ပအိုဝ်းသမိုင်း

  မေဂျာ အင်ရီကွိဇ် (Major Enrequeeze) ပြုစုသည့် မြန်မာနိုင်ငံလူမျိုးများအကြောင်း စာအုပ်တွင် ကရင်သည် ထိုင်းတရုတ်အနွယ်မှ ဆင်းသက်လာသည်ဟု ရေးသားထားသည်။ ယိုးဒယားနွယ်သော

ထိုင်းတရုတ်အုပ်စုတွင် ကရင်အုပ်စု ရှမ်းအုပ်စုနှင့် အခြားအစုငယ်လေးများပါဝင်သည်။ ကရင်အစုတွင်ပါဝင်

သော ထိုလူမျိုးများမှာ ______________

                     

                            (၁) လူမျိုးသီးခြားဖော်ပြထားသောကရင်

                            (၂) စကောကရင်

                            (၃) ပိုးကရင်

                            (၄) တောင်သူ

                            (၅) ပကူး

                            (၆) မိုးနဲပွား

                            (၇) ဘွဲ့

                            (၈) ကရင်ဖြူ

                            (၉) ပဒေါင်

                           (၁၀) ကရင်နီ

                           (၁၁) ဂဲခိုတို့ဖြစ်ကြသည်။

            ဆာဂျေ ဂျော့စတော့ကလည်း  ပအိုဝ်းခေါ် တောင်သူတို့၏ စာပေသည်အဓိက အားဖြင့် ကရင်ဖြစ် သော်လည်းသွေးသားအားဖြင့် ပြောရမည်ဆိုလျှင် ကရင် မြန်မာနှင့် ရှမ်းသွေးများရောနှောလျက်ရှိသည်ဟု ဆိုခဲ့သည်။

     ၁၉၇၂ ခု၊ ဖေဖေါ်ဝါရီလ ၁၄ ရက်နေ့ထုတ် လုပ်သားပြည်သူ့နေ့စဉ်သတင်းစာတွင် ဆောင်းပါးရှင် ဆင်ဟိုင်းက သွေးချင်းအသီးသီး ရင်းနှီးချစ်ကြည် ဆောင်းပါးတွင် ဆောင်းပါးတွင် ၁၉၂၄ ခုနှစ်၊ သန်းခေါင် စာရင်းအရ ပအိုဝ်းတိုင်းရင်းသားများကို ကရင်တိုင်းရင်းသားအုပ်စုတွင် ယာယီအားဖြင့် ထည့်သွင်းဖေါ်ပြထား သည်ကိုတွေ့ရပေသည်။ ဤသို့ထည့်သွင်းရခြင်းမှာ ဒိုင်အာခီအုပ်ချုပ်ရေးအရ မင်းတိုင်းပင်အမတ်များကို

လူမျိုးအလိုက် သီးခြားရွေးချယ်နိုင်ခွင့် ရရှိရန်ပြဌာန်းထားရာတွင် ကရင်တိုင်းရင်းသားဦးရေက နည်းနေသဖြင့် ကရင်ခေါင်းဆောင်များ၏ ပန်ကြားချက်ကို ပအိုဝ်းတို့က လက်ခံသဘောတူညီခဲ့ခြင်းဖြစ် ကြောင်းသိရှိရလေသည်။ထို့ကြောင့် ပအိုဝ်းကို ကရင်ဟူ၍လည်းကောင်း၊ပိုး(ပအိုဝ်း)ဟူ၍လည်းကောင်း မှတ်ယူလာခဲ့ကြသည်ဟု ဖော်ပြထားလေသည်။

         ကရင်လူမျိုး အထူးစုံစမ်းရေးကော်မရှင်အဖွဲ့၏ အစီရင်ခံစာ ၁၉၅၀ ပြည့်နှစ်တွင် ပအိုဝ်းလူမျိုးနှင့် ပက်သက်၍ မူလက ကရင်အနွယ်ဝင်များဖြစ်ကြသော်လည်း ကရင်လူမျိုးအထူးစုံစမ်းရေး ကော်မရှင်အဖွဲ့က ကရင်လူမျိုးဆိုသောစာရင်းတွင် ထည့်သွင်းခြင်းမပြုရန် ဆုံးဖြတ်ခဲ့ပြီးဖြစ်သည်။ကိုယ့်အစုနှင့်ကိုယ် စုစုဝေးဝေးနေထိုင်လျက်ရှိပြီး လူဦးရေ အလုံအလောက်ရှိသဖြင့် သီးခြားသတ်မှတ်သင့်သည်ဟု ဖောပြထား လေသည်။

