ပင်လောင်းမြို့နယ်
ပအိုဝ်းသမိုင်းပင်လောင်းမြို့နယ်တွင် လူဦးရေ ၈ သောင်းကျော်ရှိသည့်အနက် ပအိုဝ်းတိုင်းရင်းသား ခြောက်သောင်းကျော်
ပါဝင်သည်။ရာခိုင်နှုန်းအားဖြင့် ၇၄ ဖြစ်၏ ပင်လောင်းမြို့နယ်တွင် လူဦးရေအများဆုံးဖြစ်သည်။ပင်လောင်း
မြို့နယ်တွင် ပအိုဝ်းကျေးရွာများကိုတောင်ကြော၊တောင်ချေရင်း၊တောင်ထိပ်၊လှိုင်းထကုန်းမြေမြင့်နှင့်တောင်
ပတ်လည်ဝိုင်းရံလျက်ရှိသည့် ချိုင့်ဝှမ်းအရပ်များတွင် အများအပြားတွေ့နိုင်သည်။တစ်ရွာနှင့်တစ်ရွာမှာလည်း
ပျှမ်းမျှ နှစ်မိုင် လောက်သာ ဝေးလေသည်။
ကျေးရွာပတ်ဝန်းကျင်တွင် ခြံများဝန်းရံထားသည် အိ်မ်တိုင်းလိုလိုဝင်းခတ်ထားကြ၏အိမ်ခြေမစိပ်
လှပေ။အိမ်ဦးရေ ၂၀ မှ ၃၀၀ အထိ ရှိတတ်ကြသည်။အိမ်များကိုထင်းရှုးချယ်ရီ သစ်ယာတို့ဖြင့် ဆောက်ကြ၏
စီးပွားရေးဖွံ့ဖြိုးသောဒေသများတွင် ပျဉ်ထောင်သွပ်မိုးအိမ်များကိုတွေ့ရသည်။ဝါးအိမ်များကို တီကျစ်မြို့နယ်
တွင်အများဆုံးတွေ့ရသည်။တီကျစ်မြို့နယ်ရှိဝါးအိမ်များသည် နှစ်ပေါင်း ၃၀ ခန့် ခိုင်ခန့်လေသည်။
ပင်လောင်းမြို့နယ်တွင် ဖွံ့ဖြိုးသောကျေးရွာများမှာ ပင်လောင်းမြို့၊တီကျစ်မြို့၊နောင်တရား
ရွာနှင့် ရင်းမှီးရွာတို့ဖြစ်ကြ၏ ဤမြို့များတွင် ကူးသန်းရောင်းဝယ်ရေးထွန်းကားသည်။
ပင်လောင်းမြို့နယ်ရှိကျေးရွာတိုင်းလိုလိုသည် စမ်းရေကိုသာသောက်သုံးကြသည်ကများ၏ လျှိုမြောင်
ကြားမှာစမ်းရေကိုရွာသို့ပိုက်လုံးများ၊ရေတံလျောက်များဖြင့်သွယ်ယူကြ၏ ချောင်းဖြတ်စီးရာပတ်ဝန်းကျင်
တွင် ဟင်းသီးဟင်းရွက်များကိုစိုက်ပျိုးကြသည်။ဤမြို့နယ်မှ ပအိုဝ်းတိုင်းရင်းသားတို့သည် လဖက်၊သနပ်ဖက်
အာလူး၊ကြက်သွန်ဖြူ၊သစ်သီးနှင့်တောင်ယာများကိုစိုက်မျိုးလုပ်ကိုင်ကြသည်။
လမ်းပန်းဆက်သွယ်ရေးကိုကြည့်ပါက အောင်ပန်း၊ပင်လောင်းလွိုင်ကော်လမ်းမကြီးဆီသို့ကိုယ်ထူကိုယ်ထ
စနစ်ဖြင့် ဖွင့်လှစ်ထားကြသည်။ယင်းလမ်းမှာ နွေရာသီနှင့်ဆောင်းရာသီတွင်သာကားသွားနိုင်သည်။ဖောက်
ထားသောလမ်းများမှာ ညောင်ပင်သာရွာမှဘုရားဖြူသို့တစ်လမ်း၊နောင်တရားမြို့မှဗောင်းရွာသို့တစ်လမ်း၊
ရေဦးရွာ(ထီးကတူရွာ)မှပင်မွန်ရွာသို့တစ်လမ်း၊ပင်လောင်းမြို့မှ မင်းဘူးရွာသို့တစ်လမ်း၊ရင်းမှီးရွာမှတင်းထက်
ရွာသို့တစ်လမ်း ဆောင်းပလောင်းရွာမှသုံးပျဉ်ရွာသို့တစ်လမ်းတို့ဖြစ်ကြသည်၊ရင်းမှီးရွာမှဗောင်းရွာသို့တစ်
လမ်းမှာ အစိုးရကဖောက်လုပ်ပေးထားသောလမ်းဖြစ်၏ဤလမ်းများကိုလှည်း၊နွားဝန်တင်များ အသုံးပြု၍
ကုန်ပစ္စည်းသယ်ယူပို့ဆောင်ကြသည်။
ကျေးရွာများတွင်အစိုးရမူလတန်းကျောင်းများ အချို့ရှိ၏အချို့ကျေးရွာများတွင် မူလတန်းကျောင်းများ
ရရှိရေးအတွက် ကိုယ်ထူကိုယ်ထစနစ်ဖြင့် ဖွင့်လှစ်ထားကြသည်။ပင်လောင်းမြို့နယ်ရှိပအိုဝ်းကျေးရွာများမှာ
ဖွံ့ဖြိုးတိုးတတ်သော်လည်း ကားလမ်းနှင့်ဝေးကွာသဖြင့် အစစ အရာရာ နှောင့်နှေးမှုများဖြစ်ပေါ်ရသည်။
Labels: လူမျိုးနှင့်ဘာသာစကား
0 comments: