ဟိုပုံးမြို့နယ်
ပအိုဝ်းသမိုင်းဟိုပုံးမြို့နယ်တွင်ပအိုဝ်းတိုင်းရင်းသား၅၆ရာခိုင်နှုန်းနေထိုင်၏ဟိုပုံးမြို့နယ်တွင်မဲနယ်တောင်သည် တစ်စိတ် တစ်ဒေသပါဝင်နေ၏ဤမြို့နယ်အတွင်းရှိပအိုဝ်းကျေးရွာများသည်သနပ်ဖက်လုပ်ငန်းဖြင့်ထင်ရှားသည်သနပ် ဖက်လုပ်ငန်းဖြင့်ထင်ရှားသောကျေးရွာများသည်။တောင်ပေါ်မြေပြန့်တွင်လည်းကောင်း၊ တောင်တန်းနှစ်ခု ကြားကုန်းမြင့်၏နံရံတွင်လည်းကောင်း၊ချိုင့်ဝှမ်းတွင် လည်းကောင်းရွာတည်ထားကြသည်ကိုတွေ့ရသည်။
ဤမြို့နယ်အတွင်းရှိကျောက်တန်းရွာသည်ဟိုပုံးလွိုင်လင်ကားလမ်းဘေးရှိထမ်းဆမ်းရွာမှနေ၍မြောက်ဘက် သို့ခုနှစ်မိုင်အကွာတွင်တည်ရှိသည်။ရှမ်းပြည်နယ်တွင်သနပ်ဖက်လုပ်ငန်းဖြင့်အထင်ရှားဆုံးရွာဖြစ်သည်။
ကျောက်တန်းရွာတွင်တောင်ပေါ်မှစိမ့်စိမ်းရေများကိုသံပိုက်များဖြင့်သွယ်ယူ၍ရေလှောင်ကန်တွင် သိုလှောင် ကာ သောက်သုံးကြ၏ ကျောက်တန်းရွာတွင် အိမ်ကြီးများကိုတွေ့ရ၏ အိမ်များကိုအင်သားများဖြင့်
လည်းကောင်း၊ အင်္ဂတေများဖြင့်လည်းကောင်းတည်ဆောက်ကြသည်။
အစိုးရအလယ်တန်းကျောင်းရှိပြီးတွဲဖက် အထက်တန်းကျောင်းဖွင့်ကာအထက်တန်းကျောင်းရရှိရေးအတွက် ကြိုးပမ်းနေကြသည်။မဲနယ်တောင်ရှိဒုံလီတောင်ရွာသည်အရှေ့နှင့်အနောက်တောင်တန်းနှစ်ခုအကြား ကုန်းမြေမြင့်ပေါ်တွင်တည်ထား၏ကုန်းမြင့်နံရံတွင်တည်နေသဖြင့်အိမ်များကိုလှေကားအနိမ့်အမြင့် ဆောက်လုပ်ထားကြသည်အိမ်ခြေစိပ်ပြီးသစ်အိမ်သွပ်မိုးအိမ်များဖြစ်ကြသည်။ ရွာတည်နေပုံကောင်းသဖြင့်
လေကောင်းလေသန့်ရရှိသည်။ရေကိုလျှိုမြောင်တွင်းမှပိုက်လုံးဖြင့်သွယ်ယူသောက်သုံးကြသည်။ရွာပတ်လည် တွင်ခြံရှိ၏အနိမ့်မြေညီပိုင်းတွင်ဟင်းသီးဟင်းရွက်များစိုက်ပျိုးကြသည်။
စငေါရွာသည်ချိုင်ဝှမ်းတွင်တည်ရှိပြီးချောင်းရေကိုအဓိကမှီခိုကြသည်။စငေါချောင်းတစ်လျောက်တွင် ရွာတည်ထားသဖြင့်ရွာတန်းရှည်သဖွယ်ဖြစ်နေသည်။အိမ်များမှာခြေတံရှည်အိမ်မျိုးဖြစ်ပြီးအိမ်ခြေစိပ်၏ တောင်စောင်းတွင်သနပ်ဖက်ခြံရှိပြီးချောင်းနံဘေးတွင်ကြက်သွန်ဖြူနှင့်ရွှေပဲခင်းများရှိပြီးလယ်ကိုအနည်းငယ် လုပ်ကိုင်ကြသည်။
ပင်တခွားရွာသည်တောင်ထိပ်တွင်ရှိပြီး ရှုခင်းရှုကွက်သာယာလှပသောရွာဖြစ်သည်။သောက်သုံးရန်ရေကို တောင်ခြေရှိရေတွင်းသို့သွားခပ်ရသည်။ဝါးထရံကားသောခြေတံရှည်အိမ်များဖြစ်၏ခြံလုပ်ပန်းကိုလုပ်ကိုင် ကြသည်။
ဟိုပုံးမြို့နယ်တွင်တောင်ကမ်းပါးယံပေါ်၌ရွာတည်ထားခြင်းများမရှိပေ။လွယ်မိုင်းတောင်နှင့် နောက်ဝိုတောင် နှစ်ခုအကြားတွင်စငေါချောင်းစီးဆင်းလျက်ရှိ၏။စငေါချောင်းသည်ရေစီးသန်သော်လည်း ကမ်းနံဘေးတွင် ရွာတည်နိုင်ရန်မြေကွက်ကောင်းများရှိသည်။ဟိုပုံးမြို့နယ်တွင်ထင်ရှားသောပအိုဝ်းကျေးရွာများမှာ ဟုတ်ပေ၊ စငေါ၊ဘန်းစောက်၊လိုင်းပေ၊လုံးဟီ၊(စံဖူး)တလျနိုး၊စောက်ကရှား၊ပင်ငုံအစရှိသည့်ကျေးရွာများဖြစ်ကြသည်။
ရွာတွင်အများအားဖြင့်မူလတန်းကျောင်းများရှိကြ၏။လုံးဟီ(စံဖူး)ရွာတွင်အစိုးရအလယ်တန်းကျောင်းရရှိရေး အတွက်ကြိုးပမ်းနေကြသည်။တစ်ရွာနှင့်တစ်ရွာကားလမ်းခြေလျင်လမ်းများဖြင့်ဆက်သွယ်ထား၏ကားလမ်း မှာမိုးရာသီတွင်မသွားနိုင်ပေ။ဟိုပုံးမြို့နယ်ရှိပအိုဝ်းကျေးရွာများသည်ဖွံ့ဖြိုးသောပအိုဝ်းကျေးရွာများဖြစ်ကြ
သည်။
Labels: လူမျိုးနှင့်ဘာသာစကား
0 comments: