ပအိုဝ်းသမိုင်း

တိုင်းရင်းသား လူမျိုးများတွင် မိမိတို့ပတ်ဝန်းကျင် အတွေ့အကြုံ၊ အဖြစ်အပျက်၊ အတိတ်နိမိတ်များကို အခြေခံ၍ ဆောင်ရန်၊ ရှောင်ရန်များကို ဓလေ့ထုံးစံ အဖြစ် ဆက်လက်ခံယူ ကျင့်သုံးလေ့ ရှိကြပေသည်။ ထိုသို့ ဓလေ့ထုံးစံအရ၊ ခံယူကျင့်သုံးရာတွင် မိမိတို့ခံယူကျင့်သုံး ယူဆသကဲ့သို့ တထစ်ချ ဖြစ်ရမည်ဟု မဆိုလိုပေ။ ရှေးမိဘ ဘိုးဘွားလက်ထက်က ဖြစ်ပျက် တွေ့ကြုံဖူးခဲ့၍ သားစဉ်မြေးဆက်တွင် ဆောင်ရန်၊ ရှောင်ရန် အဖြစ် ဆက်လက် ကျင့်သုံးလေ့ ရှိကြလေသည်။

တိုင်းရင်းသား ပအိုဝ်းလူမျိုးတို့တွင်လည်း မိမိတို့ပတ်ဝန်းကျင်၊ အတွေ့အကြုံ အဖြစ်အပျက်၊ အတိတ်နိမိတ်များကို အခြေခံ၍ ရှေးဘိုးဘွား လက်ထက်က ရှောင်သင့်၊ ဆောင်သင့်သည်များကို နောင်လာ နောက်သားတို့က ဓလေ့ထုံးစံအဖြစ် ဆက်လက်ခံယူကာ ဆောင်သင့်သည်ကို ဆောင်၍ ရှောင်သင့်သည်ကို ရှောင်ခဲ့ကြကြောင်း တွေ့ရလေသည်။ ပအိုဝ်း တိုင်းရင်းသားတို့၏ အတိတ်နိမိတ်များနှင့် အဆောင်အရှောင်များကို လေ့လာစုဆောင်း မှတ်သားရမိသမျှ တင်ပြလိုပေသည်။

- ရွာတွင်းသို့ ဂျီဝင်လျှင် ရွာသားများ စုပေါင်း၍ စေတနာ သဒ္ဒါတတ်အားသမျှ ထည့်ဝင်ကာ ဆွမ်းကျွေးကြသည်။ အများအားဖြင့် ရွာလယ်တွင်ရှိသော အိမ်တွင် ဆွမ်းကျွေးလေ့ ရှိကြသည်။ ဆွမ်းကျွေးပြီးလျှင် သံဃာတော်များက ပရိတ်ရွတ်ဖတ် သရဇ္ဈယ်ပေး၏။ ဤသို့ ပရိတ်ရွတ်ဖတ် သရဇ္ဈယ်ပြီးလျှင် တူမီးသေနတ်ဖြင့် ပစ်ဖောက်ကြသည်။ သေနတ်ပစ်ဖောက်ရခြင်းမှာ မကောင်းသော အန္တရာယ်များ ကင်းစင်ပပျောက်သွားစေရန် ဖြစ်၏။ ရွာတွင်းသို့ ဂျီဝင်လျှင် ဤဓလေ့ကို ပြုကြခြင်းမှာ ရွာတွင်းသို့ ဂျီဝင်သဖြင့် တစ်အိမ်နှင့်တစ်အိမ် အချင်းများ၍ ရွာကွဲခဲ့ဖူးသည်ဟု ဆို၏။

- ခရီးသွားရင်း ဂျီသတ္တ၀ါသည် မိမိတို့ရှေ့ကို ဖြတ်သွားလျှင်ဖြစ်စေ၊ သစ်ပင်လဲကျ လာလျှင်ဖြစ်စေ၊ မကောင်း၊ လာဘ်မကောင်းသည့်ပြင်၊ အတားအဆီး အနှောင့်အယှက် ဖြစ်စေသည်။

- ခရီးသွားလာနေရင်း မြွေကိုတွေ့လျှင် ကောင်း၏။

- ခရီးသွားလာရင်း မင်္ဂလာဆောင် သတို့သား၊ သတို့သမီး ကန်တော့ရန် သွားကြသည်နှင့် တွေ့လျှင်မကောင်း။

- ခရီးသွားရင်း မိန်းမ မီးဖွားသည်ကို တွေ့လျှင်ကောင်း၏။

- ဧည့်သည်ကို မှိုဟင်းဖြစ်စေ၊ အမဲလိုက်၍ရသော ဂျီ၊ ယုန် စသည့် သတ္တ၀ါများ၏ အသားဟင်းကို ဖြစ်စေ မကျွေးကောင်း။ ကျွေးလျှင် ထိုဧည့်သည် နောက်တစ်ကြိမ် ပြန်မလာတတ်။ အကယ်၍ ဧည့်သည်ကို ကျွေးလိုလျှင် ဧည့်သည်ထံမှ ငွေတစ်မတ်ဖြစ်စေ၊ ငါးမူးဖြစ်စေ တောင်းရ၏။ ဧည့်သည်က ၀ယ်စားသည့် သဘောဖြစ်၏။ ထိုသို့ပြုပါက ဧည့်သည် နောက်တစ်ကြိမ် ပြန်လာသည်ဟု အယူရှိကြသည်။

- အလည်အပတ်သွားသော အိမ်တွင် ဖျာလိပ်နတ်ကိုးကွယ်ပါက ဧည့်သည်ကို အိမ်မြောက်ဘက်သို့ မသွားစေရ။

- ရွာပတ်ဝန်းကျင်တွင် ကျားဟိန်းသံကြားရပါက ဆူပူမှု ဖြစ်တတ်သည်။ သို့သော် အချိန်ကြာမြင့်စွာ ဟိန်းပါက ရောဂါကင်း၏။

- တောဝက်များ ရွာတွင်းသို့ ၀င်လာလျှင် မကောင်း။

- ကျီး၊ ငှက် စသည်တို့ ကိုယ်ခန္ဓာပေါ်သို့ လာနာခြင်း၊ ထိပ်ပေါ်သို့ အညစ်အကြေး စွန့်ခြင်းနှင့် တွေ့ကြုံလျှင် မကောင်း။ အန္တရာယ်နှင့် ရင်ဆိုင်ရတတ်၏။ အသက်ပါဆုံးရှုံးတတ်၏။

- အနောက်မြောက်အရပ်တွင် ကျီးသာလျှင် မကြားဖူးသော ထူးဆန်းသော စကားကို ကြားရတတ်သည်။

- တောင်အရပ်တွင် ကျီးသာလျှင် ကောင်းသော အကြံဥာဏ်ရတတ်၏။ သို့သော် လူကြီး၊ အကြီးအကဲ ဆုံးရှုံးတတ်၏။

- ခရီးသွားစဉ် ခလုတ်တိုက်မိလျှင် ဘေးရန်မကင်း ဖြစ်တတ်သည်။

- လက်ျာဘက် မျက်ခုံးလှုပ်လျှင် နိမိတ်ကောင်း၏။

- အောက်ဘက်မျက်ခမ်း လှုပ်လျှင် မကောင်း။

- အထက်ဘက် မျက်ခုံးလှုပ်လျှင် ကောင်း၏။

- နားပူခြင်း၊ အစားအသောက် စားစဉ် လျှာကိုက်မိခြင်း ဖြစ်ပါက တစ်ပါးသူက မိမိအကြောင်းကို ပြောသည်။

- မိမိထက်ကြီးသောသူ အပေါ်သို့ကျော်၍ ပစ္စည်းပေးပါက ရိုင်းပျသည်ဟု ယူဆပြီး ရှောင်ကြဉ်ကြသည်။

- အိမ်ရှင်မများသည် ခင်ပွန်းသည် ခရီးသွားလျှင် ခင်ပွန်းသည်၏ အိပ်ရာကို မည်သူမျှ အသုံးမပြုစေဘဲ၊ သန့်ရှင်းသပ်ယပ်စွာ ထားကြသည်။ ခင်ပွန်းသည်ကို လေးစားအားထားသည့် သဘောပင် ဖြစ်၏။