                 တိုင်းရင်းသားရိုးရာယဉ်ကျေးမှုဓလေ့ထုံးစံများ (ကရင်) တွင်  ပအိုဝ်းသည် ကရင်အနွယ်ဖြစ်ပြီး ကရင်သည်ထိုင်းတရုတ်အုပ်စုမှဆင်းသက်လာသည်ဟု ရေးသားဖေါ်ပြထားသည်။

           ပြည်ထောင်စုဖွား တိုင်းရင်းသားလူမျိုးများ (ငါန်းဇွန်မောင်ကြင်ဟန်)ဆောင်းပါးတွင် ကရင်လူမျိုး အုပ်စုငယ်တွင် စကောကရင်၊ပိုးကရင်၊ပတူကရင်၊မိုးနဲပွားကရင်၊ဘွဲ့ကရင်၊ပအိုဝ်း(တောင်သူ)ကရင်များပါ ၀င်သည် ဟု ရေးသားဖော်ပြထား၏

              ဆရာကြီးဦးဖေတင်မောင် ၏ ဘာသာလောကကြမ်းစာမျက်နှာ ၁၃ တွင် မြန်မာပြည် ၌ ကရင် ဘာသာပြောဆိုသူတို့သည် အရေတွက်အားဖြင့်မြန်မာလူမျိုးမှအပ အများဆုံးဖြစ်၏ ယိုးဒယား ပြည်မှာလည်း ရှိကြ၏ ကရင်လူမျိုးများအနက်အများအားဖြင့် စကောနှင့်ပိုးတို့သည်လွင်ပြင်များ၌နေကြ၏ တောင်တန်းကရင်များအနက် တောင်သူတို့သည် ဦးရေအများဆုံးဖြစ်၏ မိမိတို့ကို ပအိုဝ်းဟုခေါ်၍ ရှမ်းပြည် တောင်ပိုင်းနှင့်သထုံရင်စုတွင် များစွာနေထိုင်ကြ၏ ဟုရေးသားထားလေသည်။ ဦးဖေမောင်တင်က တောင်သူကို တောင်တန်းကရင်ဟုခေါ်၏ ဦးဖေမောင်တင်၏အဆိုအရလည်း တောင်တန်းကရင်ခေါ်ပအိုဝ်း လူမျိုးတို့သည် ကရင်အုပ်စု၌ပါဝင်ကြောင်းဖြင့် ယူဆလေသည်။

                        ဒေါက်တာသန်းထွန်းကလည်း သူ၏ခေတ်ဟောင်းမြန်မာ ရာဇ၀င်တွင်  ပုဂံကျောက်စာ များ၌ ကရင်နွယ်ဟုယူဆရန် ရှိသည့် တောင်သူဟူသောအမည်ကိုလည်း တွေ့ရတတ်ပါသည်။

ယခုတောင်သူကား တောင်တန်းတစ်လျောက်၌ယာလုပ်သူများဖြစ်ကြ၏ ကျောက်စာတစ်ခု၌ ကရင်တန်မိပြောက် (မြန်မာတိုင်းရင်းသားကျောက်စာ၊စာအုပ်၃၊ဓာတ်ပုံ၃၀၉၊စာကြောင်း၃၄) ဟုတွေ့ရဖူးသည်။မြန်မာနိုင်ငံ၌ ယခုအခါကရင်စကားပြောသူအရေအတွက်မှာ မြန်မာစကားပြောသူနှင့် လိုက်လျှင်ဒုတိယလိုက်၏ ကရင်မျိုးခွဲတွင် စကောနှင့် ပိုးတို့က လွင်ပြင်များ၌နေကြ၏ တောင်တန်းကရင်တွင် ဦးရေအများဆုံးကား တောင်သူ ဖြစ်၏ ပအိုဝ်းအမည်ခံကာ ရှမ်းပြည်တောင်ပိုင်းနှင့် သထုံခရိုင်တွင် အများအပြားနေကြသည်။  ၁၄* " ဟုရေးသားထားလေသည်။

   

              ၁၉၃၅ ခုနှစ်၊ မြန်မာပြည်စီရင်အုပ်ချုပ်မှုအက်ဥပဒေအရ ၁၉၃၆ခုနှစ် မေလ ၆ရက် နေ့စွဲပါ ဘုရင် ခံမင်းကြီး၏ကြေငြာချက်တွင် လူမျိုး ၁၁ မျိုးကို ကရင်လူမျိုး (သို့မဟုတ်) တောင်သူလူမျိုးဟူ၌ အက်ဥပဒေ၏ တတိယနှင့်စတုတ္ထဇယားအလို့ငှာ ခွဲခြားဖော်ပြခဲ့သည်။

