ပအိုဝ်းသမိုင်း

ပအိုဝ်း တိုင်းရင်းသားတို့သည် သစ်တော့သီးကိုလည်း စိုက်ပျိုးကြ၏။ သစ်တော့သီးပင်ကို သနပ်ဖက် စိုက်ပျိုး၍ မရသောနေရာများတွင် စိုက်ပျိုးကြသည်။ သစ်တော့ပင်များသည် စတင် မြေတောင်မြှောက်သည်မှ အကျိုးကျေးဇူး ခံစားရချိန်အထိ ရှစ်နှစ်ခန့်ကြာညောင်းသည့်ပြင် တယုတယ ပြုစုရ၏။ ထို့ကြောင့် ငွေကြေး မြှုပ်နှံထားနိုင်သူများသာ အများဆုံး လုပ်ကိုင်ကြပေသည်။

သစ်တော့ပင်သည် ပူအိုက်သော ရာသီကို မနှစ်သက်ပေ။ အေးသော ဒေသကို နှစ်သက်၏။ အေးသော ဒေသပင် ဖြစ်သော်လည်း ချဉ်သော၊ မာသောမြေ၌ မဖြစ်ထွန်းပေ။ တောတောင်ထူထပ်၍ မြေသြဇာအပြည့်ရှိသော တောင်စောင်းတောင်ခါးပန်းတို့တွင် အများဆုံး ဖြစ်ထွန်းလေသည်။

သစ်တော့ပင်တွင် အရိုင်းနှင့် အယဉ်ဟူ၍ နှစ်မျိုးရှိ၏။ အရိုင်းနှင့်အယဉ် နှစ်မျိုးစလုံးပင် ကိုင်းမဆက်ဘဲ စိုက်ပျိုးပါက ကြီးထွားအောင်မြင်မှု မရှိသည့်ပြင် အရသာလည်း မကောင်းပေ။ ထို့ကြောင့်ဖွံ့ထွားသော သစ်တော့သီးများ ရရှိနိုင်ရန် မိရိုးဖလာ ကိုင်းဆက် စိုက်နည်းဖြင့် စိုက်ပျိုးကြသည်ကို တွေ့ရပေသည်။

အကိုင်းဆက်ရာတွင် လုံးပတ်လက်မခန့် ရှိသည့် အရိုင်းပင်ကို အရှည်တစ်မိုက်ခန့် ဖြတ်ရ၏။ ထိုနောက် ထိပ်ကိုခွဲကာ အယဉ်မျိုး၏ ကိုင်းဖြင့် ဆက်တွဲ ချည်နှောင်ကာ ဆက်ရသည်။ အကိုင်းဆက်ပြီး တစ်နှစ်ကြာမှ အပင်ကိုပြောင်းရွှေ့ စိုက်ပျိုးနိုင်၏။ ပြောင်းရွှေ့စိုက်ပျိုးပြီးစ အပင်ငယ်ကို ရွက်နုရွက်စိမ်းများ ထွက်လာသည်အထိ ရေအဆက်မပြတ် လောင်းပေးရသည်။

အပင်သက်တမ်း ခြောက်နှစ်ရသောအခါ စတင်၍ သီး၏။ သစ်တော့ပင်များသည် တပို့တွဲလတွင် စတင်ပွင့်ပြီး၊ နယုန်လတွင် စ၍သီးလေသည်။ သစ်တော့သီး အမျိုးအစားများမှာ သစ်တော့ခွံနီ၊ သစ်တော့ခွံစိမ်း နှင့် သစ်တော့ခွံပျော့ ဟူ၍ သုံးမျိုးရှိ၏။ သစ်တော့ခွံစိမ်းသည် အရသာအကောင်းဆုံး ဖြစ်ပြီး ဈေးလည်းအကောင်းဆုံးဖြစ်သည်။

သစ်တော့သီး အများဆုံး စိုက်ပျိုးသည့် နယ်များမှာ တောင်ကြီးမြို့နယ်၊ ကလောမြို့နယ်၊ ပင်လောင်းမြို့နယ် နှင့် အောင်ပန်းမြို့နယ် တစ်ဝိုက်တို့ ဖြစ်ကြသည်။ တောင်ကြီးမြို့နယ်တွင် သစ်တော့သီး အများဆုံး စိုက်ပျိုးသော ပအိုဝ်းကျေးရွာများမှာ မြေဖြူ၊ ထီသိမ်ရွေး၊ လွယ်ကောင်း၊ ဖာမွန်း၊ ထီသိမ်၊ ဖက်ကွန် နှင့် ကျောက်တန်းတို့ ဖြစ်ကြသည်။ ယခင်က ဤကျေးရွာများ၏ သစ်တော့ စိုက်ပျိုးသော ဧကမှာ ၂၀၀၀ ကျော်ခန့် ရှိလေသည်။

ပင်လောင်းမြို့နယ်တွင် ပင်မွန်းကျေးရွာ အုပ်စုနှင့် ဗောင်းရွာအနီး ပတ်ဝန်းကျင်တို့တွင် အများဆုံး စိုက်ပျိုးကြ၏။ ပင်းလောင်းမြို့ အနီးပတ်ဝန်းကျင် တွင်လည်း စိုက်ပျိုးကြသေး၏။ ကလောမြို့နယ်၊ အောင်ပန်းမြို့နယ် ပတ်ဝန်းကျင်တို့တွင်လည်း ပအိုဝ်းတိုင်းရင်းသားတို့၏ သစ်တော့ခြံများကို အများအပြား တွေ့နိုင်ပေသည်။ သို့သော် ယခုအခါ သစ်တော့ပင်စိုက်ပျိုးမှု နည်းလာသည်ကို တွေ့ရသည်။

သစ်တော့ပင်သည် တစ်ပင်လျှင် ၁၀ ပိဿာမှ ပိဿာ ၈၀ အထိထွက်၏။ အချို့အထူးအောင်မြင်သော အပင်မှာ ပိဿာ ၁၀၀ ခန့်ပင်ထွက်သည်ကို တွေ့ရပေသည်။ ပင်လောင်းမြို့နယ် ပင်မွန်းကျေးရွာအုပ်စုမှ လျှံမှူးကျေးရွာတွင် တစ်ပင်တည်း ပိဿာ ၂၀၀ ကျော် ထွက်ဖူးကြောင်း သိရှိရပေသည်။