- အိမ်ရှင်မများသည် ခင်ပွန်းသည်ခရီးသွားလျှင် ဘုရားတွင် ပန်း၊ ရေချမ်း၊ ဆီမီး အထူးတလည် ကပ်လှူပူဇော်ကြသည်။ ဘေးကင်း ရန်ရှင်းစေရန်ပင် ဖြစ်၏။

- မီးခြင်းတစ်ချောင်းကို လူသုံးယောက် မီးမညှိကောင်း။ ဤအယူအဆမှာ မီးခြစ်တစ်ချောင်းကို လူသုံးယောက် ညှိပါက၊ နောက်မှ ရန်သူလိုက်လာလျှင် အချိန်ဖင့်နွှဲ့ပြီး၊ ရန်သူလိုက်မီမှာ စိုးသောကြောင့် ဖြစ်၏။

- ရွာဘေးတွင် မြေကွဲ မြေအက်ပါက၊ ရွာကွဲတတ်သည်။

- ပဒူ (ပျားတစ်မျိုး) လူပေါ်နားပါက လူသေတတ်သည်။ မသေလျှင် ဆင်းရဲတတ်သည်။

- တောင်ပြိုပါက မကောင်း၊ ရွာထိပ်တွင် တောင်ပြိုပါက၊ ရွာလူကြီးတို့ ထိခိုက်တတ်သည်။

- အိမ်မက်မက်ခြင်းနှင့် ပတ်သက်၍လည်း အယူအဆ ရှိကြသည်။ သစ်ပင်ကြီးများ၊ တောင်များ လဲပြိုသည်ဟု မြင်မက်ပါလျှင်၊ ဘုန်းတော်ကြီး၊ လူ ထိခိုက်တတ်ပါသည်။

- သွားကျိုးသည်ဟု မြင်မက်သော် သားချင်းထဲမှ တစ်ယောက်ယောက် ကွယ်လွန်တတ်သည်။

- မီးကျည်တက်၍ တစ်နေရာတွင်ကျသည်ဟု မြင်မက်သော်၊ မီးကျည်ကျသည်ဟု မြင်မက်သည့် အရပ်တွင် လူသေဆုံးတတ်သည်။

- သစ်သီးဝလံကို မြင်မက်လျှင် ပျိုရွယ်သူ ဖြစ်ပါက အိမ်ထောင်ကျတတ်သည်။

- သစ်သီးဝလံ စားရသည်ဟု မြင်မက်လျှင် ရွှေ၊ ငွေ၊ ပစ္စည်း ရတတ်သည်။

- ဘုရားရှိခိုးသည်၊ ဘုန်းတော်ကြီးနှင့် တွေ့ရသည်ဟု မြင်မက်လျှင် ရန်သူမျိုးငါးပါး ကင်းစင်လိမ့်မည်။

- တောင်ယာလုပ်ငန်းနှင့် ပတ်သက်၍၊ တောင်ယာလုပ်ငန်း စတင်ခုတ်ထွင်သည့် နေ့တွင် ငွေကြေးဥစ္စာ အထွက်မခံကြပေ။ ထိုနေ့တွင် ငွေကြေးဥစ္စာ ထွက်ပါက တောင်ယာမှ ရရှိလာသည့် အကျိုးစီးပွား မတည်မြဲဟု ယူဆကြသည်။

- အထက်ပါယုံကြည်စွဲလမ်းမှုဓလေ့ အဆောင်အရှောင်များမှာ စုဆောင်းရရှိ မှတ်သားရသမျှသာ ဖြစ်ပါသည်။ ဤဓလေ့ အဆောင်အရှောင်များသည် တထစ်ချ မလွဲမသွေ ဖြစ်ရမည်ဟု မယုံကြည်ကြချေ။ ရှေ့ဘိုးဘွားလက်ထက်က မိရိုးဖလာ ဓလေ့ထုံးစံအဖြစ် ယနေ့တိုင် လက်ခံကျင့်သုံး နေကြသည်ကို လေ့လာတွေ့ရှိရပေသည်။