ်ပန်းချီကား ရေးဆွဲပြီးသောအခါ ထိုနတ်မင်း အရုပ်ပန်းချီကားဖြင့် ရုပ်ကလာပ်တော်ကို စောင့်စေ၏။ နတ်မင်းကြီးလေးပါ အရုပ် စောင့်ပြီးပါက ရွာသားများ စောင့်စရာ မလိုတော့ချေ။

ရုပ်ကလာပ်တော်ကို ကျောင်းပေါ်မှနေ၍ “ ကျောင်နိဗ္ဗာန် ” ခေါ် ပြာသာဒ်သို့ ပြောင်းရွှေ့သည့်နေ့တွင် ပွဲလာဧည့်ပရိသတ်များကို ဧည့်ခံကျွေးမွေး၏။ “ မော် ” ခေါ် ပအိုဝ်း စာဟောဆရာကလည်း တရားကို ဟောပြော၏။ ရုပ်ကလာပ်တော် ပြာသာဒ်တွင် စံနေတော်မူစဉ် ကာလအတွင်း ရွာမှဖြစ်စေ၊ အခြားရွာမှ ဖြစ်စေ လင်္ကာကျွမ်းကျင်သူ အမျိုးသမိး လေးငါးယောက်တို့သည် ဘုန်းတော်ကြီးကို တမ်းတလွမ်းဆွတ်သည့် အကြောင်းနှင့် သံဝေဂတရား ရစေသည့် အကြောင်းကို သံနေသံထားဖြင့် လင်္ကာရွတ်ဆို၏။ ထိုသို့ လင်္ကာရွတ်ဆိုခြင်းသည် ကုသိုလ်ရသည်၊ ကုသိုလ်ကြီးသည်ဟု ယုံကြည့်ယူဆ ကြလေသည်။

ရုပ်ကလာပ်တော်ကို မီးသင်္ဂြိုဟ်တော့မည် ဆိုပါက နှစ်ရက်ကြာပွဲကျင်းပ၏။ ပွဲပထမနေ့ကို “ ခမ်ထင် ” (ဧည့်ခံပွဲ)ဟု ခေါ်ပြီး ထိုနေ့တွင် ပွဲလာသူတို့အား ဧည့်ခံကျွေးမွေးလေသည်။ ထိုနေ့တွင်လည်း “ မော် ” ခေါ် ပအိုဝ်းစာဟောဆရာ ပအိုဝ်း ဇာတ်ကို ပင့်ဖိတ်ကြ၏။ ရုပ်ကလာပ်တော်ကို “ ကျောင်နိဗ္ဗာန် ” ခေါ် ပြာသာဒ်မှချသည်နှင့် “ ကျောင်နိဗ္ဗာန် ” ကို ချက်ချင်းဖျက်ရသည်။

ရုပ်ကလာပ်တော်ကို မီးမသင်္ဂြိုဟ်မီ ရုပ်ကလာပ်တော်ကို တင်ဆောင်ရန် ရှစ်လက်မခန့်ထူသည့် သစ်သားကြီးများဖြင့် ပြုလုပ်ပြင်ဆင်ကြသည်။ ထို့နောက် ထွင်းထုထားသော သစ်သားဘီးဖြင့် တပ်ကာ နှီးကြိုးကြီးများဖြင့် ဆွဲကြသည်။ ထို့ကြောင့် ပအိုဝ်း တိုင်းရင်းသားတို့က “ ပွယ်လော ” (လှည်းဆွဲပွဲ) ဟုခေါ်ကြခြင်း ဖြစ်၏။ ယခုအခါ လွယ်ကူမှုကိုလိုက်၍ လှည်းဘီးကို ဖြုတ်၍တပ်ကြသည်။ ပွဲပြီးလျှင် ပိုင်ရှင်ကို ပြန်ပေး၏။ အချို့က ဘီးမတပ်ဘဲ ဆွဲရာ ထိုဆွဲနည်းကို “ ထို့ကျွတ် ” ဟုခေါ်၏။ ဤဆွဲနည်းမှာ ဘေးကင်းပြီး ဆွဲသည့်လူအားပေါ်တွင် မူတည်၍သွားလေသည်။ ဘီးမပါသဖြင့် အဆွဲရပ်သောအခါ နေရာလည်း မရွှေ့ပေ။ ရုပ်ကလပ်တော်ကို တင်သည့် လှည်းကိုဆွဲရာတွင် အမဲသားစိမ်း ကျွေးပေးရ၏။ သို့မဟုတ်ပါက လှည်းဆွဲ သူတို့အား ထိခိုက်ဒဏ်ရာရစေတတ်သည်ဟု အယူရှိကြလေသည်။

ရုပ်ကလာပ်တော်ကို တည်သည့်လှည်းကို ဆွဲရန်နှီးကြိုးကြီးကို ကျစ်ရန်အတွက် ရွာမှလူအင်အား နည်းပါက အခြားရွာကို တာဝန်ပေး ကျစ်ခိုင်းကြသည်။ လှည်းဆွဲမည့် နေရာပေါ် မူတည်၍ ကြိုးအတိုအရှည်ကို ကျစ်ကြလေသည်။ နှီးကြိုးကြီးမှာ လုံးပတ်ခြောက်လက်မခန့် ရှိ၏။ နှီးကြိုးကြီးမှာ လုံးပတ် ခြောက်လက်မခန့် ရှိ၏။ နှီးကြိုးကြီးမှာ နှီးကြိုးငယ် ကိုးပင်ကို စုပေါင်းကျစ်ထားခြင်း ဖြစ်၏။ ထို့ကြောင့် ထိုကြိုးကို “ ကောက်ကြို ” (ကိုးပင်ကြိုး)ဟု ခေါ်သည်။ ရုပ်ကလာပ်တော်ကိုတင်သည့် လှည်းဆွဲရာတွင် တစ်ရွာနှင့်တစ်ရွာ၊ တစ်ဒေသနှင့်တစ်ဒေသ ပြိုင်၍ဆွဲလေ့ရှိကြ၏။ နိုင်သူတို့က ရှုံးသူတို့အား “ ယီးယီး ” ဟု လက်ညှိုးထိုးကာ လှောင်ပြောင်ကျီစယ် ကြလေသည်။

မီးသင်္ဂြိုဟ်ရက် နီးလာသည်နှင့် မီးသင်္ဂြိုဟ်ရာတွင် လိုအပ်မည့် ဓား၊ ရဲဒင်း၊ တူ၊ လွှ စသည်တို့ကို ငွေရောင်၊ ရွှေရောင် စက္ကူဖြင့် ကပ်ကြသည်။ မီးသင်္ဂြိုဟ်သည့် နေ့တွင် ထိုပစ္စည်းကို အသုံးပြုပြီး အသုံးပြုသူသည် ထိုပစ္စည်းကို မိမိအိမ်သို့ ယူသွားခွင့်ရှိ၏။ မီးသင်္ဂြိုဟ်ရန် ထင်းကို ရွာသားများက စုဆောင်းကြရသည်။ ထင်းရိုင်းများအပေါ်တွင် “ စိုနမ်စာ ” ခေါ် နံ့သာထင်း လေးချောင်း သို့မဟုတ် ရှစ်ချောင်းကို တင်ထားရ၏။ ရုပ်ကလာပ် အပေါ်တွင်လည်း “ မို့ ” ခေါ် ပိတ်ဖြူကို ဖြန့်မိုးထားရ၏။ မွန်းလွဲ ၂ နာရီခန့်တွင် မီးသင်္ဂြိုဟ် ကြလေသည်။

