ပအိုဝ်းသမိုင်း

အမျိုးသားသည် မိမိနှစ်သက် စိတ်ဝင်စားသူ အမျိုးသမီးက မိမိထံမှ မင်္ဂလာကြေးအဖြစ် လက်ခံရယူပြီးသည့်နောက်တွင် ထိုအမျိုးသမီးကို မိမိဘ၀ ကြင်ဖော်အဖြစ် အသိအမှတ်ပြုပြီး ဖြစ်လေသည်။ ပအိုဝ်းလူငယ်များသည် မိမိ၏ အိမ်ထောင်ဖက်ကို ရွေးချယ်ရာတွင် မိမိတစ်ဥိးတည်း ဆန္ဒဖြင့် မပြုလုပ်ဘဲ ပတ်ဝန်းကျင် မိဘဆွေမျိုးများ၏ သဘောတူညီမှုကို ရယူကြလေသည်။ ဆွေမျိုးမိဘများကလည်း သင့်တော်ရာ အိမ်ထောင်ဖက်ကို ရွေးချယ် ညွှန်ပြလေ့ ရှိကြပေသည်။

ပအိုဝ်းတိုင်းရင်းသားတို့တွင် အခြားတိုင်းရင်းသားများနှင့် အိမ်ထောင်မပြုရ ဟူသော တားမြစ်ချက်များ မရှိပေ။ မိမိတို့၏ အိမ်ထောင်ဖက်သည် လူမျိုးကွဲ ဖြစ်လျှင်လည်း ဆွေမျိုးအသိုင်းအ၀ိုင်းက ၀ိုင်းပယ်ထားခြင်း မရှိဘဲ အတူတကွ ချစ်ခင်ရင်းနှီးစွာ ပူးပေါင်းနေထိုင်ကြသည်။ ပအိုဝ်း လူငယ်များသည် မိမိတို့ အိမ်ထောင်ရေး အဆင်ပြေစေရန်အတွက် မိမိတို့၏ အိမ်ထောင်ဖက်ကို မိမိတို့ကြိုက်သလို ရွေးချယ်နိုင်ကြသည်။ သို့သော် အိမ်ထောင်ဖက် ရွေးချယ်ရာတွင် အောက်ပါအချက်များကို သတိပြု ရှောင်ရှားတတ်ကြသည် ---
(၁) မျိုးနွယ်မသန့်ရှင်းသူဖြစ်ခြင်း
(၂) အကျင့်စာရိတ္တမကောင်းသူဖြစ်ခြင်း
(၃) ပျင်းရိသူဖြစ်ခြင်း
(၄) ကျန်းမာရေးချို့တဲ့သူဖြစ်ခြင်း
(၅) ဓလေ့ထုံးစံအရ တားမြစ်ထားသူဖြစ်ခြင်း

မျိုးနွယ်နှင့်ပတ်သက်၍ မိဘဘိုးဘွားအထိ ဆင်းသက်လာမှုကို လိုက်လံစုံစမ်းတတ်ကြသည်။ ထိုသူ၏ မျိုးနွယ်ထဲမှ တစ်ဦးတစ်ယောက်ဖြစ်စေ မျိုးရိုးထဲမှ ဖြစ်စေ စုန်း၊ ကဝေ စသည်တို့နှင့် ပတ်သက်နေသည် ယူဆလျှင် ရှောင်ကြဉ်ကြသည်။ ဤအယူအဆမျိုးမှာ သဘာဝမကျတော့ပြီဖြစ်၍၊ အထင်လွဲ ခံရသူများအဖို့ အစစအရာရာ နစ်နာဆုံးရှုံးကြရသည်။

အကျင့်စာရိတ္တနှင့် ပတ်သက်၍ နောက်ကြောင်းရာဇ၀င် ရှိတတ်သည့် အရက်သမား၊ ဖဲသမား၊ ဘိန်းသမား၊ သူခိုး၊ ဓားပြ စသည့် မလိုလားအပ်သော အကျင့်ဆိုးများ ရှိသူကိုလည်း ရှောင်ကြဉ်တတ်ကြသည်။

ပျင်းရိပြီး ကျန်းမာရေးချို့တဲ့သော အိမ်ထောင်ဖက်မျိုးကိုလည်း မလိုလားကြပေ။ ပအိုင်းတိုင်းရင်းသားတို့သည် မိမိတို့ ဘ၀ရပ်တည်မှုအတွက် ကာယ အားဖြင့်သာ သဘာဝရပ်တည်ကြသူများ ဖြစ်ကြ၏။ အလုပ်ကိုခင်တွယ် တန်ဖိုးထားသူများလည်း ဖြစ်၏။ ထို့ကြောင့် အလုပ်လုပ်ရန် ၀န်မလေးသည့် ကျန်းမာသန်စွမ်းသူ အမျိုးသား အမျိုးသမီးများကိုသာ မိမိတို့ အိမ်ထောင်ဖက်အဖြစ် ရွေးချယ်ကြလေသည်။

