လူပျိုလှည့် မေတ္တာစကားထာ

ပအိုဝ်း တိုင်းရင်းသား တို့သည် လူပျိုလှည့်သောအခါ ရိုးရိုးစကားများဖြင့် ပြောကြသည်လည်း ရှိ၏။ အချို့မှာ လူပျိုရော အပျိုပါ စကားပြော ကျွမ်းကျင်သူများ ဖြစ်ပါက မိမိတို့ပြောဆိုသော မေတ္တာစကားများကို စကားထာဝှက်၍ ပြောကြလေသည်။

အပျိုကစကား စပြောသည်ဖြစ်စေ၊ လူပျိုက စပြောသည်ဖြစ်စေ စပြောသူ၏ စကားကို နောက်လူက ချေပပြောဆိုရလေသည်။ ၄င်းတို့ ပြောဆိုကြသော စကားများကို လေ့လာကြည့်လျှင် စိတ်ဝင်စားဖွယ် ကောင်းလှ၏။ အပျိုလူပျိုတို့ ပြောဆိုကြသော မေတ္တာ စကားထာများ၊ ၄င်းတို့ ဥပမာ များမှာလည်း နှစ်သက်စဖွယ် ရှိသည်ကို လေ့လာ တင်ပြပါမည်။

(ပအိုဝ်း) (မ)
“ ၀ါးပေကောင်ကွန်အူသိင်တာတွမ်အနုံ၊ ရှာထီး ဟိုပုံအူသိင်တာတွံအနျာ၊ ဖူးဝေးခိုရှန်သီကဒါဒေါ့စမ်မွုံ ”
(မြန်မာ)
အရှေ့ဘက်တောင်ပေါ်က ငှက်လေးဟာ ဂျိုနဲ့မှုတ်လာတယ်၊ ဟိုပုံးက ကြက်ဖက စအိုနဲ့ မှုတ်လာတယ်၊ အစ်ကိုတတ်ရင် ပြောစမ်းပါဦး

(ပအိုဝ်း) (ကျား)
“ ငါးပေကောင်ကွန်အူသိင်ထာ တွမ်အနုံ နောင်အလမ်က မွေးတောင်း၊ ၀မ်ရိုသိင်လျဉ်း ယာကင်ဒါ၊ ရှာထီး ဟိုပုံ အူသိင် တာကွမ်အနျာ နောင်ဝမ်ရိုသိင် လဉ်းသွူတုံတန်မွေးဘွာနဲ့နော ”
(မြန်မာ)
အရှေ့ဘက်တောင်ပေါ်က ငှက်ကလေးဟာ ဂျိုနဲ့မှုတ်လာတယ်ဆိုတာ အခြားမဟုတ်ဘူး၊ နေကြတ်တာကို ပြောတာ ဟိုပုံးက ကြက်ဖ စအိုနဲ့မှုတ်လာတာ တခြားမဟုတ်ဘူး၊ ဗုံရှည်ကို ပြောတာ

(ပအိုဝ်း) (မ)
“ ထွိုင်သိင်ခန်းလဲုင်းဝေခို၊ ဖူးမူနာင်ခွေယို၊ အုံပေါ သိင်နာစိန်ပေဆလ၊ မူးပလိုင်ဟာနဲနော ”
(မြန်မာ)
ထတော့လေအစ်ကို၊ ညီမသစ်ပင်အောက်မှာ စောင့်ရတာ မိုးတောင်ချုပ်ပြီ

(ပအိုဝ်း) (ကျား)
“ ကာသိင်ခန်းလဲုင်းဖူးမူ၊ ဝေးခိုသဖြူအုံပေါသိင်နာစိန်ပေဆလမူ ပလိုင်ပြေနဲနော ”
(မြန်မာ)
လာခဲ့တော့လေညီမ၊ စိတ်သဘောထား ဖြူစင်တဲ့အစ်ကို၊ သစ်ပင်အောက်မှာ စောင့်ရတာ နေတောင်ဝင်ပြီ

0 comments:

Post a Comment