လောင်တိုက်ကို မီးသင်္ဂြိုဟ်ရာတွင် “ မေရှူး ” ခေါ် မီးရှူးဖြင့် မီးရှို့လွှတ်သင်္ဂြိုဟ်ကြ၏။ “ မေရှူး ” ခေါ် မီးရှူးကို အောက်မှနေ၍ သွပ်ကြိုးဖြင့် တန်းကာ ရှို့လွှတ်ကြသည်။ ထိုအခါ “ မေရှူး ” ခေါ် မီးရှူးသည် သွပ်ကြိုးတစ်လျောက် ပြေးပြီး လောင်တိုက်ကို ထိမှန်ကာ မီးလောင်ကူးစက်လေသည်။ အချို့က ပုခက်သဖယ်ပြုလုပ်၍ သင်္ဂြိုဟ်ကြသည်။ သင်္ဂြိုဟ်ပုံမှာ လူလေးယောက်ကို တစ်ဖက်နှစ်ယောက်စီ ရုပ်ကလာပ်တော်ကို ပုခက်လွှဲ၍ မီးသွေးဖြင့် သင်္ဂြိုဟ် ကြခြင်းဖြစ်၏။ မီးသင်္ဂြိုဟ်ရာတွင် မီးလုံးဝ မကြွင်းကျန်စေရပေ။ မီးကြွင်းမီးကျန် ရှိနေပါက ရွာကိုထိခိုက်တတ်သည်ဟု အယူရှိကြသည်။ သင်္ဂြိုဟ်ပြီးသော အခါ အရိုးကိုကောက်ပြီး ရွာ၏ “ သီရိ ” မြေနေရာတွင် “ မုတ် ” ခေါ် ဂူကိုတည်ကြလေသည်။ “ ပွယ်လော ” ခေါ် ဘုန်းကြီးပျံ ပွဲတော်သည်လည်း “ ပွယ်လုဖိုင် ” ခေါ် ဒုံးလွှတ်ပွဲကဲ့သို့ ပအိုဝ်းရိုးရာ ဓလေ့ပွဲတော်များတွင် အပျော်ဆုံး ပွဲတစ်မျိုးပင်ဖြစ်၏။

ရာသီပွဲတော်များ

ပအိုဝ်း တိုင်းရင်းသားတို့တွင် ဆယ့်နှစ်ရာသီစလုံး ပွဲတော်များ ရှိလေသည်။ ဆယ့်နှစ်ရာသီ ပွဲတော်များအနက် သင်္ကြန်ပွဲ၊ ၀ါကျွတ်ပွဲ၊ ကထိန်ခင်းပွဲ များကိုသာ ခမ်းခမ်းနားနား၊ သိုင်းသိုင်းဝိုင်းဝိုင်း ကျင်းပကြသည်။ အခြားလများတွင်လည်း ရာသီအလိုက် ပွဲတော်များ ကျင်းပကြ၏။

နှစ်သစ်သို့ ကူးပြောင်းချိန်ဖြစ်သော အတာသင်္ကြန် ရက်များတွင်လည်း ပအိုဝ်း တိုင်းရင်းသားတို့သည် မြန်မာများနည်းတူ သင်္ကြန်ပွဲတော်ကို နွှဲပျော်ကြသည်။ သင်္ကြန်ကျရက်မှ နှစ်ဆန်းတစ်ရက်နေ့အထိ တစ်အိမ်တက် တစ်အိမ်ဆင်းကာ ကန်တော့ပွဲများဖြင့် ရွာတွင်းရှိ သက်ကြီးရွယ်အိုများကို သွားရောက်ကန်တော့ ကြသည်။ အသက်အရွယ် မကြီးသော်လည်း ဥပုသ်သီလ ဆောက်တည်သူများကို အကန်တော့ခံ ပုဂ္ဂိုလ်အဖြစ် သတ်မှတ်ကာ ကန်တော့ကြသည်။

သင်္ကြန်အကြိုနေ့တွင် ဘုရားကျောင်းကန် ဇရပ်များသို့ ရွာလုံးကျွတ် သွားရောက်၍၊ ဗုဒ္ဓရုပ်ပွားတော်များ စေတီတော်များကို ရေသပ္ပါယ်ကြသည်။ သက်ကြီး ရွယ်အိုများကို ခေါင်းလျှော်ပေးခြင်း၊ ရေချိုးပေးခြင်း၊ ချိုးရေခပ်ပေးခြင်းများ ပြုလုပ်ပေးကြသည်။ ဗုဒ္ဓရုပ်ပွားတော်များကို ရေသပ္ပါယ်နိုင်ရန် ဘုန်းတော်ကြီး ကျောင်းရှေ့တွင် နေရာသီးသန့် ပြုလုပ်ထားကြသည်။

ထို့ပြင် သင်္ကြန်ကာလ သုံးရက်အတွင်း မည်သည့်တောင်ယာလုပ်ငန်း၊ စီးပွားရေးလုပ်ငန်းကိုမျှ မပြုလုပ်ကြချေ။ အစားအသောက်မှအစ သုံးရက်စာ ကြိုတင် သိုလှောင်ထားကြသည်။ အချို့မှာ သောက်သုံးရေကိုပင် သုံးရက်အတွက် ကြိုတင် ခပ်ထားကြသည်။

သင်္ကြန်ရက်များအတွင်း မိမိတို့ရွာ၏ ၁၀ မိုင်ပတ်ဝန်းကျင်အတွင်းရှိ ဘုန်းတော်ကြီးကျောင်းများသို့ ကလေးလူကြီးမကျန် အိုးစည်ဗုံမောင်းများတီးကာ၊ သွားရောက် ကန်တော့ကြသည်။ ဤသို့ဘုန်းကြီးကျောင်း တက်သည်ကို ပအိုဝ်း ဘာသာအားဖြင့် “ ထန်ကျောင် ” ဟုခေါ်၏။

သင်္ကြန်ကျချိန်တွင် မြန်မာများကဲ့သို့ပင် ရေပက်သော အလေ့အထရှိ၏။ အများအားဖြင့် သင်္ကြန်အတက်ရက်တွင် ရေပက်လေ့ရှိကြသည်။ ဘုရားသွား ကျောင်းတက် သူများကိုမူကား မပက်ကြပေ။

ကဆုန်လနှင့် နယုန်လတွင် ပအိုဝ်း တိုင်းရင်းသားတို့သည် ကုသိုလ်ပြုရန် ဘုန်းတော်ကြီးကျောင်းသို့ စုပေါင်း၍ သွားလေ့ရှိကြသည်။ ပအိုဝ်း တိုင်းရင်းသားတို့သည် ဘုန်းတော်ကြီးကျောင်းတွင် စုပေါင်း၍ ဆွမ်းချက်ခြင်း၊ ဆွမ်းကပ်ခြင်း၊ ဥပုသ်စောင့်သူများကို ထမင်းကျွေးခြင်း စသည်တို့ကို ပြုလုပ်ကြလေသည်။ ထို့ပြင် ကဆုန်လတွင် ပျော်ရွှင်မှုအတွက် “ ပွယ်လုဖိုင် ” ခေါ် ဒုံးလွှတ်ပြိုင်ပွဲကို စုပေါင်းဆင်နွှဲကြသည်။ ပအိုဝ်း တိုင်းရင်းသား တို့သည် ကဆုန်လ၊ နယုန်လကို နှစ်သစ်လ ဟု ယူဆကြ၏။ ထို့ကြောင့် တောင်ပေါ်ရှိ စေတီများတွင် ဆွမ်းလောင်းပွဲ ကျင်းပကြသည်။ ဆွမ်းလောင်းပြီးလျှင် “ လုဖိုင် ” ခေါ် ဒုံးကို ရှို့လွှတ်ကြသည်။ “ ပွယ်လုဖိုင် ” ခေါ် ဒုံးလွှတ်ပွဲသည် ပအိုဝ်း တိုင်းရင်းသားတို့၏ ပျော်စရာကောင်းသော ပွဲတစ်မျိုးပင်ဖြစ်၏။ ကဆုန်၊ နယုန်လများတွင် “ ပွယ်ပန် ” ခေါ် ရှင်ပြုပွဲကိုလည်း ကျင်းပကြသေး၏။