ဓလေ့ထုံးစံအရ တားမြစ်ထားသူများဟု ဆိုရာတွင်၊ မိမိနှင့် သွေးသားတော်စပ်သူ၊ အခြားအစွဲအလန်း တစ်ခုခုကြောင့် တားမြစ်ထားသူ စသည့် လူမှုရေး အဖွဲ့အစည်းက လက်မခံသည့်သူကိုလည်း အိမ်ထောင်ဖက်အဖြစ် ရွေးချယ်ခြင်းမှ ရှောင်ကြဉ်ကြတတ်သည်။

ပအိုဝ်း တိုင်းရင်းသားတို့၏ အိမ်ထောင်ဖက် ရွေးချယ်ခြင်းနှင့် ပတ်သက်၍ လေ့လာကြည့်လျှင်၊ ၄င်းတို့ ရွေးချယ်သော အိမ်ထောင်ဖက်သည် ဆွေမျိုး တော်စပ်သူ မဟုတ်ခြင်း၊ တစ်ရွာတည်းသား ဖြစ်ခြင်း၊ အမျိုးအနွယ် ကောင်းခြင်း၊ အကျင့်စာရိတ္တကောင်းမွန်ခြင်း၊ ကျန်းမာသန်စွမ်း၍ လိမ္မာရေးခြား ရှိသူ ဖြစ်ခြင်း စသည့် အရည်အချင်း ရှိသူများကို အိမ်ထောင်ဖက်ပြုရန် နှစ်ခြိုက်ကြသည်ကို တွေ့ရပေသည်။

အချို့ကလည်း ဆွေမျိုးတော်စပ်သူကို အိမ်ထောင်ဖက်အဖြစ် ရွေးချယ်ကြသည်။ ဆွေမျိုးတော်စပ်သူကို ရွေးခြင်းမှာ “ ဖိတ်ချင်းဖိတ်၊ ကိုယ်အိတ်ထဲမှာ ဖိတ် ” ဆိုသည့် သဘောမျိုးပင်ဖြစ်၏။ ဆွေမျိုးတော်သူတိုင်းလည်း အိမ်ထောင်ဖက်အဖြစ် ရွေးချယ်၍မရပေ။ အိမ်ထောင်ပြုအပ်သော ဆွေမျိုး၊ မပြုအပ်သော ဆွေမျိုးဟူ၍ ရှိသေးသည်။ အစ်ကို၏ သမီးနှင့် နှမ၏သား၊ အမ၏ သားနှင့် မောင်၏ သမီး တို့သည် အိမ်ထောင်ဖက် ပြုနိုင်၏။ သို့သော် ညီအစ်ကို (၀ါ) ညီအမ တို့၏ သားသမီးများနှင့်မူ အိမ်ထောင်ပြုခွင့် မရှိပေ။ ထို့ပြင် အစ်ကို၏ သားနှင့် ညီမ၏ သမီး၊ အစ်မ၏ သမီးနှင့် မောင်၏ သား တို့ကိုလည်း အိမ်ထောင်ပြုခွင့် မရှိပေ။

တစ်ရွာတည်းနေသူကို အိမ်ထောင်ဖက်အဖြစ် ရွေးချယ်ခြင်းသည် မိမိနှင့် တစ်ရွာတည်းသား ဖြစ်သဖြင့် မျိုးရိုး၊ အကျင့်စာရိတ္တ၊ စိတ်နေသဘောထား တို့မှအစ အကြောင်းသိပြီးသား ဖြစ်၏။ ထို့ပြင် တစ်ရွာတည်းသားကို အိမ်ထောင်ဖက်အဖြစ် ရွေးချယ်ခြင်းသည် မည်သူမျှ တစ်ရပ်တစ်ရွာသို့ လိုက်ပါသွားရန်မလိုဘဲ မိဘလက်ငုတ်လက်ရင်းဖြင့် ဆက်လက် လုပ်ကိုင်နိုင်သည်။

ပအိုဝ်း တိုင်းရင်းသားတို့ နေထိုင်ကြသော ကျေးရွာများသည် အများအားဖြင့် လမ်းပန်းဆက်သွယ်မှု ညံ့ဖျင်းသဖြင့် မိမိတစ်ရွာတည်းသားချင်း မဟုတ်သော်လည်း အနီးအနား ပတ်ဝန်းကျင်ရှိ ရွားများ၌သာ အိမ်ထောင်ဖက်ကို ရွေးချယ်ကြသည်က များလေသည်။ အိမ်ထောင်ဖက် ရွေးချယ်ရာတွင် ပစ္စည်းဥစ္စာ ကြွယ်ဝချမ်းသာမှုကို အဓိကမထားဘဲ လုပ်ရည်ကိုင်ရည်ကိုသာ အဓိကထားကြောင်း လေ့လာတွေ့ရှိရလေသည်။