ပအိုဝ်းသမိုင်း

ပအိုဝ်း တိုင်းရင်းသားများသည် ဗေဒင် မေးလေ့မေးထ ရှိသည်။ ပစ္စည်းဥစ္စာပျောက်ခြင်း၊ ကျွဲ၊ နွား ပျောက်ဆုံးခြင်း၊ မြေယာနှင့် ပတ်သက်သော အငြင်းပွားမှု များအတွက် ကြက်ရိုး ဗေဒင်ကို မေးကြ၏။ ပစ္စည်းဥစ္စာ၊ ကျွဲနွားများ ပျောက်ဆုံးပါက ရွာသူကြီး (၀ါ) ရပ်ရွာက ကြည်ညိုလေးစားသော ပုဂ္ဂိုလ် တစ်ဦးဦးကို သက်သေအဖြစ်ထားလျက် ပစ္စည်းပျောက်သည့် နေရာတွင် ထိုးရာသည်။ လူကြီးများသည် ကြက်ရိုးဗေဒင်ကို ကြည့်၍ ပြဿနာကို အဆုံးအဖြတ် ပေးကြသည်။ ထို့ပြင် ရာသီဥတု ကောင်းမကောင်း၊ သီးနှံထွက်မထွက်၊ ရပ်ရွာအေးချမ်းမှု ရှိမရှိ စသည်တို့ကို ကြိုတင် ခန့်မှန်းရန် အတွက်လည်း ကြက်ရိုးဗေဒင်ကို ကြည့်ကြသည်။

ကြက်ရိုးဗေဒင်အပြင် တုတ်ချောင်းဗေဒင်ကိုလည်း သုံးကြသေးသည်။ ဤဗေဒင်ကို ပအိုဝ်း တိုင်းရင်းသားများက “ ထွားဗန် ” ဟုခေါ်၏။ ဥစ္စာရွှေငွေ၊ ကျွဲနွား ပျောက်ဆုံးခြင်း၊ လူပျောက်ခြင်း၊ စီးပွားရှာထွက်ခြင်း အတွက် “ ဗန် ” ခေါ် ဗေဒင်ကို ကြည့်တတ်ကြ၏။

ဤဗေဒင်မှာ ၀ါးချောင်းငယ်များကို သုံးကြ၏။ သုံးသော ၀ါးမှာလည်း တောကြွက်များ ကိုက်ဖြတ်ထားသော ကြွက်ဝါး၊ ဘုန်းကြီးပျံများတွင် ဘုန်းတော်ကြီးကို မီးဖြင့် သင်္ဂြိုဟ်နေစဉ် ဘုန်းတော်ကြီးအလောင်းကို ထိုးထားသောဝါးနှင့် မိုးကြိုးပစ်ခံရသော ၀ါးကိုသာ အသုံးပြုကြသည်။ ဤ၀ါးချိုး အပြင် ဖြူးကောင်၏အမွေးများ၊ မြက်ပင်များကိုလည်း သုံးနိုင်၏။ “ ဗန် ” ခေါ် တုတ်ချောင်းဗေဒင်ကို ကြည့်ရန်အတွက် တုတ်ချောင်း (၁၂) ချောင်းကို အသုံးပြု၏။

အချို့က “ ဗန်သုံဆီ ” (တုတ်ချောင်းသုံးဆယ်) ဟုခေါ်ကြ၏။ တုတ်ချောင်းသုံးဆယ်ကို တစ်စည်းတည်း စုစည်းပြီး၊ မိမိပြုလိုသည့် အမှုကိစ္စကို တိုင်တည်သည်။ ထိုနောက် သုံးစွဲကာ သုံးခါကြည့်လျှင် အဖြေထွက်လေသည်။ ထိုအခါ ကြည့်ပေသူ၏ ဗေဒင်အရဟောသည်။

ဖားဗေဒင်ဟုခေါ်သည့် ဗေဒင်တစ်မျိုးလည်း ရှိသေး၏။ ထိုဗေဒင်မှာ ဗေဒင်ဆရာသည် ဗေဒင်ကြည့်လိုသူအား နှစ်တောင်ခန့်ရှိသော နှီးဖြင့် ဗေဒင် ကြည့်လိုသူ လက်ချောင်းငါးချောင်း၏ လက်ဆစ်တစ်ဆစ်စီကို တိုင်း၏။ ထိုနောက် လက်ခလယ်မှနေ၍ တထောင်ဆစ်အထိ တိုင်း၏။ ထိုနောက် ဗေဒင် ဆရာက ဟောသည်။

ဗေဒင်ကို ကြည့်ပြီးသောအခါ ဗေဒင်ဆရာ၏ ဟောပြောချက်အရ “ ယာယီ ” ခေါ် မိမိအိမ်မှနေ၍ သူများအိမ်သို့ ပြောင်းရွှေ့အိပ်စက်ခြင်း၊ ညံ့နေသည်ဟု ဟောထားပါက ယတြာချေခြင်း၊ ဆီမီးထွန်းညှိခြင်း၊ ညောင်ထောက်ခြင်းများ၊ တံတားခင်းခြင်းများ ပြုလုပ်ကြသည်။

ပအိုဝ်း တိုင်းရင်းသားတို့သည် ဗေဒင်ကိုကြည့်လေ့ ရှိကြသော်လည်း ပစ္စည်းဥစ္စာ ပျောက်ဆုံးခြင်း၊ ကျန်းမာရေး မကောင်း၍ ချူချာသော အခါများတွင်သာ အကြောင်းစုံကို သိရန်အလို့ငှာ ကြည့်ကြသည်။ ထို့ပြင် အိမ်ဆောက်ခြင်း၊ မြေနေရာရွေးခြင်း၊ ခရီးသွားခြင်း၊ အလှူဒါနပြုခြင်း၊ မင်္ဂလာဆောင်ခြင်း အခါမျိုးတွင်လည်း ကြည့်လေ့ရှိကြသည်။