မြန်မာနိုင်ငံတွင်းသို့ဝင်ရောက်လာကြသည့် တိုင်းရင်းသားလူမျိုးများအနက် မွန်လူမျိုးများသည်ရှေးအကျဆုံး
ဖြစ်ဖွယ်ရှိသည်။ မွန်တို့သည်တရုတ်ပြည်နောက်ပိုင်းရှိကုန်းပြင်မြင့်များမှ တောင်လက်သို့ဆင်းသက်လာကြပြီး လျှင်ဧရာဝတီမြစ်ဝ၊စစ်တောင်းမြစ်ဝ၊သံလွင်မြစ်ဝ၊မဲနန်မြစ်ဝ၊မဲခေါင်မြစ်ဝ အရပ်ဒေသတို့၌ မြို့ရွာတည်ထောင်နေ ထိုင်ခဲ့ကြသည်။ မွန်လူမျိုးတို့၏ ရှေးအကျဆုံးမြို့တော်မှာ  သုဝဏ္ဏဘုမ္မိ သထုံပြည်ဖြစ်၏ ပဲခူး ဟံသာဝတီမှာ   သထုံပြည်မှသွားရောက်၍ နောက်မှတည်ထောင်သောမြို့ဖြစ်လေသည်။
   
      ဦးဘသန်း၏ ကျောင်းသုံးမြန်မာရာဇ၀င်၊ စာမျက်နှာ ၂၃ တွင်  ဆာဂျွန်ဂျာဒင်း အလိုမှာ မွန်လူမျိုးတို့မြို့ပြ တည်ထောင်ရန်အတွက် ရှိနှင့်ပြီးဖြစ်သော တောင်သူလူမျိုးတို့ကို နှင်ထုတ်ရသည်ဟုဆိုသည်။ သထုံမြို့ကား
ယခုအခါတောင်သူလူမျိုးတို့၏ အချက်အချာဒေသဖြစ်သည်။ သထုံ ရာဇ၀င်တွင် သထုံ၌ တောင်သူ ပအိုဝ်း လူမျိုးမှာမင်းများစိုးစံ ကြောင်းဆိုသည်။ တောင်သူလူမျိုးတို့သည် ရှေးကပုဂံနယ် ယခု ပခုက္ကူအပါနယ်တွင် လည်းရှိကြသည် ဟု ရေးသာဖေါ်ပြထားသည်ကိုတွေ့ရသည်။ထို့ကြောင့် ဆာဂျွန်ဂျာဒင်း၏ အယူအဆကို လက်ခံလျှင် တောင်သူခေါ် ပအိုဝ်းလူမျိုးတို့သည် မွန်တို့ထက်စော၍ ၀င်ရောက်လာကြသည်ဟူ၍ ယူဆဖွယ် ရာဖြစ်လေသည်။
ဗန်းမော်တင်အောင်၏ကိုလိုနီခေတ် မြန်မာနိုင်ငံသမိုင်းစာမျက်နှာ ၄၁ တွင် ____
        ရှေးဟောင်း မြန်မာနိုင်ငံအတွင်းသို့ မောင်းဂွတ်အနွယ်လူမျိုးအသီးသီးတို့ဝင်ရောက်လာကြသည့် 
အထဲတွင်ကရင်နှင့် ပအိုဝ်းလူမျိုးများသည် ရှမ်းနှင့်မြန်မာလူမျိုးများထက် ရှေးကျ၍ ၀င်ရောက်နေထိုင်ခြင်း ပြုခဲ့သည်ဟူ၍ သမိုင်းပညာရှင်များက ယုံကြည်ကြလေသည်။ သို့ရာတွင် မွန်လူမျိုးများထက် နောက်ကျသည်ဟု ယူဆကြသည် ဟု ဖေါ်ပြထား၏
          ကမ္ဘာအေး အရှင်တိလောကသာရ လေ့လာရေးသားသည့် ရှမ်းပြည်၊ညောင်ရွှေ၊တောင်ကြီးသမိုင်း များနှင့်တကွ သယံဇာတ ကမ္ဘာ့တန်ဆာမဟာပါသဏမုံတ၀လိုဏ်ဂူစာအုပ်ငယ်တွင်လည်း၊ တောင်ပိုင်းရှမ်း ပြည်တွင်ယခုထင်ရှားထွန်းကားနေသော ပအိုဝ်း (တောင်သူ) လူမျိုးနှင့် အင်းသားတို့ကား နောက်ပိုင်းကျမှဝင်ရောက်လာကြသူများဖြစ်ကြ၏ ဟူ ၍ရေးသားထားသည်ကိုတွေ့ရ၏
  ထို့ကြောင်းဆာဂျွန်ဂျာဒင်း၏ အယူအဆကလွှဲလျှင် ပအိုဝ်းခေါ်တောင်သူလူမျိုးများသည် မွန်တို့ထက် နောက်ကျ၍၀င်ရောက်လာကြသည်ဟု ပညာရှင်များကယူဆကြလေသည်။
        တောင်သူခေါ် ပအိုဝ်းတိုင်းရင်းသားတို့သည် တရုတ်ကုန်းမြေဘက်မှ သံလွင်မြစ်ကြောင်းအတိုင်း တောင်ဘက်အရပ်ဒေသများသို့ တဖြည်းဖြည်းပြောင်းရွှေ့လာကြ၏ ၆ ရာစုလောက်တွင် ရှမ်းကုန်းပြင်မြင့် တောင်ပိုင်းဖြစ်သောယခုခေတ်အရင်နီ တောင်တန်းဒေသများတစ်ဝိုက်တွင် အခြေချနေထိုင်ခြင်းပြုကြလေ သည်။ထိုမှတစ်ဖန် မြန်မာနိုင်ငံအတွင်းသို့ အစုစု ကွဲလွဲ၍ ပြန့်နှံ့ဝင်ရောက်ခဲ့ကြပုံရလေသည်။
မူလက ကရင်လူမျိုး များသည် ကရင်နီတောင်တန်းဒေသ၊ သံလွင်ခရိုင်နှင့်ပဲခူးရိုးမတောင်များတစ်ဝိုက်တွင် နေထိုင်းကြဟန်ရှိ၏ ပအိုဝ်းခေါ်တောင်သူလူမျိုးများသည် ရှမ်းပြည်နယ်တောင်ပိုင်းနှင့်သထုံခရိုင်အတွင်း၌ နေထိုင်ခဲ့ကြဟန်ရှိလေသည်။