            ဒေသ အလိုက်ကွဲပြားခြားနားနေသောမျက်မှောက်ကရင်ဘာသာစကား၏ မူရင်းကရင်ဘာသာစကား တိုးတက်လာပုံကိုကဏ္ဍဌာန်(လည်ချောင်းအရပ်၌ဖြစ်သောအသံ)စာတမ်းတွင် အောက်ပါအတိုင်းဖော်ပြထားသည်။

                   ကရင်ဘ၀ဓလေ့စာအုပ် စာမျက်နှာ ၂၂-၂၃ တွင် အထူးသဖြင့် ၁၉၃၅ ခုနှစ် ၊ မြန်မာပြည်စီရင်အုပ်ချုပ်မှုအက်ဥပဒေအရ ၁၉၃၆ ခုနှစ်၊ မေလ ၆ ရက်နေ့စွဲပါ ဘုရင်ခံမင်းကြီး၏ ကြေငြာ ချက်တွင် ကရင်လူမျိုး ၁၁ မျိုးတွင် ပအိုဝ်းလူမျိုးကိုတောင်သူကရင်ဟုလည်းကောင်း၊၁၉၃၁ ခုနှစ်၊မြန်မာပြည်

လူဦးရေသန်းခေါင်စာရင်း အစီရင်ခံစာ စာရင်းချုပ် ၁၇၊စာရင်းအပိုဒ် ၂၊စာမျက်နှာ ၂၂၄ တွင်းကရင်လူမျိုး ၁၇ မျိုး ၌လည်းကောင်း ခွဲပြထားသည်ကို တွေ့ရပေသည်။

            ဦးမင်းနိုင်၏ တို့တိုင်းရင်းဘွားပြည်ထောင်စုသားစာအုပ် စာမျက်နှာ ၁၇ တွင် တောင်သူကို အချို့ က ပအိုဝ်း ဟူ၍ ခေါ်ဆိုကြပေသည်။ရှမ်းပြည် တွင် တောင်သူနှင့် ပအိုဝ်းနှစ်ခုစလုံးကိုပင် အများခေါ်ဝေါ်သုံးစွဲ လျက်ရှိကြပေသည်။ ပအိုဝ်းတောင်သူတို့သည် တောင်ပေါ်ကရင်အုပ်စုတွင်ပါဝင်ကြပေသည် ဟုဖေါ်ပြထားလေသည်။

      ပအိုဝ်းတို့သည် ကရင်အုပ်စုဝင်မျိုးကွဲတစ်ခု ဖြစ်သည်နှင့် အညီ များစွာသောဘာသာစကားတို့သည် ဆင်တူသည်ကို အောက်ပါဇယားတွင် လေ့လာနိုင်ပေသည်။ဘာသာစကားတို့ဆင်တူနေသော်လည်းဓလေ့စ ရိုက်များခြားနားကြပေသည်။အချို့စကားလုံးများတူညီသော်လည်း အချို့မှာ ဆက်စပ်မရအောက်ခြားနားကြ လေသည်။

                      

 ရောဘတ်ဘီဂျူန်း၏ ဘာသာစကားသုတေသန ပြုချက်ကို ကြည့်ပါကလည်း တောင်သူခေါ် ပအိုဝ်းလူမျိုးသည် ကရင်လူမျိုးအုပ်စုတွင် ပါဝင်နေကြောင်းတွေ့ရပေသည်။

         ကရင်လူမျိုးနှင့် ပအိုဝ်းလူမျိုးတို့သည် ရှေးက ညီရင်းအစ်ကိုများဖြစ်ခဲ့ကြောင်းဖြင့်ပုံပြင်ရှိလေသည်။

 ထိုပုံပြင်မှာ __________________

                            ရှေးက ပအိုဝ်းနှင့် ကရင်လူမျိုးတို့သည် ညီရင်းအစ်ကိုများ ဖြစ်ကြပြီး အတူတကွနေထိုင်စားသောက်ကြသည်။ထို့ကြောင့်အမဲလိုက်၍ရရှိသော အမဲသားငါးများကိုလည်းအညီအမျှ ဝှေစားသောက်ခဲ့ကြသည်။

