လက်မှုပညာနှင့်ဗိသုကာ
ပအိုဝ်းသမိုင်း ပအိုဝ်းတိုင်းရင်းသားတို့သည် လက်မှုပညာအနေဖြင့် နေ့စဉ်သုံးပစ္စည်းများကိုသာ ပြုလုပ်ကြသည်။
လယ်ယာခြံမြေသုံးပစ္စည်းများကို ထုတ်လုပ်ခြင်း၊နွားလှည်း ပြုလုပ်ခြင်း၊အိမ်ဆောက်လုပ်ခြင်း၊ အိမ်တွင်းသုံး
ဖြစ်သော တောင်း၊ပလုံး၊ပလိုင်း၊ထရံများ၊မီးဖိုဆောင်သုံးမြေအိုး မြေခွက်များများကို ဒေသ ရပ်ရွာအလိုက် ပြုလုပ်ကြ၏ စီးပွားဖြစ်တင်ပို့ရောင်းရန်အတွက် မလုပ်ကိုင်ကြပေ။
ပအိုဝ်းတိုင်းရင်းသားတို့လက်မှုပညာဖြစ်သည့်ပန်းတိမ်မှာလည်းအလွန်လက်ယာ မြောက်လှသည်ကိုတွေ့
ရ၏ ပန်းထိမ်ပညာကို ရှေးဘိုးဘေးစဉ်ဆက်ကပင်တတ်မြောက်ခဲ့ကြသည်။ ပအိုဝ်းတိုင်းရင်းသားတို့၏
ပန်းထိမ်လက်ရာကို ဆံထိုး၊နားတောင်း၊လက်စွပ်၊လက်ကောက် စသော လက်ဝတ်ရတနာများကိုကြည့်ခြင်း
အားဖြင့် အကဲခတ်နိုင်သည်။ဆံထိုး၊လက်စွပ်၊လက်ကောက်များပေါ်တွင်ဖော်ထားသည့် ပန်းခက် ပန်းလက်
များ၊ဘုန်းတော်ကြီးကျောင်း၊ဘုရားတန်ဆောင်းတို့တွင်ပြုလုပ်ထားသည့် ပန်းခက် ပန်းလက်များကိုအံ့သြ
ဘနန်းတွေ့မြင်နိုင်ပေသည်။
ပအိုဝ်းတိုင်းရင်းသားတို့သည် ဗိသုကာ ပညာလည်း တတ်မြောကကြောင်း၊တစ်ချိန်က ၄င်းတို့နေထိုင်
ခဲ့ကြသည်ဟု ယူဆသော သုဝဏ္ဍဘုမ္မိသထုံမြို့ရိုးပျက်ကြီးက သက်သေခံနေပေသည်။စေတီပုထိုးကိုလည်း
တည်ဆောက်နိုင်ကြသည်။ဆီိဆိုင်မြို့ခေါ်သထုံလေးတွင် ခွန်မောင်သာနှင့် ခွန်နိုင်ညီအစ်ကိုနှစ်ဦး၏ သချိုင်း
အုတ်ဂူသည်လည်း၊ လက်ရာမြောက်လှသည်ကိုယနေ့တိုင်တွေ့နိုင်ပေသေးသည်။ပအိုဝ်းတိုင်းရင်းသားတို့
အနုပညာ မှန်သမျှ၏ နောက်ခံပုံရိပ်သည် သုဝဏ္ဏဘုမ္မိသထုံပြည်ဖြစ်သည်ဟုဆိုကမှားမည်မထင်ပေ။
ရှေးအခါက မိမိတို့ဝတ်သော အ၀တ်အစားမျးကို ကိုယ်တိုင်လက်ဖြင့်ယက်လုပ်ကြသည်။ကိုယ်တိုင် ၀ါဖန်
သည်။ကိုယ်တိုင်ဗိုင်းငင်သည်။ကိုယ်တိုင်ရက်သည်။ကိုယ်တိုင်ဆေးဆိုးသည်။ကိုယ်တိုင်လက်ဖြင့်ချုပ်သည်။
လွယ်အိတ် အမျိုးသမီးများခေါင်းပေါင်းပေါ်တွင် ပေါင်းသည့်တဘက်စသည်များကိုလည်း၊လက်ဖြင့်ပင်ယက်
လုပ်ကြသည်။ပအိုဝ်းတိုင်းရင်းသားတို့သည် လက်မှုပညာ၌လည်း ကျွမ်းကျင်တတ်မြောက်သည်ဟု ဆိုနိုင်ပေ
သည်။
ပအိုဝ်းတိုင်းရင်းသားတို့သည် ပန်းထိမ်လုပ်ငန်းကိုလည်း လုပ်ကိုင်ကြ၏ သို့သော်နည်းလေသည်။
ရွှေထည် ငွေထည် ပစ္စည်းများကိုပါလုပ်ကိုင်ကြလေသည်။ ငွေထည်ပစ္စည်းများတွင် ငွေဖလား ၊ငွေထုံးဗူး၊
ဘာသာရေးဆိုင်ရာငွေထည်ပစ္စည်းများလောက်ကိုသာပြုလုပ်ခိုင်းကြ၏ ငွေထည်ပစ္စည်းများကိုခြူးပန်း
နွယ်ပန်း၊ကနုတ်ပန်း၊ယိုးဒယားပန်း၊များပါအောင် ပြုလုပ်နိုင်ကြသည်။
ရွှေထည်များတွင် အမျိုးသမီး ဆံထိုးများ ၊လက်စွပ်များ၊ ပေလောခေါ် နားတောင်းများ၊ လက်ကောက်များ လောက်ကိုသာ ပြုလုပ်ကြ၏ ပအိုဝ်းပန်းထိမ်များသည် အများအားဖြင့် အမျိုးသမီးများ၏ အဆင်တန်ဆာဖြစ်သော ဆံထိုးများ၊နားတောင်းများ၊လက်စွပ်များလောက်ကိုသာ
ပြုလုပ်ကြလေသည်။ အမျိုးသမီးများဆံထိုး ပြုလုပ်ရာတွင် အထူးလက်ရာမြောက်လှ၏ အခြားပန်းထိမ် ဆရာများပြုလုပ်နိုင်စွမ်းမရှိကြပေ။ ဆံထိုးများပြုလုပ်ရာ၌ ကျွမ်းကျင်သူများပင် ဆံထိုးတစ်ခုကို ငါးရက်ခန့်
ကြာ၏ ရွှေထည်များကိုအများအားဖြင့် အနီရောင်တင်ထားကြသည်။
လက်သမားအလုပ်ဖြင့် အသက်မွေးသူဟူ၍ မရှိသလောက်ပင်ဖြစ်သည်။အိမ်များ၊တဲများဆောက်တော့
မည်ဆိုပါက မိသားစု စိတ်ဓာတ်ဖြင့် ၀ိုင်းဝန်းဆောက်လုပ်ကြသည်။
Labels: ယဉ်ကျေးမှုနှင့်စာပေ
0 comments: