စကားပုံများ
ပအိုဝ်းသမိုင်း လူသားတို့၏ အသိဥာဏ် ဖွံ့ဖြိုးရေးနှင့် အတွေးအခေါ် အဆင်အခြင်ထက်သန်ရေး၊ ကျွမ်းကျင်မှု၊ နားလည်မှု တိုးပွားရေးအတွက်၊ နည်းပြလမ်းညွန်မှု အမျိုးမျိုးရှိ၏ ထိုအထဲတွင် စကားပုံများလည်းပါဝက်ပါသည်။ စကားပုံများ သည်လူတို့၏ အသိအမြင် ထက်သန်စေရေးတွင် ထိရောက်သော လမ်းညွန်နီတိပင်ဖြစ်၏ ကမ္ဘာ့ နိုင်ငံအရပ်ရပ်မှ လူမျိုးအသီးသီးတွင် စကားပုံများရှိကြ၏ မြန်မာလူမျိုးတို့တွင်လည်းရှိ၏ တိုင်းရင်းသား အသီးသီးတွင်လည်းရှိ၏
ပအိုဝ်းတိုင်းရင်းသားတို့တွင်လည်း ရှိ၏ စကားပုံများကို ပအိုဝ်းတိုင်းရင်းသားတို့က ငေါင်းတွိုင် (ပုံခိုင်းစကား) ဟုခေါ်သည်။ပအိုဝ်း စကားပုံများသည် ပအိုဝ်းတိုင်းရင်သားတို့၏ နေထိုင်ရာဒေသ၊ ဆက်ဆံရသည့် ပတ်ဝန်းကျင်၊ နေထိုင်စားသောက်မှု ဓလေ့ထုံးစံ ၊အတွေးအခေါ် ၊ရိုးရာယဉ်ကျေးမှုတို့အပေါ် အခြေ တည်၍ ပေါ်ပေါက်လာခဲ့ကြ၏
အချို့ပအိုဝ်း စကားပုံများသည် ၀တ္ထုပုံပြင်များကလည်းကောင်း၊ ကဗျာလင်္ကားများမှ လည်းကောင်း၊လူပျို လှည့်စကားများမှ လည်းကောင်း ဆင်းသက်ပေါက်ဖွားလာကြသည်။အချို့မှာ နှုတ်ဆော့၍ ပြောဖန်များရာမှ စကားပုံများ အဖြစ် ကူးပြောင်းသည်များလည်း ရှိပါသည်။
ပအိုဝ်းစကားပုံသည် ၄င်းတို့၏ လူနေမှုစနစ်ကို လည်းကောင်း ၊ ဓလေ့ထုံးစံကိုလည်းကောင်း၊ အတွေးအခေါ် အယူအဆကိုလည်းကောင်း လုပ်ခင်း ကိုင်ခင်းနှင့် ပက်သက်သည့် အကြောင်းအရာ ကို လည်းကောင်း ဖော်ပြနေကြသည်။ ပအိုဝ်းကားပုံများသည် တစ်ကျောင်းတစ်ဂါထာ တစ်ရွာတစ်ပုဒ်ဆန်း ဆို သကဲသို့ စိတ်ဝင်စားဖွယ်လည်းကောင်း ၏ ပအိုဝ်းစကားပုံများသည် လေ့လာဗဟုသုတ ရနိုင်စေရန် စုဆောင်းရရှိသမျှ ပအိုဝ်းစကားပုံများကို မြန်မာဘာသာသို့ ဆီလျော်အောင်ပြန်ဆို ဖော်ပြလိုက်ပါသည်။
(၁) မြေအိုးနှင့်ကြေးအိုး တိုက်လျှင် မြေအိုးသာကွဲမည်။
(၂) ငါးကြောင်ဟင်းကိုစားပြီးလျှင် ၊ ခရုဟင်းရည်ပြယ်ကို စားချင်မည်မဟုတ်
(၃) ရွာပြင်မှကြွေ ပန်းကန် ကိုထည့်စားသော်လည်း ရွာတွင်းမှ မြေခွက်ကို မမှီ
(၄) နည်းနည်းစားလျှင် ရေရှည်စားရသည် ၊ များများစားလျှင် ရေရှည်မစားရ