       ဆာဂျော့ စကောကမူ ကရင်၊ပအိုဝ်း(တောင်သူ)နှင့် ရှမ်းတို့သည် တစ်မျိုးတစ်နွယ်တည်းဖြစ်ပြီး ရှမ်းလူမျိုးများထက် နှစ်ပေါင်းသုံးရာကျော်စော၍ မြန်မာနိုင်ငံအတွင်းသို့ ၀င်ရောက်နေထိုင်ခဲ့ကြသည် ဟုရေး သားဖေါ်ပြခဲ့ကြသည်။
  မည်သို့ဆိုစေကာမူ ပအိုဝ်းတိုင်းရင်းသားတို့သည် ၄င်းတို့မျိုးနွယ်စုများအလိုက်ရှေးဟောင်းစိုက်ပျိုးရေးကို အခြေခံကာ သင့်တင့်လျောက်ပတ်သောအဖွဲ့အစည်းကလေးများကို ထူထောင်ပြီး အေးအေးချမ်းချမ်းနေထိုင် ခဲ့ကြဟန်ရှိလေသည် ၄င်းတို့သည်မြန်မာနိုင်ငံ မြေညီမြစ်ဝှမ်းဒေသများကို သူ့ထက်ငါ လုယက်တိုက်ခိုက် လျက်ရှိနေခဲ့ကြသော ပျူ၊မွန်နှင့်မြန်မာလူမျိုးများကြောင့် တောတောင်များအတွင်းနေထိုင်ခဲ့ကြပြီးလျှင် စိုက်ပျိုးရေးကုန်ထုတ်လုပ်ငန်းဖြင့် အသက်မွေးခဲ့ကြပုံရလေသည်။ တောင်သူခေါ်ပအိုဝ်းတိုင်းရင်းသားတို့ သည်တောတောင်များတွင် တောင်ယာစိုက်ပျိုးရေးလုပ်ငန်းဖြင့် အသက်မွေးကြသောကြောင့် တောင်သူဟု ခေါ်ခဲ့ကြခြင်းဖြစ်ရာသည်။

0 comments:

Post a Comment