ပအိုဝ်းသမိုင်း

ရှင်ပြုပွဲ ပြီးသောအခါ ရှင်လောင်းထိန်းများ ဧည့်ခံကျွေးမွေးရာတွင် တာဝန်ကျသည့် အမျိုးသမီးများသည် “ မီးဆုခံ ” ကြ၏။ မီးဆုခံခြင်းကို ပအိုဝ်း တိုင်းရင်းသားတို့က “ တောင် ” ဟုခေါ်၏။ ရှင်လောင်း သာမဏေဘ၀သို့ရောက်၍ တရားနာပွဲ ပြီးဆုံးသည့်ညတွင် မီးဆုခံလေ့ ရှိကြသည်။

မီးဆုခံခြင်း၏ အဓိပ္ပါယ်မှာ ရှင်ပြုပွဲအောင်မြင်သော အထိမ်းအမှတ်အဖြစ် လူငယ်တို့ ပျော်ရွှင်ကြသော နောက်ဆုံးပျော်ရွှင်ခြင်းပင် ဖြစ်၏။ ရှေးအခါက ရှင်ပြုပွဲ အောင်မြင်ခြင်း အထိမ်းအမှတ်အဖြစ် “ လုဖိုင် ” ခေါ် မီးရှူး (မီးကျည်) လွှတ်သည့်အလေ့ရှိခဲ့သည်။ သို့သော် နောက်ပိုင်းတွင် ထိုသို့ မကျင့်သုံးတော့ဘဲ မီးဆုခံရာတွင် ရှင်မိရှင်ဘက ပေးသောဆုငွေကို မိမိတို့ရန်ပုံငွေအဖြစ် ထားရှိကြလေသည်။ အချို့က မီးဆုခံခြင်းဆိုသည်မှာ ရှင်ပြုပွဲတွင် ချက်ပြုတ်ကျွေးမွေးသည့်တာဝန်ကို ယူရသည့်သူများက အလှူငွေကောက်ခံခြင်းဖြစ်သည်ဟု ဆိုကြသည်။