အများအားဖြင့်၊ ဘုန်းတော်ကြီးကျောင်း အနီးတွင် ဆယ်ပေပတ်လည်ရှိသော လေးထောင့်ပုံပတ်လည် အဆောက်အအုံကို ပြုလုပ်ထားလေ့ရှိ၏။ တိုင်လေးတိုင် စိုက်ထူထားပြီး အကာမရှိဘဲ၊ အမိုးမိုးထား၏။ အလယ်နေရာတွင် ဘုရားရုပ်ပွားတော်များ တင်ထားရန်စင်ဖြင့် ပြုလုပ်ထား၏။ ပွင့်ပြီးသော ဘုရားလေးဆူကို ရည်မှန်း၍ ဘုရားလေးဆူ တင်နိုင်ရန် ပြုလုပ်ထား၏။ ကျောင်းဆောင်နှင့် ဆယ်ပေအကွာနေရာတွင် ငါးပေခန့်အမြင့်ရှိသည့် ရေတံလျှောက်မှ ရေစီးလာလျှင် ရေများလည်၍ စီးဆင်းနိုင်စေရန် သစ်သားပြားအ၀ိုင်း ပြုလုပ်ထား၏။ ရုပ်ပွားတော်များပေါ်သို့ နိမ့်လျောသော ရေတံလျှောက် ပြုလုပ်ထားသဖြင့် ရေတံလျှောက်မှ ရေများ ရုပ်ပွားတော်များပေါ်သို့ စီးကျစေပြီး၊ ရေသပ္ပါယ်ပြီးသား ဖြစ်သွား၏။ အိမ်တွင်လည်း ဘုရား ရေသပ္ပါယ်လေ့ရှိကြ၏။ အများအားဖြင့် အမျိုးသားများက ဘုရားဆင်းတုတော်၊ ရုပ်ပွားတော်ကို ကိုင်ပြီး သန့်ရှင်းစေရန် ရေသပ္ပါယ်လေ့ ရှိကြ၏။ နှစ်ဟောင်းမှ အညစ်အကြေး စင်ကြယ်၍ နှစ်သစ်တွင် သန့်ရှင်းစေလိုသော စေတနာသဒ္ဒါတရားဖြင့် ကုသိုလ်ပြုကြခြင်း ဖြစ်၏။

ထို့ပြင် သက်ကြီးရွယ်အိုများကို ရေချိုးပေးခြင်း၊ ခြေဆေးလက်ဆေး ပေးခြင်း၊ ကျောင်း၊ ဘုရားသို့သွား၍ ဘုရားပန်းအိုးများ ဆေးကြောသန့်စင်ခြင်း၊  ရေအသစ်လဲခြင်း၊ ပန်းများအသစ်လဲခြင်း ကုသိုလ်ကောင်းမှုပြုကြ၏။ ပန်းကတော့များ ပြုလုပ်၍လည်း ဘုရားကို ကပ်လှူပူဇော်လေ့ရှိ၏။

သက်ကြီးများကိုလည်း ခေါင်းလျှော်ပေးကြ၏။ ခေါင်းလျှော်ရာတွင် ပထမဆုံး မိမိတို့ကျောင်းတက်စဉ်က ဘုရားတွင် လှူထားသော ရေကို အိမ်သို့ ယူဆောင်၍ ခေါင်းဆေးမင်္ဂလာပြုလေ့ ရှိကြသည်။ နေ့သားအလိုက် အရိပ်ကောင်းသော သစ်ပင်အောက်တွင် စုရုံး၍ ခေါင်းဆေးမင်္ဂလာ ပြုလေ့ရှိကြ၏။ ခေါင်းဆေးမင်္ဂလာ ပြုကြမည့်သူများအား ရေကို ခွဲဝေပေးလေသည်။

ရေကစားသည့် အလေ့ရှိသော်လည်း အနည်းအကျဉ်းလောက်သာ ကစားကြလေသည်။ ရေပက်ကစားခြင်းနည်း၏။ ရှေးအခါက၊ အမျိုးသားများသည် အမျိုးသမီးအား ရေလောင်းကစားကြ၏။ ရေလောင်းပုံမှာ ရေကို ဘူးတွင်ထည့်၍ အမျိုးသမီး၏ ကျောပြင် လက်မောင်း စသည်တို့ကို လောင်းလေ့ရှိ၏။ ရာသီဥတုအေးသဖြင့် ရေများစွာ လောင်းခြင်း၊ ပက်ခြင်းကို ရှောင်ကြဉ်ကြခြင်း ဖြစ်မည်ဟု ယူဆရပေသည်။

တန်ခူးလတွင် “ မုန်ဆီကျော်နှင့် မုန့်ဖက်ထုပ်များကို ပြုလုပ်၍ ဝေငှပေးလှူကြ၏။ မုန့်ဆီကြော်မှာ ကောက်ညှင်းမှုန့်ကို ကြံသကာရည်ဖြင့် ဖျော်၍ ဆီဖြင့် ကျော်ထားခြင်း ဖြစ်၏။ မုန့်ဖက်ထုပ်မှာ ကြံ့သကာရည်ဖြင့် ဖျော်ထားသော ကောက်ညှင်းမှုန့်ကို ငှက်ပျောဖက်ဖြင့် ထုပ်ထားခြင်းဖြစ်၏။ ပအိုဝ်း တိုင်းရင်းသားတို့က “ မုန့်ဆီကြော် ” ကို “ တခိုးစွမ် ” ဟု လည်းကောင်း၊ မုန့်ဖက်ထုပ်ကို “ တခိုးလွမ် ” ဟုလည်းကောင်း ခေါ်ကြသည်။ မုန့်ဆီကြော်၊ မုန့်ဖက်ထုပ် တို့ကို ဘုရားတင်ခြင်း၊ ဘုန်းတော်ကြီးကျောင်းသို့ သွားရောက်လှူဒါန်းခြင်း ပြုကြသည်။ အနီးအနား ပတ်ဝန်းကျင်ရွာများမှ ဆွေမျိုး မိတ်သင်္ဂဟ များကိုလည်း သွားရောက်ဝေငှ ပေးလှူကြ၏။

သင်္ကြံန်ရက်များအတွင်း မိမိတို့ရွာ၏ ၁၀ မိုင်ပတ်ဝန်းကျင် အတွင်းရှိ ဘုန်းတော်ကြီးကျောင်းများသို့ ကလေးလူကြီးပါမကျန် အိုးစည်ဗုံမောင်းများတီးကာ သွားရောက်ကန်တော့ကြသည်။ ကျောင်းတက်သည်ကို ပအိုဝ်း တိုင်းရင်းသားတို့က “ ထန်ကျောင် ” (ကျောင်းတက်သည်) ဟုခေါ်၏။ သင်္ကြံန်ရက် များတွင် ရွာလုံးကျွတ် ၃ ရက်မှ ၁၀ ရက်ခရီးအထိ လှူဖွယ်ပစ္စည်း စုံလင်စွာဖြင့် ကျောင်းတက်ကန်တော့ကြလေသည်။ ဘုန်းကြီးကျောင်း ကန်တော့ သွားရာတွင် အမျိုးသမီးများသည် ဆွမ်းဟင်းခဲဖွယ်များကို ချိုင့်နှင့်ဖြစ်စေ၊ ဖက်နှင့်ထုပ်၍ ဖြစ်စေ ယူဆောင်သွားလေ့ ရှိကြပြီး။ ဘုရားဆွမ်းတော်ကပ်ခြင်း၊ ဘုန်းတော်ကြီးကို ဆွမ်းကပ်ခြင်း ပြုလေ့ရှိကြသည်။ အချို့မှာ ကန်တော့ပြီး နောက်သီလယူ၍ ဥပုသ်စောင့်လေ့ ရှိကြသည်။ “ မော်အေး ” (ကွက်စိပ်ဟော) သည်ကို နားထောင်ကြသည်။

တန်ခူးလတွင် လက်ထပ်ခြင်းကို ရှောင်ကြဉ်ကြ၏။

ဝါတွင်းချိန်ခါ ဖြစ်သည့်ဝါဆို၊ ၀ါခေါင်၊ တော်သလင်း၊ သီတင်းကျွတ်လများတွင် ကျင်းပကြသည့် ပအိုဝ်းတိုင်းရင်းသားတို့၏ ထူးခြားသည့်ပွဲမှာ “ သွံဥပုသ် ” ခေါ် ဥပုသ်ဆွမ်းပွဲပင် ဖြစ်၏။ အချို့ဒေသတွင်မူ “ စာဂ ” (ကျွေးမွေးသည်) ဟုခေါ်၏။ ဥပုသ်ဆွမ်း ကျွေးမွေးလှူဒါန်းသည့်ပွဲကို ၀ါတွင်းသုံးလဖြစ်သည့် ၀ါဆိုလပြည့်နေ့မှ သီတင်းကျွတ်လပြည့်နေ့အထိ၊ လပြည့် လကွယ်နေ့တိုင်း မနက်ပိုင်းတွင် ကျင်းပကျ၏။ ဥပုသ်ဆွမ်းပွဲမှာ ဥပုသ်စောင့်သူများကို ကျွေးမွေးသည့် ပွဲပင်ဖြစ်၏။ ဤဓလေ့ကို ရှမ်းပြည်နယ်မှ ပအိုဝ်း တိုင်းရင်းသားများလည်း ကျင်းပကြသည်။ ၀ါတွင်းကာလတွင် “ မော် ” ခေါ် စာဟောဆရာကို ပင့်ဖိတ်ကာ စာဟောစေခြင်း စာဂ ကျွေးမွေးခြင်း ပြုကြသည်။

ဥပုသ်ဆွမ်းကို ရပ်ကွက်အလိုက် လည်းကောင်း၊ တစ်ရွာလုံးအနေဖြင့်လည်းကောင်း၊ ကျင်းပကြသည်။ ရွာကြီးပါက ရပ်ကွက်အလိုက် တာဝန်ယူကျင်းပ ကြသည်။ တာဝန်ကျသည့် ရပ်ကွက်သည် အလှူငွေ၊ ဆန် စသည်တို့ကို ရပ်ကွက်တစ်ခုလုံးတွင် ကောက်ခံ၍ ကျင်းပ၏။ ငွေအင်အားအလိုက် သင့်တော်သလို ကျွေးမွေးလှူဒါန်း၏။ အလှူငွေကောက်ခံခြင်း၊ ချက်ပြုတ်ခြင်း စသည်တို့ကို လူကြီး လူငယ်၊ အပျို အအိုမရွေး စုပေါင်းလုပ်ဆောင် ကြသည်ကို တွေ့ရသည်။

ဥပုသ်နေ့ညနေ ၃ နာရီမှ ၅ နာရီးအကြေားတွင် ကာလသား နှစ်ယောက်ခန့်သည် ပေါက်ပေါက်၊ အိုး၊ ဖယောင်းတိုင်၊ မီးခြင်း၊ ဆေး စသည်တို့ကို ယူဆောင်၍ ဥပုသ်ဇရပ်သို့ သွားရ၏။ ထိုနောက် ဥပုသ်စောင့်သူ လူကြီးသူမများကို ၄င်းတို့အဆင်သင့် ထားရှိသော ကွမ်းအစ်ဖုံး ခွက်စသည်တို့တွင် ပေါက်ပေါက် နည်းနည်းစီ ထည့်ပေးကြ၏။ ဥပုသ်သည်များကို ရိုသေစွာ ရှိခိုး၍ ရိုးရိုးစကားများဖြင့် လည်းကောင်း၊ ကဗျာ လင်္ကာဖြင့် လည်းကောင်း ပင့်ဖိတ်ရသည်။

ဥပုသ်သည် များကလည်း မိမိတို့ လက်ခံပါကြောင်းကို ရိုးရိုးစကားဖြင့် လည်းကောင်း၊ ကဗျာလင်္ကာဖြင့် လည်းကောင်း ပြန်လည်ဖြေကြားသည်။ ဥပုသ်သည်များကို ဖိတ်ရာတွင် ဘုန်းတော်ကြီးကို အလျင်အကြောင်းကြား ဖိတ်မန္တက ပြုပြီးမှ ဥပုသ်သည်များကို ဖိတ်ရ၏။ ထိုညတွင် ဥပုသ်စောင့် သူများသည် ဇရပ်တွင်ပင် အိပ်ကြရ၏။ ဥပုသ်သည်များကို ဆွမ်းကျွေးမွေးလှူဒါန်းရခြင်းမှာ ဥပုသ်သည်များသည် ကျောင်းသို့သွား၍ မိမိတို့ သားသမီးများကို ခွဲခွာကာ သံယောဇဉ်ဖြတ်သူ၊ ဥပုသ်စောင့်ကြသူများ ဖြစ်သဖြင့် ပို၍ အကျိုးရှိသည်ဟု ယူဆကြ၏

ဥပုသ်သည်များသည် ကာလသားတို့ ပင့်ဖိတ်သည်ကို လက်ခံကြောင်း ပြောကြရ၏။ ထိုသို့ပြောရာတွင် “ သားတို့သမီးတို့ ပင့်ဖိတ်သည်ကို လက်ခံပါသည် ” ဟု မပြောရပေ။ သားတို့သမီးတို့အစား “ မောင်တို့မယ်တို့ ” ဟု ပြောရသည်။ သားတို့ သမီးတို့ဟု ပြောပါက ဥပုသ်စောင့် သူများသည် သံယောဇဉ်မကုန်ဟု ယူဆကြ၏။

နောက်မနက် မိုးလင်းချိန်တွင် ဥပုသ်ဆွမ်းကျွေးရန် တာဝန်ကျသူ ကာလသား၊ ကာလသမီးများသည် ထမင်းဟင်းများကို ကျောင်းသို့ သယ်ဆောင်၍ ဘုန်းတော်ကြီးကို ဆွမ်းကပ်၏။ ထို့နောက် ဥပုသ်သည်များကို ကျွေးမွေးလေသည်။ ဥပုသ်ဆွမ်း ကျွေးမွေး ပြီးသောအခါ ဥပုသ်သည် တစ်ယောက်စီ အတွက် ဆေးလိပ်တစ်လိပ်စီ၊ အသင့်ရာထားသော ကွမ်းယာတစ်ယာစီ ဝေငှလေသည်။ ဤအမှုများ ပြီးသောအခါ ဥပုသ်စောင့်သူများရော၊ ကာလသား၊ ကာလသမီးများပါ တရားတော်ကို အတူတကွ နာယူကြ၏။ တရားတော် နယူပြီးသောအခါ မိမိတို့အိမ်သို့ ပြန်ကြလေသည်။ ပအိုဝ်း တိုင်းရင်းသား တို့သည် တစ်လလျှင် နှစ်ကြိမ်ကျ ဥပုသ်ဆွမ်းကျွေးပွဲကို ကျင်းပပြီး၊ ၀ါတွင်းသုံးလအချိန်ကို ကုန်လွန်စေသည်။

ပအိုဝ်း တိုင်းရင်းသားတို့သည် သီတင်းကျွတ်လတွင် ၀ါကျွတ်ပွဲကို ဆင်နွှဲကြပြန်၏။ ၀ါကျွတ်ပွဲကို ဂေါတမ မြတ်စွာဘုရား တာဝိံသာ နတ်ပြည်မှ ကြွဆင်းသည့် အချိန်အခါအဖြစ် ဆင်နွှဲကြ၏။ ၀ါကျွတ်ပွဲကို သီတင်းကျွတ်လဆန်း ၁၄ ရက် အဖိတ်နေ့မှ လဆန်း ၁၅ ရက် လပြည့်နေ့အထိ နှစ်ရက်ကြာ ဆင်နွှဲကြ၏။ ဤနှစ်ရက်လုံးတွင် ဘုရားကို ဆီမီးပူဇော်ကြသည်။ ဤပွဲကို “ ပွယ်ပန်မေဗို ” ဟုခေါ်၏။

“ ပွယ်ပန်မေဗို ” ခေါ် ၀ါကျွတ်မီး ပူဇော်ပုံမှာ တစ်တိုင်နှင့်တစ်တိုင် ဆယ်ပေခန့် ကွာဝေးသည့် ၀ါးတိုင်ကလေများပေါ်တွင် ၀ါးခြမ်းရှည် ခပ်ပါးပါးကို ဆက်၍သွယ်တန်းထား၏။ ထိုဝါးခြမ်းရှည်ပေါ်တွင် မီးပုံးများကို ချိတ်ဆွဲထွန်းညှိထား၏။ မီးတိုင်များကို အမျိုးသမီးများ တစ်ယာက်တစ်တိုင်စီ ကိုင်ကြ၏။ အိုးစည်ဗုံမောင်းတီး၍ ထိုဆီမီးတိုင်ကို စေတီတို့ သယ်ဆောင်ပူဇော်ကြသည်။ ဤသို့သယ်ဆောင်ရာတွင် မီးပုံးတန်းကြီးမှာ စေတီသို့အရောက် လမ်းတစ်လျှောက်တွင် နှစ်ဖာလုံခန့် ရှည်လျားပြီး၊ တပျော်တပါး သယ်ဆောင်ကြသည်။ စေတီယင်ပြင်သို့ရောက်လျှင် ယင်းမီးပုံးတန်းကြီးကို စေတီပတ်လည် ၀ိုင်းရံ၍ စိုက်ထူပူဇော်ကြသည်။

စေတီပတ်လည်တွင် ထိုးထားသည့် အမြင့်လူတစ်ရပ်၊ အကျယ်တစ်ပေခွဲခန့်ရှိ စင်များပေါ်တွင် ဆီမီးခွက် ၁၀၀၀ တိတိကို ညနေ ၆ နာရီလောက်မှစ၍ မီးထွန်းညှိ ပူဇော်ကြ၏။ ဆီမီးခွက်စင်၏ အောက်တွင်လည်း ဖယောင်းတိုင်၊ အမွှေးတိုင်၊ ပန်းပွင့်များနှင့် ယာခင်းတွက် သစ်သီးဝလံများကို ကြိုးဖြင့် ချိတ်ဆွဲ ကပ်လှူကြလေသည်။

အချို့မှာ ဘုရားကျောင်းဆောင်ကို နှီးတို့ဖြင့် ယက်လုပ်၍ ဆေးရောင်ခြယ်ခြင်း၊ ရောင်စုံစက္ကူကပ်ခြင်းဖြင့် လှပအောင် ပြုလုပ်ထား၏။ ဘုရားကျောင်းဆောင်၏ ထောင့်လေးထောင့်တွင် ငှက်ပျောပင်၊ ကြံပင်များကို စိုက်ထူချည်နှောင်ထား၏။ ဘုရားကျောင်းဆောင် အောက်တွင်လည်း ခြံထွက်သစ်သီးဝလံများကို ချိတ်ဆွဲလှူဒါန်းကြ၏။ သီတင်းကျွတ်လဆန်း ၁၄ ရက် အဖိတ်နေ့ညဘက်တွင် ဘုရားကျောင်းဆောင်တွင် ပန်း၊ ဆီမီး၊ ရေချမ်း တို့ဖြင့် လှူဒါန်းပူဇော်ကြ၏။ ဘုရားကျောင်းအောက်တွင် ချိတ်ဆွဲထားသော သစ်သီးဝလံကို သီတင်းကျွတ် လပြည့်ကျော် သုံးရက်လွန်မှသာ မိမိတို့ ပူဇော်ထားသော သစ်သီးဝလံများကို စွန့်ပစ်ကြသည်။ ဘုရားကျောင်းဆောင်ကိုလည်း လူနှင့်ဝေးရာတွင် စွန့်ပစ်ကြသည်။ သစ်သားဖြင့် အခိုင်အခန့် ပြုလုပ်ထားသူများအဖို့မူ နောင်နှစ်တွင် ဆက်လက် ပူဇော်လှူဒါန်းနိုင်ရန် သိမ်းဆည်းထားကြသည်။

သီတင်းကျွတ် လပြည့်ကျော် တစ်ရက်ညဘက်တွင် ပအိုဝ်း အမျိုးသမီးများသည် ထင်းရှူးသားများကို စုစည်း၍ လည်းကောင်း၊ ဖယောင်းတိုင် ဆီမီးခွက် တို့ဖြင့် လည်းကောင်း ဘုရားသို့သွား၍ ပူဇော်လေ့ရှိ၏။ တံခါးပေါက်၊ အိမ်လှေကားဦး၊ အိမ်ဝင်ပေါက်၊ မီးဖို၊ ဆန်အိုး၊ အ၀တ်သေတ္တာ၊ ရွာထိပ်ရှိ နတ်စင်ပါမကျန် မီးထွန်းညှိ ပူဇော်လေ့ ရှိကြ၏။ သီတင်းကျွတ်လတွင် လူပျို၊ အပျို စုပေါင်း၍ ကျောင်းသွားလမ်း၊ ဘုရားလမ်းတို့ကို လုပ်အားပေး ကုသိုလ်ပြုလေ့ ရှိကြသည်။

ဝါတွင်းချိန်ကာလတွင် ပအိုဝ်း တိုင်းရင်းသားတို့၏ ရိုးရာဓလေ့ထုံးစံများ သာမက ဗုဒ္ဓဘာသာကို မည်မျှသက်ဝင် ယုံကြည်ကြောင်းကိုပါ လေ့လာသိရှိ နိုင်ပေသည်။

ဒုံးလွတ်ပွဲ အနိုင်အရှုံး

ရှေးက ဘုရားကို ရှို့လွှတ်ပူဇော်သည့် ပွဲအဖြစ် အမြင့်ဆုံး ရောက်အောင် ရှို့လွှတ်ကြ၏။ ထိုသို့ ရှို့လွှတ်ရာတွင် အသံစုံ “ ၀ီ - ၀ီ ” ထွက်စေရန်အတွက် ၀ါးပြောင်းငယ် တိုရှည်များကို ထိပ်ပိုင်းတွင် တပ်ဆင်ကြ၏။ သို့သော် ယခုအခါတွင် အမြင့်သို့ မရှို့လွှတ်တော့သဖြင့် မတွေ့ရတော့ပေ။ မည်သူ့ဒုံး အဝေးရောက်သည်ကို ယှဉ်ပြိုင်ကြ၏။ အဝေးလွှတ်ကို ယှဉ်ပြိုင်သည့် ဒုံးသည် ဒုံးမလွှတ်ခင် ဆုကြေးငွေကို ထည့်ရ၏။ ပင်လောင်းမြို့နယ်တွင် နာမည်ကြီး ဒုံးသည် အခြားဒုံးများထက် ဆုကြေးပိုထည့်ရ၏။ ပင်လောင်းမြို့နယ်တွင် နာမည်ကြီးဒုံးများမှာ “ ရွိုင်၊ ဘုရားဗွာ၊ ကော်သာရွေး ” တို့ဖြစ်ကြ၏။

ယခင်က ဒုံး အနိုင်အရှုံးကို ဆုံးဖြတ်ရာတွင် ရှေ့ပိတ်ဟူသော စကာလုံးကို သုံးကြသည်။ ရှေ့ပိတ်ဟူသော အဓိပ္ပါယ်မှာ ဒုံးနှစ်လုံးကို တောင်အရပ်မှနေ၍ မြောက်အရပ်သို့ လွှတ်လိုက်ရာ ဒုံးတစ်လုံးသည် မြောက် စူးစူးသို့သွားပြီး ကျန်တစ်လုံးသည် အရှေ့မြောက်စူးစူးသို့ သွားသည်ဆိုပါစို့ ဒုံးနှစ်လုံးသည် တစ်တန်းတည်း ကျနေလျှင် အရှေ့မြောက်စူးစူးသို့ သွားသော ဒုံးသည် မြောက်စူးစူးသို့ သွားသော ဒုံးထက်ပို၍ ဝေး၏။ သို့သော်လည်း ရှေ့ပိတ်ဟူသော ဒုံးဥပဒေကြောင့် အရှေ့မြောက်စူးစူးသို့ သွားသောဒုံးသည် ဝေးပင်ဝေးသော်လည်း မြောက်စူးစူးသို့ သွားသောဒုံးကို မနိုင်ချေ။

အနိုင်အရှုံးအတွက် အုပ်စုတစ်စုနှင့်တစ်စု ဒုံးကျသည့်နေရာ အကွာအဝေးကို ပြိုင်ကြသည်။ ယခင်က ဒုံးအသံမြည် ပြိုင်ကြသည်ဟု မှတ်သားရသည်။ အများအားဖြင့် တွေ့ရသည်မှာ ပစ်မှတ်အတွင်း ၀င်မ၀င် ပြိုင်ကြသည်က များလေသည်။ တောင်ကြီးမြို့နယ်တွင် အကွာအဝေးချင်း တူနေလျှင် ဂိုး၏ဗဟိုနှင့် နီးသူက နိုင်၏။ ပင်လောင်းမြို့နယ်တွင် ဤသို့မဟုတ်ဘဲ အကွာအဝေးတူနေလျှင် အညီအမျှ ခွဲဝေယူကြသည်။ ဒုံးအနိုင်အရှုံးကို ဆုံးဖြတ်နိုင်ရန်အတွက် အဝေးမှနေ၍ စောင့်ကြပ်ရသည်။ ဂိုးထား၍ အနိုင်အရှုံး ဆုံးဖြတ်ပါက ဂိုးအပြင်ဘက်တွင် ကျရောက်သော ဒုံးကို အရှုံးဟု သတ်မှတ်သည်။ ဒုံးလွှတ်ပြီးပါက ဒုံးကိုတူးယူပြီး အကွာအဝေး တိုင်းထွာကာ အနိုင်အရှုံး ဆုံးဖြတ်ကြသည်။ ယခုအခါ ဒုံးကြီးများသည် ဂိုးမထားတော့ဘဲ ဗဟိုပစ်မှတ်ကိုထားကာ အကွာအဝေး ဆုံးဖြတ်ကြသည်။

ပအိုဝ်း တိုင်းရင်းသားတို့သည် ဒုံးတက်ပြီဆုသည်နှင့် ညာသံပေးကာ ပျော်ကြ၏။ မိမိတို့ဒုံးသည် အခြားသူများ ဒုံးထက်သာကြောင်း လင်္ကာဖြင့် စောင်းမြောင်း၍ ရွတ်ဆိုကြ၏။ ရှေးက မိမိတို့ဒုံးတက်လျှင် ခေါင်းပေါင်း၊ အင်္ကျီများကိုပင် ချွတ်၍ ပျော်ကြသည်။ ရွှံ့တွေ့ပါကလည်း လူးလိမ့်ကာ ပျော်ကြ၏။ တစ်ဘက်လူကိုလည်း မခံချင်အောင် လက်ညှိုးထိုး၍စ၏။ ဒုံးမတက်သူများ ဒုံးတက်သူ၏ ကျီစယ်သမျှကို ခေါင်းငုံ့၍ ခံရရှာသည်။ အချို့က အိုးမဲဖြင့် တစ်ဘက်လူ၏ မျက်နှာကို သုတ်လိမ်းသည်အထိ ကျီစယ်ကြလေသည်။ တစ်ဘက်နှင့်တစ်ဘက်၊ တစ်ယောက်နှင့်တစ်ယောက် မည်မျှပင် လှောင်ပြောင် ကျီစယ်ကြသော်လည်း ခိုက်ရန်ဖြစ်ခြင်း၊ စိတ်ဆိုးခြင်း လုံးဝမရှိပေ။ လှောင်ပြောင် ကျီစယ်ခံရသူသည် နောင်နှစ်တွင် မိမိတို့ဒုံး သူတို့ထက် သာသွားပါက သူတို့ကို ပြန်၍ တုံ့ပြန်လှောင်ပြောင်ကြလေသည်။

ဒုံးလွတ်ခြင်းမှာ အန္တရာယ်များသဖြင့် လူနေအိမ်ခြေ မရှိသော ကွင်းပြင်သို့သာ ပစ်လွှတ်ကြသည်။ ပအိုဝ်းတို့၏ “ ပွယ်လုဖိုင် ” (ဒုံးလွှတ်ပွဲ)ကို ပအိုဝ်း တို့သာမက မြို့ပေါ်တွင် နေထိုင်ကြသည့် အခြားလူမျိုးများပါ စိတ်ဝင်စားကြသည်။ သူတို့သည် ပအိုဝ်းတို့နှင့်ရော၍ ပျော်ကြ၏။ ပအိုဝ်းတို့ “ ပွယ်လုဖိုင် ” သည် ကြီးသည်၊ ငယ်သည်၊ ချမ်းသာသည်၊ ဆင်းရဲသည် မခွဲခြားဘဲ၊ လူမျိုး၊ ဘာသာ၊ အသက်အရွယ်မရွေး ပျော်နိုင်သော၊ ပျော်ကြသော ပွဲပင်ဖြစ်၏။ ပအိုဝ်း “ ပွယ်လုဖိုင် ” (ဒုံးလွှတ်ပွဲ) သည် ပျော်ပွဲရွှင်ပွဲ အသွင်ကို ဆောင်ထားသော်လည်း စေတီကိုပူဇော်သည့် နှစ်သစ်ကူးပွဲတော်၊ ဘာသာရေးအသွင် သဏ္ဌာန်မှာ ပျောက်ပျက်မသွားပေ။ တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့၊ တစ်ရွာနှင့် တစ်ရွာ ငြင်းခုံခိုက်ရန် ဖြစ်ပွားခြင်း မရှိပေ။ ပအိုဝ်းတို့၏ “ ပွယ်လုဖိုင် ” (ဒုံးလွှတ်ပွဲ)ကို လေ့လာလျှင် ဗုဒ္ဓဘာသာကို သက်ဝင်ယုံကြည်ခြင်း၊ စည်းလုံးသော အသွင်ကို ဆောင်ခြင်း၊ ဦးစီးခေါင်းဆောင်သူဖြစ်၏ စကားကိုနာခံခြင်း၊ ပွဲတော်ကော်မတီ၏ အဆုံးအဖြတ်ကို နာခံခြင်းများကို တွေ့ရပေသည်။

ပအိုဝ်းတိုင်းရင်းသားတို့သည် “ ပွယ်လုဖိုင် ” (ဒုံးလွှတ်ခြင်း)ကို ၀ါသနာပါ ကျွမ်းကျင်ရုံသာမက ဂုဏ်လည်းယူကြ၏။ ယခုခေတ်တွင် အာကာသသို့ ဒုံးပျံများ ပစ်လွတ်သည်ကို သိသောအခါ မိမိတို့က လွန်ခဲ့တဲ့ နှစ်ပေါင်း ၃၆၀ ကျော်ကတည်းက ဒုံးကိုလွှတ်လာတာ လုပ်လာတာ အဆန်းမဟုတ်ပါဘူးဟု ဂုဏ်ယူပြောဆိုကြ၏။ သို့သော် “ ပွယ်လုဖိုင် ” ခေါ် ဒုံးပြုလုပ်သည့် အတတ်မှာ ရှေ့ကအတိုင်းပင် ရှိ၏။ တိုးတက်မှုမရှိပေ။ အကယ်၍ ဒုံးလွတ်သည့် အတတ်ကို တိုးတက်ကြံဆ တီထွင်နိုင်လျှင် ---

ဒုံးကို လူနေအိမ်ခြေ မရှိသည့် ကွင်းပြင်သို့သာ ပစ်လွှတ်ကြ၏။ ဒုံးလွှတ်ပွဲ ကျင်းပရန် တာဝန်ယူထားသည့် ရွာသည် တစ်ရွာလျှင် တစ်လုံးကျ မိမိကြိုက်နှစ်သက်သည့် ဒုံးဆရာကို ခိုင်းနိုင်၏။ ဒုံးကြီးတစ်လုံးကို ကျပ် ၆၀၀၀ မှ ၁၀၀၀၀ ထိ ပေးရ၏။ နာမည်ကြီး လွိုင်ကော်/ရွိုင်/ဘုရားဗွာ (ဘုရားဖြူ) တောင်ကြီး၊ ကော်သာရွေးဒုံးများမှာ ၈၀၀၀ ကျော်ပေးရ၏။ ဒုံးလွှတ်ပွဲ ကျင်းပသည့် နေ့ ၁၂ နာရီလောက်တွင် မိမိတို့ဒုံးများကို ထမ်းကာစေတီကို သုံးပတ် ပတ်ကြ၏။ အားအင်ပြည့်ဖြိုး၍ သန်မာထွားကြိုင်းသူသည် ဒုံးကိုထမ်းရ၏။ အချို့ရွာမှ မထမ်းနိုင်သူများသည် ဗလကောင်းသူကို ၅၀ ကျပ်လောက်ပေး၍ ငှားထမ်းကြ၏။ သို့သော်နည်း၏။ မိမိတို့ဘာသာ ထမ်းကြသည်က များလေသည်။