(၅) ညစ်ပတ်ပေရေနေသည်ကို ရေက သန့်စင်ပေးသည်။ ကျွန်ုပ် တို့ကို ကောင်းအောင် သွန်သင်ညွန် ပြ
သည်မှာ သက်ကြီးရွယ်အိုများ ဖြစ်သည်။
(၆) ရလေ၊လိုလေ၊အိုတစ္ဆေ မရှိလေလေ ဂရုမစိုက်လေလေ
(၇) ကမ္ဘာမီးလောင်သော်လည်း ညောင်ပင်ကြီး ခုနှစ်ပင်မြင်နိုင်သည်။
(၈) တံစဉ်ကဲ့သို့ကောက်ကွေ့သည်
(၉) ကုတ်ကူငှက်သို့ ကျင့်သည်
(၁၀) ယုန်က ကျားကို ညာသည် ၊ မြင်းက ကျွဲကိုညာသည်
(၁၁) ရေထဲသို့ မ၀င်ခင် တုတ်ချောင်းဖြင့် အရင်တိုင်းကြည့်ပါ
(၁၂) လောကတွင် အကောင်းချည်းသက်သက် ဟူ၍ မရှိနိုင်
(၁၃) မိုးနဲရောက်ရောက် ငါ့လှေ ငါလှော်မည်
(၁၄) ရေလိုအေး၍ စမ်းရေလိုပေါ့ပါးစေသည်
(၁၅) ကျီးအာသီးမှာ အခွံသာလှ၏
(၁၆) ကြက်ဥကျောက်တုံးပေါ် ကျက ကြက်ဥကွဲသည် ကျောက်တုံးပေါ်ကြက်ဥကျလျှင်လည်း ကြက်ဥကွဲသည်
(၁၇) စာပေသည် လူငယ်တို့၏ မျက်စိလည်းမည်၏ သူငယ်ချင်းကောင်းလည်းဖြစ် ၏
(၁၈) ထိုသူသေသွားလျှင် ထိုသူ၏ မကောင်းသောအကြောင်းကိုမပြောပါနှင့်
(၁၉) ဆင်းရဲကျပ်တည်းသည့် နေရာတွင် ကြာရှည်စွာမနေပါနှင့် ၊ စီးပွားရှာလွယ်သည့်နေရာကိုနေပါ
(၂၀) ကိုယ်ပေါ်တွင် သူတရားရှိမှ သူတော်ကောင်း စာရင်း ၀င်နိုင်သည်
(၂၁) ၀ီရိယသည် ပျင်းခြင်းကိုနိုင်သည် ပျင်းလျှင်လည်း ဆင်းရဲသည်ဟု မညည်းညူပါနှင့်
(၂၂) လူ့ဘ၀သည် အဖိုးတန်၏ ဆင်ဆင်ချင်ချင် ဖြင့်နေသင့် ၏
(၂၃) ယထာဝါဒီ တရားက ပြောသည့်အတိုင်း လုပ်သွားပါ
(၂၄) တစ်နေ့လျှင် တစ်တောင်(၂)ပေ မဲနယ်တောင် ဘယ်သွားမလဲ၊ တစ်နေ့နည်းနည်းကြိုးစား၍ လုပ်သွားပါ
ပြီးစီးပါလိမ့်မည်။(မဲနယ်တောင်မှာ ဟိုပုံးမြို့နယ်တွင်ရှိသည်။)
(၂၅) ပစ္စည်း ဥစ္စာရှုံးလျှင်ပြန်ရသည် လူရှုံးလျှင် ပြန်မရပါ
(၂၆) ပညာဗဟုသုတရှာရာတွင် ငွေကုန်မှာ မနှမြောပါနှင့်
(၂၇) မည်သည့်အရပ်သို့သွားသွား ဂုဏ်ငါးပါးကို မမေ့ပါနှင့်
(၂ဂ) ချမ်းသာကြွယ်ဝသော်လည်း မာန မထောင်လွားပါနှင့်
(၂၉) မည်မျှဆင်းရဲပါစေ၊ သစ္စာတည်တည်ထားပါ
(၃၀) စည်းကမ်းဟူသည် ကျွနုပ်တို့လူသားတို့၏ တန်ဖိုးဖြစ်သည်
(၃၁) စည်းကမ်းကောင်းမှ ချမ်းသာနိုင်သည်