        တစ်ခါသော် ပအိုဝ်းအမျိုးသားတောလိုက်ရာ ဆင်တစ်ကောင်ရ၏  ပအိုဝ်းအမျိုးသားက ဆင်၏အသား ကို ကရင်လူမျိုးတို့အား အညီအမျှဝေငှပေး၏ နောက်တစ်ရက်တွင်ကရင်လူမျိုးတို့က ဖြူကောင်ကိုရ၏

ကရင်လူမျိုးတို့ကဖြူကောင်၏အသားကို ပအိုဝ်းလူမျိုးတို့အား အညီအမျှ ဝေငှပေးလေသည်။ သို့သော်ပအိုဝ်း

လူမျိုးတို့ ဖြူကောင်၏အမွေးကိုသာမြင်သွား၏ထိုအခါ ပအိုဝ်းလူမျိုးတို့က ဖြူကောင်၏အမွေးကြီးလျှင် အကောင်လည်းကြီးလိမ့်မည်ဟုထင်၏ ထို့ကြောင့်ဖြူကောင်၏ အမွေးကြီးလျက်နှင့် ငါတိုပအား ဝေငှသော ဖြူသားမှာနည်းလွန်းလှသည်။ ကရင်လူမျိုးတို့ ငါတို့အပေါ်အကောက်ကြံရက်ပေသည်ဟု အထင်မှားသွား၏

ထိုအချိန်မှစ၍ ပအိုဝ်းလူမျိုးတို့သည် ကရင်လူမျိုးတို့ထံမှ ခွဲထွက်သွားသောဟူ၏ ဤသို့သော ပအိုဝ်းလူမျိုး တို့ခွဲထွက်သွားသည်ကို အကြောင်းပြု၍ ကရင်လူမျိုးတို့က ပအိုဝ်းလူမျိုးတို့အား ကရင်ဘာသာဖြင့် တအော်သူ ဟု ခေါ်ကြောင်းဖြင့်ပြောဆိုကြ၏

တအော်သူ ဟူသောကရင်စကားမှာ ဖြူသားမစားသောလူမျိုး၊စိတ်နာခြင်း၊အော့ခြင်း ဟုအဓိပ္ပါယ်ရ၏

ကာလရွှေ့လျားလာသောအခါ တအော်သူမှ တော်သူ တော်သူမှ တောင်သူဖြစ်လာသည်ဟုဆိုသည်။

ကရင်ပြည်နယ်ရှိကရင်လူမျိုးများကလည်း ပအိုဝ်းလူမျိုးတို့သည်တစ်ချိန်က မိမိတို့၏ဆွေရင်းညီအစ်ကို ဟုယနေ့တိုင်အောင်ပြောဆိုနေကြပေသည်။

      ၁၉၂၁ ခုနှစ် သန်းခေါင်စာရင်းအရ ပအိုဝ်းလူမျိုးကို ပိုးကရင်အုပ်စုတွင်ထည့်တွင်းရေတွက်ခဲ့၏

ပိုးကရင်အုပ်စုကို မွန်ကရင်အုပ်စု၊ ပအိုဝ်းတောင်သူအုပ်စုနှင့် မိုပွာအစုဟူ၍ ခွဲခြားထားလေသည်။

ကရင်ဘ၀ဓလေ့စာအုပ်တွင် ၁၉၃၅ ခုနှစ်၊မြန်မာပြည်စီရင်အုပ်ချုပ်မှု အက်ဥပဒေအရ ၁၉၃၆ ခုနှစ် မေလ ၆ ရက်နေ့စွဲဖြင့် ကြေငြာသောဘုရင်ခံမင်းကြီး၏ ကရင်လူမျိုး ၁၀ မျိုးပြန်တမ်းတွင် ပအိုဝ်းတိုင်းရင်းသားကို တောင်သူကရင်ဟူ၍ ထည့်သွင်းကြေငြာခဲ့သည်။

      ၀ီလီယန်ဒန်းဟက်ကက်၏(William dunn Hackett's The Pa-o People of the shan state Union of Burma, A Socialogical and Ethnographic Study of the Pa-O (Taungthu) People " စာအုပ်တွင်