နေ့ဆွမ်းကပ်ပြီးသည်နှင့် ဒုံးကို စေတီရှိရာသို့ ယူဆောင်၍ အိုးစည်တီးကာ ညာသံပေး၍ ကကြ၏။ အချို့က သိုင်းကွက်များဖြင့် ကကြ၏။ ထိုးကွင်းထိုးထားသူ လူကြီးများက မိမိတို့ ထိုးကွင်းပေါ်အောင် ဘောင်းဘီကိုပင့်၍ ယဉ်ယဉ်ကျေးကျေး ကကြ၏။ အချို့ အမျိုးသမီးများမှာ အမျိုးသားများ ပျော်၍ကသည်ကို ကြည့်ရှုအားပေးကြ၏။ ပအိုဝ်း တိုင်းရင်းသားတို့ ကျင်းပသော ပွဲတော်များအနက် ဒုံးလွှတ်ပွဲသည် ပအိုဝ်းတို့ အပျော်ဆုံး ပွဲတော်ဖြစ်၏။ စေတီတော်ကို သုံးကြိမ်လှည့်ပတ် ပူဇော်ပြီးသောအခါ ရှို့လွှတ်ရန်အတွက် ဖြောင့်အောင်လုပ်ထားသည့် ၀ါးဖြင့် ဒုံးကို အမြီးတပ်ရ၏။ အမြီးတပ်ရာတွင် သွပ်ကြိုးဖြင့် တင်းအောင် ရစ်ပတ်ချည်နှောင်ရ၏။ တင်းအောင်မချည်နှောင်ပါက ဒုံးသည် သွားချင်ရာသို့ သွားတတ်၏။ ထို့ကြောင့် တင်းအောင် မြဲအောင် ချည်နှောင်ရလေသည်။

ဒုံးကို အမြီးတပ် ချည်နှောင်ပြီးသောအခါ စေတီတစ်ပတ် ပြန်ပတ်ရသေး၏။ ထိုနောက် ဒုံးပစ်လွှတ်စင်သို့ မိမိတို့အဖွဲ့အလိုက် အိုးစည်ဗုံမောင်းတီးကာ ကခုန်၍ ဒုံးကိုထမ်းသွားကြလေသည်။ ဒုံးပစ်လွှတ်စင်ကို ပအိုဝ်းတို့က “ လုဖိုင်ကဲန်း ” (မီးစင်) ဟုခေါ်၏။ ဒုံးပစ်လွှတ်သူသည် ချိန်ရွယ်ထားသော အရပ်မျက်နှာဘက်သို့ စနက်တံကို တပ်ပြီး မီးရှို့ရသည်။ စနက်တံကို မီးရှို့စဉ် အချို့ဒုံးဆရာသည် လေယာဉ်ပျံ ကိုယ်ထည် သတ္တုစကို သေးသေးလေး ညှပ်၍ ထည့်ထားသဖြင့် အဝေးမှကြည့်လျှင် ဖွေးကနဲ မြင်နေရသည်။ မီးရှို့စဉ် ရှို့သူက မည်သည့်ရွာမှ ဒုံးဖြစ်ကြောင်း ခေါင်းပေါင်းကို ဝှေ့ယမ်းကာ ကြေညာပေးသည်။ စနက်တံမှ စလောင်ပြီး ယမ်းကို မီးကူးသည်နှင့် ယမ်း၏ တွန်းကန်မှုကြောင့် ဒုံးသည် ရုန်းကန်ထွက်ပြေး လေတော့၏။ အချို့မှာ ပြုလုပ်စဉ်က အချိုးအစား မမှန်သဖြင့် ပေါက်ကွဲတတ်လေသည်။ ဒုံးတွင်းမှ ယမ်းကို မီးလောင်ရာတွင် ဒုံး၏ ထိပ်ပိုင်းမှ စလောင်၏။ ဒုံးသေးကလေးများမှာ အလယ်တွင် စလောင်ပြီး အောက်သို့ဆက်လောင်၏။ ထိုနောက် တစ်ဆင့်ပြီးတစ်ဆင့် အထက်သို့လောင်၏။ ဒုံးစလွှတ်သည့်အချိန်နှင့် ဒုံးတက်သွားသည့် အချိန်တွင် ခေါင်းပေါင်း ဝှေ့ယမ်း၍ က ကြသည်မှာ ပျော်စရာကောင်းလှ၏။

ဒုံး၏စနက်တံကို ရှို့သူသည် တစ်ခါတစ်ရံ ပေါက်ကွဲတတ်သဖြင့် အန္တရာယ် မဖြစ်စေရန်အတွက် ဒုံးလွှတ်စ်ပေါ်မှ အချိန်မီပြန်ဆင်းနိုင်ရန် စီစဉ်ထားရ၏။ အချို့မှာ တစ်ကြိမ် ရှို့၍ မလောင်ပါက သုံးကြိမ်ထိ ရှို့ရသည်လည်းရှိ၏။ ရှေးကဒုံးတို့သည် နေ့ဝက်ခရီးမျှအထိ သွားသည်ဟု ကြားဖူးသည်။ ခုခေတ်ကာလ ဒုံးများမှာ သုံးမိုင်မှ ခြောက်မိုင်အထိ သွားလေသည်။

ဒုံးလုပ်ပုံအဆင့်ဆင့်

ဒုံးပြုလုပ်မည့် သံပြောင်းငယ်၏ ထိပ်ကို ပိတ်ထားရ၏။ ထိုထိပ်ပိတ်ကို ပအိုဝ်း တိုင်းရင်းသားတို့က “ ကတူ ” ဟုခေါ်၏။ ထိပ်တွင် ရွှံ့ကောင်းကောင်းကို နယ်၍ ထည့်လေ့ရှိ၏။ ဤသို့ပြုပြီးပါက မီးသွေးမှုန့် ရောစပ်ထားသောယမ်းကို ဒုံးပြုလုပ်မည့် သံပြောင်းထဲသို့ ရိုက်သွင်းနိုင်ပြီဖြစ်၏။ ယမ်းကို ရိုက်သွင်းရာတွင် ယမ်းကို ရေအနည်းနယ်ရော၍ ရိုက်သွင်းရ၏။ ရေမထည့်ပါက မီးလောင်တတ်လေသည်။ ယခုအခါ မော်တော်ကားဂျိတ်ဖြင့် ညှပ်၍ ရိုက်သွင်းကြ၏။ သံပြောင်းထဲသို့ ယမ်းရိုက်သွင်းရာတွင် ဒုံးပြုလုပ်သည့်ဆရာက ယမ်းကို အချိုးအစား အလိုက်ထည့်လေ၏။ ယမ်းထောင်းရာ ရိုက်သွင်းရာတွင် အချို့က လက်တွင် ပုတီးကို ကိုင်၍ ယမ်းတစ်ဇွန်းလျှင် ပုတီးစေ့ မည်မျှကျလျှင် ရပြီဟု သတ်မှတ်ထားတတ်ကြ၏ အချို့က ယမ်းစေးစေရန် ယမ်းကို ငှက်ပျောရည်၊ ထမင်းရည် တို့ဖြင့် ထည့်လေ့ရှိ၏။ ယမ်းရိုက်သွင်းသည့် အလုပ်ပြီးပါက နောက်ပိတ်ကို “ ဟမ်းဗော့ ” ခေါ် မြေစေးဖြင့် ပိတ်ရ၏။ ထိုမြေစေးပေါ်တွင် သံပြားပါးပါးကို ကပ်၍ ပိတ်ရ၏။ ဒုံးအငယ်များမှာ သံပြားပိတ်ရန် မလိုချေ။ ဒုံးရိုက်သွင်းသည့် သံပြောင်းသည် (၃) ပေမှ (၇) ပေ၊ (၈) ပေအထိ အရွယ်အစား အမျိုးမျိုး ရိုက်သွင်းပြုလုပ်ကြသည်။

ယမ်းများကို ရိုက်သွင်းပြီးသောအခါ မြေစေးဖြင့် ပိတ်ထားသည့် နောက်ပိတ်မှနေ၍ “ အူကြောင်း ” ဟုခေါ်သည့် လမ်းကြောင်းကို သံချောင်းဖြင့် လိုအပ်သလို ထိပ်အထိ ခြစ်ဖောက်ပေးရသည်။ ၄င်းကို ပအိုဝ်း တို့က “ ခရဲမေ ” (မီးချဲ့သည်) ဟုခေါ်၏။ အူကြောင်းကို ဖောက်ရာတွင် အ၀တွင် ကျယ်ပြီး ထိပ်သို့ တစ်ဖြည်းဖြည်းနှင့် ကျဉ်းသွား၏။ ဤသို့ အူကြောင်းကို ဖောက်ပေးရခြင်းမှာ မီးအလွယ်တကူ လောင်ကျွမ်းနိုင်ရေးအတွက် “ မေဆာ ” (မီးစာ) ခေါ် “ စနက်တံ ” ကိုထည့်ရန်ဖြစ်သည်။ အူကြောင်းကို ခြစ်ရာတွင် ထိပ်ကျဉ်းလေ ဒုံးပိုပြေးလေ ဖြစ်၏။ သို့သော်လည်း အူကြောင်းထိပ် ကျဉ်းလွန်းပါက မီးထွက်လမ်းကြောင်းကျဉ်း၍ ဒုံးကွဲတတ်လေသည်။ “ စနက်တံ ” ကို ရှမ်းစက္ကူတွင် ယမ်းမှုံထည့်၍ လိပ်ပြီး အဆစ်ဖောက်ထားသော ကျူရိုး သို့မဟုတ် အဆစ်ဖောက်ထားသော ၀ါးအတွင်းသို့ ထိုးထည့်ရသည်။ “ မေဆာ ” (မီးစာ) စနက်တံကို ဒုံးလွှတ်သည့်အခါမှ တပ်ဆင်ကြ၏။

ဒုံးကိစ္စပြီးလျှင် ဒုံးတက်သည့်အခါ ပဲ့သဘောအဖြစ် ဒုံးကိုထိန်းရန် အမြီးလို၏။ အမြီးကို ၀ါးဖြင့်ပြုလုပ်ရသည်။ ထိုအမြီးကို ပအိုဝ်းတို့က “ အတာ ” ဟုခေါ်၏။ ဒုံးအမြီးကို ဒုံးအလေးချိန်နှင့် ချိန်ဆရသည်။ ရှေးက ယမ်းပိဿာချိန် ၃၀၊ ၆၀ ခန့်လေးသော ဒုံးကြီးများကို ပြုလုပ်ရာတွင် ဒုံး၏အလေးချိန် ညီမျှစေရန်အတွက် ဒုံး၏အမြီး ပြုလုပ်မည့်ဝါးကို အဆစ်များဖောက်၍ သဲများလောင်းထည့်ရသည်ဟု မှတ်သားရသည်။

လွန်ခဲ့သောနှစ်ပေါင်း ၅၀ ခန့်က ပအိုဝ်း တိုင်းရင်းသားတို့သည် ယမ်းပိဿာချိန် ၂၀ မှ ၃၀ ခန့်ရှိသည့် ဒုံးများကို ပြုလုပ်ခဲ့ကြသည်။ ထိုဒုံးကြီးများသည် အရှည်သုံးလံခန့်ရှိ၏။ ယခုအခါ ပင်လောင်းဒေသတွင် ယမ်းပိဿာချိန် ၁၅ မှ ၃၀ ပိဿာအထိသာ ပြုလုပ်ကြတော့၏။ ထိုဒုံးတို့မှာ ခုနှစ်ပေ၊ ရှစ်ပေ အထိ ရှည်လေသည်။ ဒုံးတွင်းသို့ ယမ်းရိုက်သွင်းခြင်း စနက်တံခေါ် မီးစာပြုလုပ်ခြင်း ပြီးသောအခါ ဒုံးကို နှီးဖြင့်ရစ်ပတ်ပြီး ဆေးသုတ်လိမ်း အလှခြယ် ကြသည်။ ပြိုင်ပွဲဝင်ဒုံး ပြုလုပ်ရာတွင် အချို့က ယမ်းပိဿာချိန် ကန့်သတ်ထားပြီး၊ အချို့က ကန့်သတ်မှု မထားပေ။

ယမ်းတစ်ဆင့်ပြီးတစ်ဆင့် လောင်သည့် “ ပစ်ဖရောင် ” ခေါ် ဒုံးတစ်မျိုး ရှိသေး၏။ တစ်ဆင့်ပြီးတစ်ဆင့် လောင်သဖြင့် “ ပစ်ဖရောင် ” ဟုခေါ်သည်။ မြန်မာလို တစ်ဆင့်ပြီး တစ်ဆင့်လောင်သော ဒုံးဟု ခေါ်ရမည်ဖြစ်၏။ ဤဒုံးမျိုးမှာ တစ်ဆင့်ပြီးတစ်ဆင့် လောင်ပြီး ပိုသွားသဖြင့် ယမ်းပိဿာချိန်များသည့် ဒုံးကြီးများထက်ပင် ပို၍ ဝေးဝေးသွားလေသည်။

“ မေဆဲ ” (မီးငယ်) ခေါ် ဒုံးအငယ်စားများလည်း ရှိသေး၏။ ထိုဒုံးကလေးများမှာ လေးလက်မ ငါးလက်မ အရွယ်လောက်ရှိ၏။ ထိုဒုံးသေးလေးများကို ပင်လောင်းမြို့နယ် “ လုံးရဲဉ် ” (ကျောက်တန်း) ဒေသတွင် ပြုလုပ်ကြ၏။ တစ်နှစ်လျှင် ဒုံးကလေး ထောင်ချီ၍ ကုန်လေသည်။ ဒုံးကလေးများကို ဒုံးကြီးများ လွှတ်သည့်အခါတွင် ရောင်းလေ့ရှိကြ၏။ တစ်လုံးလျှင် တစ်ကျပ်မှ သုံးကျပ်အထိ အရွယ်အစားကို လိုက်၍ ပေးရသည်။ ဒုံး အသေးကလေးများကို ဒုံးလွှတ် ၀ါသနာပါသူ ကလေးရော လူကြီးပါ ၀ယ်ယူ၍ ရှို့လွှတ်ကြသည်မှာ ပျော်စရာတစ်မျိုးပင် ဖြစ်တော့၏။

ယမ်းရောစပ်ပုံ

ဒုံးကို မည်သည့်ယမ်းမျိုးဖြင့်မဆို ပြုလုပ်နိုင်၏။ ဒုံးပြုလုပ်ရန်အတွက် ယမ်းကိုဖာစောင်း (လွိုင်ကော်)၊ ရွာငံမှ အများဆုံး ၀ယ်ယူရရှိလေသည်။ ဒုံးပြုလုပ်ရန်အတွက် ယမ်းစိမ်းကို မီးသွေးဖြင့်ရော၍ ထောင်းရသည်။ မီးသွေးမှာ သရက်ပင်၊ ရေမဲပင် ဇီးပင်၊ သစ်နီတို့ကို မီးရှို့၍ရသော မီးသွေးတို့ဖြင့်သာ ရော၍ရ၏။ သရက်သားမီးသွေးဖြင့် ယမ်းကို ထောင်းပြီး မီးရှို့ပါက အခိုးမဲ၏။ ယမ်းစိမ်းနှစ်ဆ၊ မီးသွေးမှုန့် တစ်ဆရောပါက ယမ်းနှစ်လေးဟု လည်းကောင်း၊ ယမ်းစိမ်းလေးဆကို မီးသွေးမှုန့် တစ်ဆရောပါက၊ ယမ်းလေးလေးဟု လည်းကောင်း ခေါ်ကြသည်။ ယမ်းစိမ်းကိုးဆကို မီးသွေးမှုန့်တစ်ဆအထိ ရောစပ်ကြသည်။ ယမ်းစပ်သည်ကို ယမ်းဖြတ်သည်ဟု ခေါ်၏။ ယမ်းဖြတ် (ယမ်းစပ်) မတတ်ပါက ဒုံးအကြီးသည် ဒုံးအသေးလောက်ပင် မသွားချေ။ ယမ်းစပ်ပုံတူသော်လည်း လုပ်နည်းလုပ်ဟန် ကွာပါက ဒုံးအကြီးသည် ဒုံးအသေးလောက် မသွားချေ။