ပအိုဝ်းသမိုင်း

ပအိုဝ်း တိုင်းရင်းသားတို့သည် သားရတနာများ ထွန်းကားလာလျှင် ရှင်ပြုရေးကို အလေးထားကြသည်။ သားသမီး မထွန်းကားပါက၊ ဆွေမျိုးမိတ်သင်္ဂဟ တစ်ဦးဦး၏ သားကို ရှင်ပြုပေးကြ၏။ မိမိတို့ ရှာဖွေစုဆောင်းထားသော ဥစ္စာပစ္စည်းများသည် မိမိတို့၏ ရင်သွေးငယ် လူမမယ် ရှင်ပြုရန်ဟု ယူဆကြသည်။ ပအိုဝ်း တိုင်းရင်းသားတို့သည့် ရှင်ပြုပွဲကို “ ပွယ်ပန် ” ဟုခေါ်၏။

ပအိုဝ်း တိုင်းရင်းသားတို့သည် ရှင်ပြုပွဲကို တစ်ဦးတည်း ကျင်းပခြင်း မရှိပေ။ ငွေကြေး တတ်နိုင်က မတည်ပြီး၊ အရွယ်ရောက်သူ ယောက်ျားလေးများ အားလုံးကို စုပေါင်း၍ သက်ဆိုင်ရာ မိဘရှင်များနှင့် ရွာသူရွာသားများ ၀ိုင်းဝန်းကာ ရွာလုံးကျွတ် ပြုလုပ်လေ့ရှိကြသည်။ ထို့ကြောင့် ရွာတစ်ရွာတွင် ရှင်ပြုပွဲ တစ်ကြိမ်ပြုလုပ်နိုင်ရေးအတွက် ငါးနှစ်မှ ခုနစ်နှစ်အထိ စောင့်စားကြရသည်။

ရှင်ပြုပွဲကို လယ်ယာလုပ်ငန်းအပြီး အလုပ်အားသည့် တပေါင်း တန်ခူးလများတွင် ကျင်းပကြသည်။ ရှင်ပြုပွဲ တစ်ခါပြုလုပ်နိုင်ရေးအတွက် တစ်နှစ်ခန့် ကြာအောင် ပြင်ဆင်မှု ပြုလုပ်ကြရသည်။ ရှင်ပြုပွဲသည် ခုနစ်ရက်ခန့်ကြာပြီး ခမ်းနားစွာ ကျင်းပကြသည်။ ရှင်ပြုပွဲ တစ်ခါပြုလုပ်လျှင် ရှင်လောင်းပေါင်း အပါး (၅၀)မှ (၃၀၀)အထိ ရှိတတ်ကြ၏။ ထို့ကြောင့် ပအိုဝ်း တိုင်းရင်းသားတို့၏ ရှင်ပြုပွဲသည် စည်းလုံးညီညွတ်ခြင်း၊ စုပေါင်းလုပ်ဆောင်ခြင်းကို ဖော်ပြနေပေသည်။