 ၁၉၀၁ ခုနှစ်မှ ၁၉၃၁ ခုနှစ်အထိ သန်းခေါင်စာရင်းအရ ပအိုဝ်းတို့သည် တတိယအကြီးဆုံးကရင်လူမျိုးစု ကြီးဖြစ်သည်။ အာဏာပိုင်များက ပအိုဝ်းတို့ကို ပိုးကရင်နှင့်တစ်တန်းတစ်စားတည်းထားသည်ကို သဘောကျ ကြသည်။ ကရင်နှင့်ပက်သက်သော စာအုပ်တိုင်းတွင်လည်း တောင်သူ(ပအိုဝ်း)ကိုညွန်းထားခြင်းများပါလေ့ ရှိသည်။ပအိုဝ်းနှင့်ပက်သက်သောယဉ်ကျေးမှုအထောက်အထားပစ္စည်းများမှာ အလွန်ရှားလှသည်။

ဘာသာစကားကိုလေ့လာလျှင် ပအိုဝ်းဘာသာစကားသည် ပိုးကရင်ဘာသာစကားဖြစ်သည် ဆိုသည်မှာ သံသယ ဖြစ်စရာပင်ဖြစ်သည် ဟု ရေးသားဖော်ပြထား၏

         ၁၉၃၆  ခုနှစ်တိုင်အောင် ပအိုဝ်းလူမျိုးသည် ကရင်နွယ်စုတွင် ပါဝင်နေသေးသည်ကိုတွေ့ရ၏ ပအိုဝ်း လူမျိုးစုကိုကရင်မျိုးနွယ်စုတွင်ထည့်သွင်းပြီး ကရင်လူမျိုးအခွင့်အရေးအတိုင်းခံစားခွင့်ပြုစေသည်။ ဥပမာ_

လူမျိုးစုအမတ်တင်မြောက်ရာတွင် ပအိုဝ်းလူမျိုးအမတ်ကို ကရင်လူမျိုးအမတ်အဖြစ်အသိအမှတ်ပြုခဲ့ကြသည်

၁၉၃၉ ခုနှစ်တစ်ဝိုက်တွင် ကရင်လူမျိုးစုအမတ်ဖြစ်သော သထုံဦးလှဖေမှာ ပအိုဝ်းလူမျိုးဖြစ်၏ ဤသည်ကား

အင်္ဂလိပ်အစိုးရ၏ ကောက်ကျစ်မှုပင်ဖြစ်လေသည်။

        ပြည်သူ့လွတ်တော် ပါလီမန်အမတ် ရွေးကောက်ပွဲ အက်ဥပဒေနှင့် နည်းဥပဒေများကို ရေးဆွဲသော အခါအားလုံးညီညွတ်မှုရှိစေရန်ပြည့်သူ့ကိုယ်စာလှယ်များပါဝင်သော ရွေးကောက်ပွဲဥပဒေအကြံပေးအဖွဲ့ကို ဖွဲ့စည်းခဲ့လေသည်။ ထိုဥပဒေ အကြံပေးအဖွဲ့ ဖွဲ့စည်းသောအစည်းအဝေးတွင် ကရင်ကောင်စီကိုယ်စားလှယ်စောအောင်ပ ပအိုဝ်းနှင့် ကရင်နီတိုင်းရင်းသားကို ၁၉၃၅ ခုနှစ်အက်ဥပဒေ အရ၊ကရင်အုပ်စုတွင်ထည့်သွင်းထား၏ကရင်အမျိုးသားကိုယ်စာလှယ်ရွေးချယ်ရာတွင်လည်း ပအိုဝ်းနှင့် ကရင်နီတိုင်းရင်းသားများ ပါဝင်သင့်ကြောင်းတင်ပြခဲ့လေသည်။

  သို့သော် ထိုအစည်းအဝေးတွင် အဖွဲ့ဝင်ရွေးကောက်ပွဲမင်းကြီး ဦးကျော်က ၁၉၃၅ ခုနှစ် အက်ဥပဒေရည် ရွယ်ချက်များနှင့် လူမျိုးရေးသမိုင်းကိုပါ တင်ပြဆွေးနွေးသွား၏ မြန်မာ့သမိုင်းအစဉ်အရပအိုဝ်းတောင်သူနှင့် ကရင်နီလူမျိုးတို့ကို သီးခြားလူမျိုးအဖြစ် အသိမှတ်ပြုထားသဖြင့်  အခြေခံဥပဒေပုဒ်မ ၈၃ ၏ ရည်ရွယ်ချက် အတိုင်းကရင်လူမျိုးစုတွင်မထည့်သွင်းသင့်ကြောင်းဆုံးဖြတ်ခဲ့သည်။

            မြန်မာ့စွယ်စုံကျမ်း အတွဲ ၁ ၊ စာမျက်နှာ ၉၄ တွင် ကရင်တို့တွင် တောင်ပေါ်ကရင် ၊ ကွင်းကရင်ဟု

နှစ်မျိုး ခွဲခြားနိုင်သည်။ ကွင်းကရင်တို့တွင် စကော (ငါးသိန်းကျော်) ပိုး (ငါးသိန်းမျှ)နှင့် ပအိုဝ်းခေါ် တောင်သူထက်ဝက် (တစ်သိန်းမျှ) တို့ ပါဝင်သည်  ဟု ရေးသားဖော်ပြထားပေသည်။

    မြန်မာ့စွယ်စုံကျမ်း အတွဲ ၆ ၊စာမျက်နှာ ၂၇၈ တွင်လည်း ပအိုဝ်းလူမျိုးတို့သည် ကရင်အနွယ်ဖြစ်သော လူမျိုး တစ်မျိုးဖြစ်သည်။ တောင်ပေါ်ကရင်၊ကွင်းကရင်နှစ်မျိုးလုံးသည် ထက်ဝက်စီခန့် ပါဝင်သည်။သို့သော် မူလက တောင်ပေါ်၌ အနေများသောလူမျိုးများဖြစ်၍လည်း တောင်သူဟူ၍ခေါ်ဝေါ်ဟန် ရှိသည်။ ကရင်လူမျိုးတို့သည် အမျိုးအလိုက် မိမိတို့ကိုယ်ကို ခေါ်ဝေါ်သောအမည်များရှိကြသည်။ပုံစံအားဖြင့် ကရင်နီ တို့သည် မိမိကိုယ်ကို ကယားဟု ခေါ်ကြသည်။ ပအိုဝ်း ဟူသောအမည်သည်လည်း အမျိုးအလိုက်ခေါ်ဝေါ် သောအနည်ပင်ဖြစ်သည်။ ပအိုဝ်းတို့သည် ကရင်မျိုးတို့တွင် လူဦးရေအားဖြင့်တတိယ အများဆုံးဖြစ်သည်ဟု

ဖော်ပြထားသည်။

                  ၀ီလီယန်ဒန်းဟက်ကက် ကလည်း ပအိုဝ်းတိုင်းရင်းသားတို့ပြောဆိုသောစကားမှာ ကရင်တိုင်း ရင်းသားများပြောဆိုသောစကားနှင့်ဆက်သွယ်မှုရှိ၏ လူမျိုးခြင်းလည်းဆပ်စပ်မှုရှိကာ မြန်မာပြည်တွင်းသို့ အတူတူဆင်းသက်ခဲ့မည် ဟု ယူဆလေသည်။ ပညာရှင်အသီးသီးနှင့်စာအုပ်အသီးသီးတို့၏ ရေးသားဖော်ပြ ချက်ကိုကြည့်လျှင် ပအိုဝ်းနှင့်ကရင်သည် မူလက လူတစ်မျိုးတည်းဟု ဆိုဖွယ်ရာပင်ဖြစ်လေသည်။

              ပအိုဝ်းတိုင်းရင်းသားတို့သည်ရှေးနှစ်ပေါင်းများစွာက ပင် မြန်မာနိုင်ငံတွင် တိုင်းရင်းသားလူမျိုး

တစ်မျိုးအဖြစ်နေထိုင်လာခဲ့သည်မှာ အ ထင် အ ရှား ဖြစ် ၏ ယခုထိတိုင် ကိုယ်ပိုင်ယဉ်ကျေးမှုနှင့်ဓလေ့ထုံး

စံ၊ဘာသာစကားသီးခြားစွာပင်ရှိနေပေသည်။

ပအိုဝ်း၊ကရင်၊မွန်လူမျိုးတို့သည် သုဝဏ္ဏဘုမ္မိ သထုံနယ်တွင် တစ်ဦးနှင့်တစ်ဦးအလွန်နီးကပ်စွာ  အေးအတူပူ အမျှစည်းလုံးညီညွတ်စွာ နေထိုင်ခဲ့ကြကြောင်းသမိုင်းအရ သိရှိနိုင်ပေသည်။ ပအိုဝ်းတိုင်းရင်သားစကားနှင့် ကရင်တိုင်းရင်းသားစကားအချို့ တူညီနေကြခြင်းမှာလည်း အတူတကွနေထိုင်ကြရာမှ ကရင်စကားအချို့ကို ပအိုဝ်းတို့ကကောက်ယူမွေးစားခြင်းမျိုးလည်းဖြစ်နိုင်ပါသည်။