(၃၂) စည်းကမ်းမရှိလျှင် စာပေ၊ဥာဏ်ပညာကိုရှာဖွေ ဆည်းပူးသော်လည်း တတ်မည်မဟုတ်
(၃၃) စည်းကမ်းကို ရိုသေပါ၊ အလုပ်သည် အချိန်ကို ရိုသေ၏
(၃၄) အရေးကြီးသော ကိစ္စကို ဖြည်းဖြည်းစဉ်းစားပြီးမှ သေချာစွာလုပ်ပါ
(၃၅) ငွေဖြုန်းတီးခြင်းသည် အတတ်ပညာမဟုတ်
(၃၆) မာနကြီးခြင်းနှင့် ကြောက်ရွံ့ခြင်းကို ကုစားခြင်းကို ကုစားရန် ဆေးမရှိ
(၃၇) မြေကိုဝယ်လိုလျှင် ချက်ချင်း ၀ယ်ပါ မိန်းမယူလျှင် ဖြည်းဖြည်းစဉ်းစားပါ
(၃၈) လူတိုင်းသည် နေ့တိုင်းနေ့တိုင်း အကောင်းကို လုပ်သွားပါက နေကုန်သွားလျှင် နေ့ကောင်နေ့မြတ်ပင်
ဖြစ်သည်။
(၃၉) ကံ ကံ ဟု ဆိုသည်မှာ အခြား ပင်မဟုတ် အလုပ်ပင်ဖြစ်သည်
(၄၀) အများကောင်းမှ အကျိုးရသည်
(၄၁) စပါးဖျင်းမှ ဖျာပြင်ထွက်သည်
(၄၂) စကားဖြောင့်ကြားရခက်၊သစ်ပင်ဖြောင့်တက်ရခက်
(၄၃) ဦးပဉ္ဇင်း လူထွက်သည် ဘာမျှနားမလည် ဘုန်းကြီးလူထွက်သည် အသည်းနုံသည်
(၄၄) စည်းကမ်းမရှိလျှင် ကျန်းမာသန်စွမ်းမှု ရနိုင်မည်မဟုတ်
(၄၅) ကုန်းမြင့်ရေမတင်၊ဂုဏ်မြင့်လူမခင်
ဤ စကားပုံများမှာ စာရေး သူလေ့လာစုဆောင်းရသမျှသာဖြစ်သည်။ ပအိုဝ်းတိုင်းရင်းသားတို့သည် စကား ပြောသည့်အခါ စကားပုံများကို အတော်များများ ထည့်သွင်း သုံးနှုန်းပြောဆိုကြသည်ကို လေ့လာတွေ့ ရှိရပါသည်။ ပအိုဝ်းစကားပုံများကို ပအိုဝ်းဘာသာဖြင့် လေ့လာပါက စကားပုံမည်ကာ မတ္တမဟုတ်ပဲ ကာရန်အချိတ်အဆက်ပါသည်ကို လေ့လာတွေ့ရှိရပါသည်။
စကားပုံများသည် စကားရေးသားရာတွင် လည်းကောင်း စကားပြောဆိုရာတွင်လည်ကောင်း အသုံးဝင်လှ၏ အချို့စကားပုံ များမှာ လူတို့အား အမှားမှ သည်အမှန် သို့ ရောက်အောင် သွန်သင် ညွန်ပြပေးလေသည်။ ထို့ ကြောင့် စကားပုံများကို ဆုံးမစကားများ ဟု ဆိုနိုင်လောက်၏ အချို့စကားပုံများမှာ လောကသဘာဝ အကြောင်းအချင်းရာများကိုဖော်ပြရာ အသိပညာ ဗဟုသုတလည်း ရစေပါသည်။
ပအိုဝ်း စကားပုံ များကို လေ့လာ ရခြင်းအားဖြင့်၊ စကားပြောရာတွင် လည်းကောင်း၊ အထောက်အကူ ရစေနိုင် သည့်အပြင်၊စာဖတ်သူတို့ဖို့ တစ်ဘက် တစ်လမ်းမှ အသိပညာ ဗဟုသုတများ ရနိုင်ပါသည်။
Labels: ယဉ်ကျေးမှုနှင့်စာပေ
0 comments: