ပအိုဝ်းသမိုင်း

အချို့ရှင်ပြုပွဲများတွင် ရှင်လောင်းကို လှပသော ၀တ်စားတန်ဆာများဖြင့် ဆင်ပြီး မြင်းဖြင့်စီးစေကာ ညသန်းခေါင်ယံ အချိန်တွင် ရှင်လောင်းခိုးယူသည့် ဓလေ့ကို ပြုလုပ်ကြသည်။ အချို့ကလည်း ရဟန်းဘောင်သို့ ၀င်မည့်သူအတွက် ပဉ္ဇင်းခံပွဲ ပါလျှင်လည်း ရှင်လောင်းကို ခိုးယူသည့်အတိုင်း ပြုလုပ်ကြသည်။ ဤသို့ ပြုလုပ်ခြင်းကို ပအိုဝ်းတို့က “ သီထတ်တော်ထွက်ခန် ” ဟု ခေါ်ပါသည်။ မြန်မာလိုမှာ သိဒ္ဓတ္တမင်းသား တောထွက်ခန်း ပင် ဖြစ်၏။ ဤဓလေ့မှာ လွမ်းခန်းတစ်မျိုးဟု ဆိုနိုင်ပါသည်။ သို့သော် ရှင်ပြုပွဲတိုင်း၊ ရဟန်းခံပွဲတိုင်း ပြုလုပ်လေ့မရှိဘဲ အများအားဖြင့် ပင်လောင်းမြို့နယ်တွင် ပြုလုပ်သော ရှင်ပြုပွဲများတွင် တွေ့ရတတ်သည်။ ပဉ္ဇင်းခံပွဲကို ရှင်ပြုပွဲနှင့် တွဲလုပ်လေ့ရှိကြသည်။

ဤဓလေ့မှာ ရှင်လောင်းထိန်းကို ပို၍အလုပ်များစေသဖြင့် ရှင်လောင်းထိန်းများက တာဝန်ယူပြုလုပ်ပေးမှသာ ဖြစ်နိုင်ပါသည်။ ပြုလုပ်လျှင်လည်း ရှင်လောင်းထိန်း များကပင် အစအဆုံး တာဝန်ယူရ၏။ ဤသိဒ္ဓတ္တမင်းသား တောထွက်ခန်းကို ရှင်ပြုပွဲလာ ပရိသတ်များကလည်း စိတ်ဝင်စားစွာ စောင့်မျှော် ကြည့်ရှုကြသည်။

သိဒ္ဓတ္တမင်းသား တောထွက်ခန်းပြုလုပ်ပုံမှာ ရှင်လောင်းကို ခိုးယူမည်ဆိုပါက ရှင်လောင်းထိန်းအဖွဲ့သည် ရှင်ဒကာ ဒကာမများ မဏ္ဍပ်သို့ လည်းကောင်း၊ ဘုန်းကြီးကျောင်းသို့ လည်းကောင်း၊ ပအိုဝ်းစာဟောဆရာ၏ တရားရေအေးတိုက်ကြွေးရာ မဏ္ဍပ်သို့လည်းကောင်း သွားရောက်နေစဉ်အတွင်း၌ ရှင်လောင်းကို ခိုးယူသွားရသည်။ ခိုးယူသွားရသည် ဆိုသော်လည်း တိတ်တိတ်လေး ခိုးသွားခြင်းမျိုး မဟုတ်ဘဲ ကြည်နူးလွမ်းဆွတ်ဖွယ်ကောင်းသော ပအိုဝ်းလင်္ကာ သီချင်းများ၊ ရိုးရာတူရိယာများ သီဆိုတီးမှုတ်ကာ ခိုးယူသွားရပါသည်။ ညသန်းခေါင်အချိန် ဖြစ်သဖြင့် သီချင်းသံများ အိုးစည်ဗုံမောင်း တူရိယာသံများကို ကြားရသည်မှာ လွမ်းဆွတ်ဖွယ်ပင် ဖြစ်၏။ ကြားရသူတိုင်း၏ စိတ်ထဲတွင်လည်း လွမ်းဆွတ်ပူဆွေး ကြေကွဲစေပါသည်။

ရှင်လောင်း၏ မိဘများဖြစ်သူ ရှင်ဒကာ ဒကာမတို့သည် မိမိတို့သားရတနာကို ရှင်သာမဏေ အဖြစ်သို့ မသွတ်သွင်းရမီ အခိုးခံရကြောင်း ၀မ်းနည်း ကြေကွဲစွာ သိလျှင်သိချင်း ငွေဖြင့်သွားရောက် ရွေးယူရ၏။ ရှင်လောင်းတို့ မိမိတို့ သားသမီးအား ရွေးယူထားသောငွေကို ရှင်လောင်းထိန်းအဖွဲ့က ထိန်းသိမ်းထားပြီး ပွဲပြီးသောအခါ ရှင်လောင်းမိဘများအား ပြန်၍ ကန်တော့ကြသည်။ ဤဓလေ့ကို ဘုရားအလောင်း သိဒ္ဓတ္တမင်းသား တောထွက်ဟန်ဖြင့် ပြုလုပ်သဖြင့် ပအိုဝ်း တိုင်းရင်းသားများက “ သိဒ္ဓတ္တ တောထွက်ခန်း ” (သီထတ်တော်ထွက်ခန်) ဟုခေါ်သည်။