      ပအိုဝ်းတိုင်းရင်းသားစာဆိုတော်ဖြစ်သော  ပင်စုံဆရာတော်က ပအိုဝ်းဘာသာဖြင့်သုဝဏ္ဏပကာသနီ ကျမ်းတွင် ပအိုဝ်းတိုင်းရင်းသားတို့သည် ကိုယ့်ထီးကိုယ့်နန်း ကိုယ့်ကြငှန်းဖြင့် အခြေစိုက်ခဲ့သည်ဟု ဖော်ပြ ရေးထားသား၏

            ဇမ္ဗူတံဆိပ်ကျမ်းကလည်း မြန်မာ ၇ မျိုးထဲတွင်  သက်နှင့်ရခိုင်၊ နှိုင်းပြိုင်တောင်သူ ၊ပျူကမ်းယံရော၊ ထားဝယ်နှောက၊မျိုးသတ္တ ဟုဖော်ပြထား၏ သုတေသနသရုပ်ပြအဘိဓာန် (စာမျက်နှာ ၄၆၆) တွင်မြန်မာ ခုနှစ်မျိုးတွင်ပါဝင်ကြောင်းဖေါ်ပြထား၏

   ဦးဖိုးမြစ်၏ လောကဟိတရာသီကျမ်း(စာမျက်နှာ ၂၈၂) တွင် မြန်မာခုနှစ်မျိုးကို မြန်မာ၊ ပျူ ၊ တောင်သူ ၊

ကမ်းယံ၊ယော၊ရခိုင်၊ထားဝယ် ဟုဖေါ်ပြထား၏

         ခင်မောင်ဖြူ (ယဉ်ကျေးမှု) ကလည်း ရှေ့သို့စာစောင်တွင် ပအိုဝ်းတို့ကား တရုတ်ထိုင်း အနွယ်ဝင်များ ဟု အကဲဖြတ်သတ်မှတ်ခဲ့ကြသည်။သတ်မှတ်ပုံမှာ(တရုတ်ထိုင်း သို့မဟုတ် ထိုင်းတရုတ်) ယိုးဒယားနွယ်သောတရုတ်အုပ်စုတွင်(က)ကရင်အုပ်စုခွဲနှင့်(ခ)ရှမ်းအုပ်စုဟူ၍ကွဲပြားခဲ့သည်။ကရင်အုပ်စု၌  စကော၊ပကူ၊ဘွဲ့၊တောင်သူ(ပအိုဝ်း)၊ကရင်ဖြူ၊ပိုး၊ကယား၊(ကရင်နီ)၊ပဒေါင်၊ယင်းဘော်၊ဇယိမ်၊ဗရဲ၊ယင်းတလဲ၊

ကဲခို၊ကဲဗာ စသည့်လူမျိုးများပါဝင်ကြသည်။ပအိုဝ်း(တောင်သူ)တို့သည် ရှေးအခါကတည်းကပင် မြန်မာတို့နှင့်

အဆက်အသွယ်ရှိခဲ့ကြသည်။ ရှေးဟောင်း ပုဂံ ကျောက်စာတို့တွင် တောင်သူ ဟုဖော်ပြရေးထိုးခဲ့ကြသည် ဟု ဖော်ပြထား၏

                       ပုဂံမြို့၊ မင်းနန်သူရွာရှိ လေးမျက်နှာဘုရား တံတိုင်း အတွင်းတွင် ကျောက်စာဂူရှိ၏

ထိုကျောက်စာဂူကို သက္ကရာဇ် ၅၈၅ ခုတွင်ရေးထိုးခဲ့၏ ထိုကျောက်စာဂူတောင်ဘက် ကျောက်တိုင်ကြီး

အရှေ့မျက်နှာ၌ မင်းအနန္တသူနှင့် မိဖုရားတို့၏ ကုသိုလ်ကောင်းမှုကို ရေးထိုးမှတ်တမ်းတင်ထားသော

ကျောက်စာဖြစ်၏ ထိုကျောက်စာတွင်ကျွန်များ၏စာရင်းကိုလည်းဖော်ပြထားရာ၊ ကြောင်းရေ ၄၃ တွင်

"က္မအိုအိ(ပ)အိုဝ်အိုဝ်ထိန်၁ " ဟုဖော်ပြထား၏ ထိုကျောက်စာမှာ သက္ကရာဇ်(၅၈၅)ခုနှစ်တွင် ရေးထိုးထား သောကျောက်စာဖြစ်၏ ကျွန်စာရင်းတွင် "ပအိုဝ်အိုဝ်ထိန်"ဟုပါရှိသဖြင့် ပအိုဝ်းလူမျိုး ကျွန်သည် အိုးလုပ်ငန်း

ကိုလုပ်ရဟန်တူ၏ ဤကျောက်စာတွင် ပအိုဝ်လူမျိုးကို သက္ကရာဇ် ၅၈၅ ခုကတည်းကပင် တွေ့နေရပေသည်။

    သက္ကရာဇ် ၆၃၈ ခုနှစ် ၊တန်ခူးလဆုတ် ၅ ရက် (၄ ဧပြီ၊၁၂၇၆)တွင် ရေးထိုးသည့် ပုဂံအရှေ့ ဖွားစေရွာ ဇေယပွတ်ဘုရားကျောက်စာတွင် ငပြည့်ညီသား ငကတူး ၁၊ ငစကြော ၁၊ င တောင်သူ ၁ ဟုပါရှိလေသည်။

ကျောက်စာအရ ငပြည့်ညီသည် မြန်မာလူမျိုးဖြစ်သည်။ငပြည့်ညီ၏အိမ်တွင် မြန်မာ၊ကတူး၊ကရင်၊တောင်သူ လူမျိုးတို့တစ်အိမ်တည်း၌ စည်းလုံးညီညွတ်စွာနေထိုင်ခဲ့ကြသည်ကို တွေ့ရပေသည်။ အထက်ပါအထောက်အ ထားများကိုကြည့်လျှင်တောင်သူဟုခေါ်သော ပအိုဝ်းတိုင်းရင်းသားတို့သည် ပုဂံခေတ်ကပင် တောင်သူ ဟူ၍ လည်းကောင်းအမည်ခံကာ သီးခြားလူမျိုးအဖြစ်ရှိခဲ့ပြီး၊အခြားတိုင်းရင်းသားများနှင့်စည်းလုံးညီညွတ်စွာ နေထိုင်ခဲ့ကြသည်ကို သိရတွေ့ရပေသည်။

              ကျောင်းသုံး ပဥမတန်းမြန်မာနိုင်ငံသမိုင်း၊စာမျက်နှာ၅တွင်လည်း ပုဂံခေတ်မြန်မာနိုင်ငံကို ပျူ ၊ မွန်၊ပလောင်၊ကရင်၊တောင်သူ၊သက်၊ကဒူး၊ကချင်၊ချင်း၊ရခိုင်၊မြန်မာ၊ရှမ်းစသော တိုင်းရင်းသားတစ်ရပ်လုံး

စည်းလုံးညီညွတ်စွာ စုပေါင်းတည်ထောင်ခဲ့သည်ဟု ဖော်ပြထားသည်။ ထို့ကြောင့် တိုင်းရင်းသားပေါင်းစုံ

ပုဂံပြည်ကိုတည်ထောင်ရာတွင် တောင်သူခေါ်ပအိုဝ်းတိုင်းရင်းသားများလည်း ပါဝင်ခဲ့ကြောင်းသိနိုင်၏

ထို့ကြောင့်ပအိုဝ်းတိုင်းရင်းသားတို့သည် ပုဂံခေတ်ကပင် အခြားတိုင်းရင်းသားများနှင့် ရောနှောနေထိုင်ခဲ့ သည်ဟုသိနိုင်ပေသည်။ ပုဂံကျောက်စာများတွင်လည်း တောင်သူ ဟုရေးထိုးထားသည်ကိုကြည့်ခြင်းအားဖြင့်

ပအိုဝ်းတောင်သူလူမျိုးတို့သည် ပုဂံခေတ်ကပင်သီးခြားရှိခဲ့သည်ဟု ဆိုနိုင်ပေသည်။

            အထက်ပါအထောက်အထားများကို ကြည့်လျှင် ပအိုဝ်း တိုင်းရင်သားတို့သည် လွန်ခဲ့သောရှေးနှစ် ပေါင်းများစွာကပင် သီးခြားတိုင်းရင်းသားအဖြစ် ရှိခဲ့သည်ဟုဆိုနိုင်ပေသည်။ထို့ကြောင့်တောင်သူခေါ် ပအိုဝ်း

တိုင်းရင်းသားတို့သည်ကရင်လူမျိုးများနှင့် တစ်မျိုးတည်းမဟုတ်ပဲ သီးခြားတိုင်းရင်းသား လူမျိုးတစ်မျိုးဖြစ် လေမည်ဟု ယူဆဖွယ်ရာဖြစ်ပေသည်။